完整藏文原文 · 德格版页 当前仅加载第 63 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
ས་བརྒྱད་པ་ལ་གནས་པའི་བྱང་ཆུབ་སེམས་དཔས་ཆོས་བཞི་བྱའོ། །བཞི་གང་ཞེ་ན་སེམས་ཅན་ཐམས་ཅད་ལ་སེམས་སྙོམས་པར་འཇུག་པ་དང་། མངོན་པར་ཤེས་པས་རྣམ་པར་འཕྲུལ་པ་དང་། སངས་རྒྱས་ཀྱི་ཞིང་སྟོན་ཅིང་དེ་ནི་དེའི་ལྟ་བ་ཡོངས་སུ་རྫོགས་པ་དང་། སངས་རྒྱས་
D228.063.0201b01.01ལ་བསྙེན་བཀུར་བྱེད་ཅིང་སངས་རྒྱས་ཀྱི་སྐུ་དེ་ལ་རྟོག་པ་སྟེ། བྱང་ཆུབ་སེམས་དཔས་ཆོས་དེ་བཞི་བྱའོ། །གཞན་ཡང་བྱང་ཆུབ་སེམས་དཔས་ཆོས་བཞི་བྱའོ། །བཞི་གང་ཞེ་ན་དབང་པོ་དམ་པ་དང་། དམ་པ་མ་ཡིན་པ་ཤེས་པ་དང་། སངས་རྒྱས་ཀྱི་ཞིང་ཡོངས་སུ་སྦྱོང་བ་དང་།
D228.063.0201b02.01སྒྱུ་མ་ལྟ་བུའི་ཏིང་ངེ་འཛིན་ལ་ཕྱི་ཕྱིར་ཞིང་མཉམ་པར་འཇོག་པ་དང་། ཇི་ལྟ་ཇི་ལྟར་སེམས་ཅན་རྣམས་མོས་པར་འགྱུར་བ་དེ་ལྟ་དེ་ལྟར་བདག་གིས་ལུས་སྤྲུལ་ནས་ཆེད་དུ་སྲིད་པར་སྐྱེ་བ་ལེན་པ་སྟེ། བྱང་ཆུབ་སེམས་དཔའི་ས་བརྒྱད་ལ་གནས་པའི་བྱང་ཆུབ་སེམས་དཔས་ཆོས་བཞི་
D228.063.0201b03.01པོ་དེ་དག་ཡོངས་སུ་རྫོགས་པར་བྱའོ། །གཞན་ཡང་བྱང་ཆུབ་སེམས་དཔའི་ས་དགུ་པ་ལ་གནས་པའི་བྱང་ཆུབ་སེམས་དཔས་སྨོན་ལམ་ལ་མཁས་པར་བྱ་སྟེ། ཇི་ལྟར་སྨོན་པར་བྱ་བ་དེ་བཞིན་དུ་སྨོན་ལམ་བསྒྲུབ་པར་བྱའོ། །ལྷ་དང་ཀླུ་དང་གནོད་སྦྱིན་དང་དྲི་ཟ་དང་མི་དང་མི་མ་ཡིན་པའི་
D228.063.0201b04.01སྐད་ལ་ཤེས་ཤིང་སྤོབས་པ་སྟོན་པ་དང་། མངལ་ནས་འབྱུང་བ་ཕུན་སུམ་ཚོགས་པ་དང་། རིགས་ཕུན་སུམ་ཚོགས་པ་དང་། སྐྱེད་པར་བྱེད་པ་ཕུན་སུམ་ཚོགས་པ་དང་། རུས་ཕུན་སུམ་ཚོགས་པ་དང་། གཡོག་ཕུན་སུམ་ཚོགས་པ་དང་། ཚེ་ཕུན་སུམ་ཚོགས་པ་དང་།
D228.063.0201b05.01འབྱུང་བ་ཕུན་སུམ་ཚོགས་པ་དང་། བྱང་ཆུབ་ཀྱི་ཤིང་བཀོད་པ་ཕུན་སུམ་ཚོགས་པ་དང་། ཡོན་ཏན་གྱི་ཚོགས་ཐམས་ཅད་ཡོངས་སུ་རྫོགས་པར་བྱའོ། །གཞན་ཡང་བྱང་ཆུབ་སེམས་དཔའ་ས་བཅུ་པ་ལ་གནས་པ་ནི་དེ་བཞིན་གཤེགས་པ་ཉིད་དུ་བཤད་པར་བྱ་སྟེ། བྱང་ཆུབ་སེམས་
D228.063.0201b06.01དཔའ་རྣམས་ཀྱི་ས་ནས་སར་འཕར་བ་དེ་ནི་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་བགྲོ་བའོ།། །།བམ་པོ་གཉིས་པ། གཞན་ཡང་སངས་རྒྱས་བགྲོ་བ་ནི་འདི་ལྟ་སྟེ། ཡི་གེ་མཉམ་པ་ཉིད་དང་། སྐད་མཉམ་པ་ཉིད་དང་།
D228.063.0201b07.01