完整藏文原文 · 德格版页 当前仅加载第 63 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་ནས་ཞུམ་པའི་སེམས་བསྐྱེད་པར་མི་བྱའོ། །ཡོངས་སུ་བཏང་ནས་ཡིད་མི་བདེ་བར་མི་བྱའོ། །སེམས་ཅན་ལ་གནོད་སེམས་མི་བྱ་སྟེ་ཆོས་དྲུག་པོ་དེ་དག་མི་བྱའོ། །གཞན་ཡང་ས་བདུན་ལ་གནས་པའི་བྱང་ཆུབ་སེམས་དཔས་ཆོས་ཉི་ཤུ་མི་བྱའོ། །ཉི་ཤུ་གང་
D228.063.0201a01.01ཞེ་ན། འདི་ལྟ་སྟེ། བདག་ཏུ་འཛིན་པ་དང་། སེམས་ཅན་དུ་འཛིན་པ་དང་། སྲོག་ཏུ་འཛིན་པ་དང་། གང་ཟག་ཏུ་འཛིན་པ་དང་། ཆད་པར་འཛིན་པ་དང་། རྟག་པར་འཛིན་པ་དང་། མཚན་མའི་འདུ་ཤེས་དང་། རྒྱུར་ལྟ་བ་དང་། མིང་དང་གཟུགས་ལ་ཆགས་པ་དང་། ཕུང་པོ་ལ་ཆགས་
D228.063.0201a02.01པ་དང་། ཁམས་ལ་ཆགས་པ་དང་། སྐྱེ་མཆེད་ལ་ཆགས་པ་དང་། ཁམས་གསུམ་ལ་ཆགས་པ་དང་། ཁམས་གསུམ་ལ་ཞེན་པ་དང་། ཁམས་གསུམ་ལ་གནས་པ་དང་། སངས་རྒྱས་ལ་གནས་པའི་ལྟ་བ་ལ་ཆགས་པ་དང་། ཆོས་ལ་གནས་པའི་ལྟ་བ་ལ་ཆགས་
D228.063.0201a03.01པ་དང་། དགེ་འདུན་ལ་གནས་པའི་ལྟ་བ་ལ་ཆགས་པ་དང་། ཚུལ་ཁྲིམས་ལ་གནས་པའི་ལྟ་བ་ལ་ཆགས་པ་དང་། ཆོས་ནི་སྟོང་པའོ་ཞེས་འཇིགས་པ་སྟེ་ཆོས་ཉི་ཤུ་པོ་དེ་དག་ནི་བྱང་ཆུབ་སེམས་དཔས་མི་བྱའོ། །གཞན་ཡང་བྱང་ཆུབ་སེམས་དཔའ་དེས་ཆོས་ཉི་ཤུ་ཡོངས་སུ་
D228.063.0201a04.01རྫོགས་པར་བྱའོ། །ཉི་ཤུ་གང་ཞེ་ན། འདི་ལྟ་སྟེ། སྟོང་པ་ཉིད་རྟོགས་པ་དང་། མཚན་མ་མེད་པ་མངོན་དུ་བྱེད་པ་དང་། སྨོན་པ་མེད་པའི་ཤེས་པ་དང་། འཁོར་གསུམ་ཡོངས་སུ་དག་པ་དང་། སེམས་ཅན་ཐམས་ཅད་ལ་སྙིང་བརྩེ་ཞིང་སྙིང་རྗེ་བ་དང་། སེམས་ཅན་དེ་དག་ལ་
D228.063.0201a05.01མི་བརྙས་པ་དང་། ཆོས་ཐམས་ཅད་ལ་མཉམ་པ་ཉིད་དུ་མཐོང་བ་དང་། ཡང་དག་པའི་ཚུལ་རྟོགས་པ་དང་། མི་སྐྱེ་བའི་ཆོས་ལ་བཟོད་པ་ཐོབ་པ་དང་། ཚུལ་གཅིག་སྟོན་པ་དང་། རྟོག་པ་འཇོམས་པ་དང་། འདུ་ཤེས་ལྡོག་པ་དང་། ཉོན་མོངས་པ་ལྡོག་པ་དང་། ཞི་
D228.063.0201a06.01གནས་དང་། ལྷག་མཐོང་གི་ས་དང་། སེམས་དུལ་བ་དང་། སེམས་ཞི་བ་དང་། སྨོན་པ་མེད་པ་ཤེས་པ་དང་། མཛའ་བ་ལ་མ་ཆགས་པ་དང་། སེམས་ཅན་ཐམས་ཅད་ལ་སེམས་སྙོམས་པ་སྟེ་ཉི་ཤུ་པོ་དེ་དག་ཡོངས་སུ་རྫོགས་པར་བྱའོ། །གཞན་ཡང་བྱང་ཆུབ་སེམས་དཔའི་
D228.063.0201a07.01