完整藏文原文 · 德格版页 当前仅加载第 63 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དེ་བཞིན་གཤེགས་པ་ནང་དུ་ཡང་དག་འཇོག་ལ་ཞུགས་པའི་ཚེ་འཁོར་བཞི་གང་འོང་བ་དེ་དག་ལ་དགའ་བོ་ཁྱོད་ཀྱིས་དུས་གསུམ་མཉམ་པ་ཉིད་ལས་བརྩམས་ཏེ་ཆོས་ཤོད་ཅིག །དགའ་བོ་དུས་གསུམ་མཉམ་པ་ཉིད་གང་ཞེ་ན། དགའ་བོ་འདས་པའི་དུས་ནི་མ་སྐྱེས་པའོ། །མ་
D228.063.0192b01.01འོངས་པའི་དུས་ནི་མ་མཐོང་བའོ། །ད་ལྟར་ནི་མི་གནས་པ་སྟེ། ཆོས་ཐམས་ཅད་ནི་ཕྱིན་ཅི་ལོག་ལ་གནས་པ་དང་། རང་བཞིན་གྱིས་ཞི་བའོ། །སྟོང་པ་ཉིད་ལ་ཡང་དུས་གང་ཡང་མི་གནས་ཏེ། འདས་པ་ཡང་སྟོང་པ། མ་འོངས་པ་ཡང་སྟོང་པ། ད་ལྟར་ཡང་སྟོང་པའོ། །
D228.063.0192b02.01ཇི་ལྟར་དུས་སྟོང་པ་ཡིན་པ་དེ་བཞིན་ཉིད་ཀྱང་དེ་དང་འདྲའོ། །ཇི་ལྟར་དུས་སྟོང་པ་དེ་བཞིན་དུ་སེམས་ཅན་ཡང་སྟོང་སྟེ། དགའ་བོ་འདི་ལྟ་སྟེ། སྣ་ཚོགས་སུ་མེད་པ་དང་། ཚུལ་གཅིག་ལ་འཇུག་པ་དེ་ནི་དུས་གསུམ་མཉམ་པ་ཉིད་དོ། །དགའ་བོ་གཞན་ཡང་ཁམས་གསུམ་ཡོངས་
D228.063.0192b03.01སུ་ཤེས་པའི་ཕྱིར་ཆོས་ཤོད་ཅིག །ཇི་ལྟར་ན་ཁམས་གསུམ་ཡོངས་སུ་ཤེས་པ་ཡིན་ཞེ་ན། དགའ་བོ་འདི་ལ་རྣལ་འབྱོར་པ་རྣལ་འབྱོར་སྤྱོད་པ་འདི་ལྟར་རྟོག་སྟེ། འདོད་པའི་ཁམས་ནི་ཡོངས་སུ་རྟོག་པ་ལས་བྱུང་ངོ་། །གཟུགས་ཀྱི་ཁམས་དང་། གཟུགས་མེད་པའི་
D228.063.0192b04.01ཁམས་ཀྱང་ཡོངས་སུ་རྟོག་པ་ལས་བྱུང་སྟེ། གང་ཡོངས་སུ་རྟོག་པ་དེ་ནི་དངོས་པོ་མེད་པས་ཁམས་གསུམ་ཐམས་ཅད་རང་བཞིན་མེད་པར་རྟོགས་ནས་རྟོག་པར་མི་བྱེད་རྣམ་པར་རྟོག་པར་མི་བྱེད། ལེན་པར་མི་བྱེད། དོར་བར་མི་བྱེད། འདོད་པར་མི་བྱེད། སྨོན་པར་མི་
D228.063.0192b05.01བྱེད། སྙེམས་པར་མི་བྱེད། སེམས་པར་མི་བྱེད་དེ། དེས་སེམས་པ་ཐམས་ཅད་དང་བྲལ་བས་འདི་ལྟ་སྟེ། རྣམ་པར་ཐར་པའི་སྒོ་གསུམ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཚེགས་ཆུང་ངུས་མངོན་དུ་བྱེད་དོ། །དགའ་བོ་རྣམ་པར་ཐར་པའི་སྒོ་གསུམ་
D228.063.0192b06.01མངོན་དུ་བྱ་བ་གང་ཞེ་ན། གང་མཉམ་པ་ཉིད་མ་འཁྲུགས་པ་དང་། ཆོས་གང་ཡང་མི་བྱ་བ་དང་། རྣམ་པར་མི་བྱ་བ་སྟེ། ཆོས་ཐམས་ཅད་ཐོག་མ་ནས་ཟད་པར་ཤེས་ནས་ཡེ་ཤེས་དང་བཅས་པའི་ཡིད་ལ་བྱེད་པ་ཡང་མི་སྐྱེད་དེ། གཅིག་པར་ཡང་མི་བྱེད་སྣ་ཚོགས་སུ་མི་བྱེད་པ་
D228.063.0192b07.01