完整藏文原文 · 德格版页 当前仅加载第 63 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ནི་དགའ་བོ་རྣམ་པར་ཐར་པའི་སྒོ་གསུམ་མངོན་དུ་བྱེད་པའི་མཉམ་པ་ཉིད་དོ། །དགའ་བོ་ཁྱོད་ཀྱི་ཕུང་པོ་ལྔ་ཡོངས་སུ་ཤེས་པར་བྱ་བའི་ཕྱིར་ཡང་ཆོས་ཤོད་ཅིག །དགའ་བོ་ཕུང་པོ་ལྔ་ཡོངས་སུ་ཤེས་པར་བྱ་བ་གང་ཞེ་ན། དགའ་བོ་འདི་ལ་རྣལ་འབྱོར་པ་རྣལ་
D228.063.0193a01.01འབྱོར་སྤྱོད་པ། དགོན་པ་དང་དབྱེ་ལ་གནས་པ་དག་འདི་ལྟར་སློབ་བོ། །དེ་བཞིན་གཤེགས་པས་ཀྱང་འདི་སྐད་གསུངས་ཏེ། གཟུགས་ནི་དབུ་བ་རྡོས་པ་ལྟ་བུ། ཚོར་བ་ནི་ཆུའི་ཆུ་བུར་ལྟ་བུ། འདུ་ཤེས་ནི་སྨིག་རྒྱུ་ལྟ་བུ། འདུ་བྱེད་ནི་ཤིང་ཆུ་སྐྱེས་ལྟ་བུ། རྣམ་པར་
D228.063.0193a02.01ཤེས་པ་ནི་སྒྱུ་མ་ལྟ་བུའོ་ཞེས་ཉི་མའི་གཉེན་གྱིས་གསུངས་སོ། །དེ་ལ་རྣལ་འབྱོར་པ་རྣལ་འབྱོར་སྤྱོད་པ་དག་འདི་ལྟར་སློབ་སྟེ། གང་དེ་བཞིན་གཤེགས་པས་གསུངས་པའི་དཔེ་དེ་དག་ནི་ཡང་དག་པའོ། །དེ་དག་ནི་དེ་བཞིན་ནོ། །དེ་དག་ནི་གཞན་མ་ཡིན་ཏེ། དབུ་བ་ནི་
D228.063.0193a03.01སྟོང་པ། འདོད་པའི་ཁམས་སུ་མ་གཏོགས་པ། གཟུགས་ཀྱི་ཁམས་སུ་མ་གཏོགས་པ། གཟུགས་མེད་པའི་ཁམས་སུ་མ་གཏོགས་པའོ། །གང་ཁམས་གསུམ་དུ་མ་གཏོགས་པ་དེ་ནི་གདགས་སུ་མེད་པ་མི་གདགས་པའོ། །དབུ་བ་ལ་ཡང་བདག་གམ་
D228.063.0193a04.01སེམས་ཅན་དུ་གདགས་སུ་ཡང་མི་ནུས། དེ་ལ་བདག་གམ་སེམས་ཅན་དུ་མི་དམིགས་ཤིང་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་བདག་མེད་པའི་ཕྱིར་རོ། །ཚོར་བ་དང་། འདུ་ཤེས་དང་། འདུ་བྱེད་ཀྱང་དེ་བཞིན་ནོ། །གང་རྣམ་པར་ཤེས་པ་ནི་སྒྱུ་མ་ལྟ་བུའོ་ཞེས་
D228.063.0193a05.01གསུངས་པ། སྒྱུ་མ་ནི་སྟོང་པ་སྟེ། འདོད་པའི་ཁམས་སུ་མ་གཏོགས། གཟུགས་ཀྱི་ཁམས་སུ་མ་གཏོགས། གཟུགས་མེད་པའི་ཁམས་སུ་མ་གཏོགས་སོ། །གང་ཁམས་གསུམ་དུ་མ་གཏོགས་པ་དེ་ནི་གདགས་སུ་མེད་པ་མི་གདགས་པའོ། །སྒྱུ་མ་ལ་ཡང་
D228.063.0193a06.01བདག་གམ་སེམས་ཅན་དུ་གདགས་སུ་མི་ནུས་ཏེ། དེ་ལ་ནི་བདག་གམ་སེམས་ཅན་མེད་ཅིང་མི་དམིགས་པའོ། །དགའ་བོ་ཆོས་ཐམས་ཅད་ནི་བདག་མེད་པའོ་ཞེས་དེ་ལྟར་ཕུང་པོ་ལ་རྟོགས་པ་དེ་ནི་ཕུང་པོ་ཡོངས་སུ་ཤེས་པའོ། །དགའ་བོ་གཞན་ཡང་ཕྱི་དང་ནང་གི་
D228.063.0193a07.01