完整藏文原文 · 德格版页 当前仅加载第 63 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟ་བར་འཚལ་ལོ། །བཀའ་སྩལ་པ། དེའི་དུས་ལ་བབ་པར་ཤེས་ན་སོང་ཤིག །དེ་ནས་བཅོམ་ལྡན་འདས་དེ་བཞིན་གཤེགས་པ་སེང་གེ་དང་། ངང་པ་དང་། བལ་གླང་གི་ཕུང་པོའི་སྒྲ་བསྒྲགས་པ་དེའི་གཡོག་དོན་ཐམས་ཅད་གྲུབ་པ་ཞེས་བྱ་བ་དེས། དེ་བཞིན་གཤེགས་
D228.063.0218a01.01པ་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་མཐོང་བར་འཚལ་ལོ། །དེ་ནས་དེ་བཞིན་གཤེགས་པ་སེང་གེ་དང་། ངང་པ་དང་། བལ་གླང་གི་ཕུང་པོའི་སྒྲ་བསྒྲགས་པས་དེའི་ཚེ་སྨིན་མཚམས་ཀྱི་མཛོད་སྤུ་ནས་འོད་བྱུང་ངོ་། །འོད་བྱུང་བ་
D228.063.0218a02.01དེས་སྟེང་གི་ཕྱོགས་ཀྱི་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་དང་མཉམ་པ་བརྟོལ་ནས། འཇིག་རྟེན་གྱི་ཁམས་ཀུན་ཏུ་འོད་ཅེས་བྱ་བར་སྣང་བར་གྱུར་ཏེ་དེ་ཉིད་དུ་བྱུང་བ་བཞིན་དུ་སྣང་སྟེ། དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་བྱང་ཆུབ་སེམས་དཔའ་མང་པོས་བསྐོར་ཅིང་འཛམ་
D228.063.0218a03.01བུའི་ཆུ་བོའི་གསེར་གྱི་རི་བཞིན་དུ་ཆོས་འཆད་དེ། འདི་ལྟ་སྟེ། དཔེར་ན་འདོམ་གང་ཙམ་ན་སྐྱེས་བུ་མིག་དང་ལྡན་པ་གཅིག་གིས་སྐྱེས་བུ་གཅིག་གི་རང་བཞིན་ལ་རྟོག་པ་དེ་བཞིན་དུ་འཁོར་དེ་དག་ཐམས་ཅད་ཀྱིས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་བྱང་ཆུབ་སེམས་དཔའི་དགེ་འདུན་དང་བཅས་
D228.063.0218a04.01པ་མཐོང་ངོ་། །དེ་ནས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་བྱང་ཆུབ་སེམས་དཔའ་ལྔ་འབུམ་དང་སེམས་གཅིག་བསྐྱེད་པས་སངས་རྒྱས་ཀྱི་ཞིང་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་ཀུན་ཏུ་འོད་ཅེས་བྱ་བར་གནས་ཏེ། དེ་བཞིན་གཤེགས་པ་འཇུག་སྲེད་
D228.063.0218a05.01ཀྱི་རྒྱལ་པོའི་ཞབས་ལ་མགོ་བོས་ཕྱག་འཚལ་ཏེ་སྤྱན་སྔར་འདུག་གོ། །དེ་ནས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་བྱང་ཆུབ་སེམས་དཔའ་དེ་དག་དང་བཅས་ཏེ་ལུས་མི་སྣང་བར་སོང་ནས། བཅོམ་ལྡན་འདས་དེའི་ཞབས་ལ་མགོ་བོས་ཕྱག་འཚལ་ཏེ། བཅོམ་
D228.063.0218a06.01ལྡན་འདས་ལ་ལན་གསུམ་བསྐོར་ནས་སྟེང་གི་བར་སྣང་ལ་གནས་ཤིང་ལུས་ཐམས་ཅད་སུན་འབྱིན་ཅེས་བྱ་བའི་ཏིང་ངེ་འཛིན་ལ་མཉམ་པར་བཞག་གོ། །དེ་ནས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་ཇི་ལྟ་བུའི་ལྟས་ཀྱིས་སྟེང་གི་བར་སྣང་ལས་ལྷའི་མེ་ཏོག་གི་ཆར་
D228.063.0218a07.01