完整藏文原文 · 德格版页 当前仅加载第 63 函德格 213b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ཁྱབ་པར་གྱུར་ཀྱང་། གང་སངས་རྒྱས་ཀྱི་ཞིང་འདི་ན་བྱང་ཆུབ་སེམས་དཔའ་དག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། མི་དང་མི་མ་ཡིན་པ་གནས་པ་དེ་དག་ཐམས་ཅད་ཀྱིས་ཀྱང་ཐམས་ཅད་དུ་ཐམས་ཅད་དེ་བཞིན་གཤེགས་པ་གཞན་ཅིག་ཀྱང་
D228.063.0213b01.01མ་མཐོང་སྟེ་ང་གཅིག་པུ་གཉིས་སུ་མེད་པར་མཐོང་ངོ་། །དེ་དག་གི་ཆོས་བཤད་པ་ཡང་མ་ཐོས་ཏེ་ང་གཅིག་པུའི་ཐོས་སོ། །འཇམ་དཔལ་དེ་བཞིན་གཤེགས་པའི་བྱིན་གྱི་རླབས་དང་། དེ་བཞིན་གཤེགས་པའི་ཆོ་འཕྲུལ་དང་། དེ་བཞིན་གཤེགས་པའི་རྣམ་པར་འཕྲུལ་པ་དང་།
D228.063.0213b02.01དེ་བཞིན་གཤེགས་པའི་སྐུ་ཕྲ་བ་ལ་ལྟོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་བཞིན་གཤེགས་པའི་སྐུས་ཡོངས་སུ་གང་ཡང་། བྱང་ཆུབ་སེམས་དཔའ་དེ་དག་གི་ལྷའི་མིག་གིས་ཀྱང་དེ་བཞིན་གཤེགས་པ་གཅིག་ཀྱང་མ་མཐོང་ན་སེམས་ཅན་གཞན་གྱིས་མཐོང་
D228.063.0213b03.01བར་འགྱུར་བ་ལྟ་ཅི་སྨོས་ཏེ་དེ་ནི་གནས་མེད་དོ། །འཇམ་དཔལ་བྱང་ཆུབ་སེམས་དཔའ་དེ་དག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། མི་དང་མི་མ་ཡིན་པ་དེ་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གནས་ཤིང་རྒྱུ་བ་དང་། འཆག་པ་དང་།
D228.063.0213b04.01འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དག་ཇི་ལྟར་སེམས་པ་བཞིན་དུ་སྤྱོད་པ་དེ་དག་ལ་དེ་བཞིན་གཤེགས་པའི་སྐུ་དེ་ལྟར་མང་བ་སྒྲིབ་པར་མི་བྱེད། ཐོགས་པར་མི་བྱེད་པ་ལ་ལྟོས། འཇམ་དཔལ་རྣམ་གྲངས་འདིས་ཀྱང་འདི་ལྟར་རིག་པར་བྱ་སྟེ། དེ་བཞིན་
D228.063.0213b05.01གཤེགས་པ་ནི་ཆོས་ཀྱི་སྐུ་ཡིན་གྱི་གཟུགས་ཡོངས་སུ་གྲུབ་པའི་སྐུ་མ་ཡིན་ནོ། །འཇམ་དཔལ་དེ་བཞིན་གཤེགས་པའི་སྐུ་ནི་ཟག་པ་མེད་པ་སྟེ། ནམ་མཁའ་དང་འདྲ་བ། མ་སྐྱེས་པ། མ་བྱུང་བ། མ་མཐོང་བ། མ་ཐོས་པ། རྣམ་པར་མ་ཤེས་པའོ། །འཇམ་དཔལ་འདི་ལྟ་སྟེ།
D228.063.0213b06.01དཔེར་ན་ནམ་མཁའ་ནི་ཟག་པ་མེད་པ། གཏོགས་པ་མེད་པ། གཟུགས་མེད་པ། བསྟན་དུ་མེད་པ། ཐོགས་པ་མེད་པ། རྣམ་པར་མི་དམིགས་པ་སྟེ། ནམ་མཁའ་ནི་སུས་ཀྱང་བལྟ་མི་ནུས་སོ། །ཡང་ནམ་མཁའ་ནི་སྤྱན་ལྔས་མཐོང་བར་མི་འགྱུར་རོ། །སྤྱན་ལྔ་གང་ཞེ་ན། འདི་
D228.063.0213b07.01