完整藏文原文 · 德格版页 当前仅加载第 63 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སྒྲིབ་པ་ཐམས་ཅད་རྣམ་པར་སེལ་བས་བར་སྣང་དེ་ལས་བབས་ཏེ། སླར་ཡང་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བྱང་ཆུབ་སེམས་དཔའ་དེ་དང་འགྲོགས་ཏེ། ལུས་མི་སྣང་བར་བྱས་ནས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །ང་མཐོང་
D228.063.0219b01.01ངམ། འཇམ་དཔལ་གྱིས་སྨྲས་པ། ངས་མ་མཐོང་ངོ་། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་བཀའ་སྩལ་པ། རིགས་ཀྱི་བུ་འདི་དག་དང་། འཁོར་འདི་ཁྱོད་ཀྱི་ལུས་མཐོང་བར་འདོད་ཀྱིས་རིགས་ཀྱི་བུ་ཁྱོད་
D228.063.0219b02.01ཀྱིས་བདག་གི་ལུས་སྟོན་ཅིག །དེ་ནས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་བྱང་ཆུབ་སེམས་དཔའ་ལྔ་འབུམ་དེ་དག་དང་འགྲོགས་ཏེ་གཟུགས་ཀྱི་ལུས་ཡོངས་སུ་རྫོགས་པས་བདག་གིས་ལུས་སྟོན་ཏོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་
D228.063.0219b03.01སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་སྨྲས་པ། རིགས་ཀྱི་བུ་ཁྱོད་ཀྱིས་སྲིང་མོ་འདི་ཏིང་ངེ་འཛིན་འདི་ལས་སློངས་ཤིག །སྨྲས་པ། འཇམ་དཔལ་སྲིང་མོ་འདི་ཏིང་ངེ་འཛིན་འདི་ལས་སློངས་ཤིག་ཅེས་དེ་སྐད་སྨྲས་པ་དང་། ཅི་འདི་མིང་བསླང་བར་བྱའམ། འོན་ཏེ་
D228.063.0219b04.01གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་བསླང་བར་བྱ། འཇམ་དཔལ་གཟུགས་ཀྱི་རང་བཞིན་ནི་མཉམ་པར་མི་གཞོག་གོ། །ཚོར་བའི་རང་བཞིན་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་རང་བཞིན་ནི་མཉམ་པར་ཡང་མི་
D228.063.0219b05.01གཞོག་ལྡང་བར་ཡང་མི་བྱེད་དོ། །འཇམ་དཔལ་ཆོས་ཐམས་ཅད་ཀྱི་རང་བཞིན་གང་ཡིན་པ་དེ་ནི་མཉམ་པར་ཡང་མི་གཞོག །ལྡང་བར་ཡང་མི་བྱེད་ན་ཆོས་དེ་གང་ཞིག་བསླང་བར་བྱ། འཇམ་དཔལ་གལ་ཏེ་སྲིང་མོ་འདི་མཉམ་པར་གཞོག་པར་འགྱུར་ན་ནི་དེའི་ཕྱིར་བསླང་བར་
D228.063.0219b06.01བྱ་ན། འཇམ་དཔལ་སྲིང་མོ་འདིས་ནི་ཅུང་ཟད་ཀྱང་མཉམ་པར་བཞག་པ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་གཡོ་ཞིང་བྱེད་པ་མེད་པའི་ཕྱིར་རོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་
D228.063.0219b07.01