完整藏文原文 · 德格版页 当前仅加载第 63 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་པར་རྫོགས་པའི་དགེ་སློང་གི་དངོས་པོ་ཡང་དཀོན་ནོ། །དགེ་བའི་བཤེས་གཉེན་ཡང་དཀོན་ནོ། །ནན་ཏན་ལ་གནས་པའི་གང་ཟག་ཀྱང་དཀོན་ནོ། །སྟོང་པ་ཉིད་ལ་ཡིད་ཆེས་ཞིང་མོས་པར་བྱེད་པ་ཡང་དཀོན་ནོ། །དགེ་སློང་ཆོས་ཡོངས་སུ་དག་པར་འཆད་པ་ཡང་དཀོན་ནོ། །གཏོང་
D228.063.0190b01.01བའི་སེམས་དང་ལྡན་པ་ཡང་དཀོན་ནོ། །ལེན་པ་ཡང་དཀོན་ནོ། །གང་བླངས་ནས་སྦྱིན་པ་སྦྱོང་བར་བྱེད་པ་ཡང་དཀོན་ནོ། །གང་བྱས་པ་གཟོ་བར་བྱེད་པ་དང་། བྱས་པ་ཚོར་བར་བྱེད་པའི་སེམས་ཅན་དེ་དག་ཀྱང་དཀོན་ནོ། །གང་བསླབ་པ་འདོད་ཅིང་སྲོག་གི་ཕྱིར་ཡང་བསླབ་
D228.063.0190b02.01པ་མི་གཏོང་བའི་སེམས་ཅན་དེ་དག་ཀྱང་དཀོན་ནོ། །སེམས་ཅན་གང་སེམས་ཅན་ཐམས་ཅད་ལ་སྙིང་རྗེ་བ་དང་སྙིང་བརྩེ་བ་བསྐྱེད་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་ཀྱང་དཀོན་ནོ། །དེ་བས་ཀྱང་གང་བྱང་ཆུབ་ཏུ་སེམས་བསྐྱེད་མ་ཐག་ཏུ་ནན་ཏན་གྱིས་
D228.063.0190b03.01སྦྱོང་བའི་སེམས་ཅན་དེ་དག་ནི་ཤིན་ཏུ་དཀོན་ནོ་ཞེས་དགའ་བོ་ཁྱོད་ཀྱིས་དེ་བཞིན་གཤེགས་པ་ནང་དུ་ཡང་དག་འཇོག་ལ་ཞུགས་ན་དེ་ལྟར་ཆོས་ཤོད་ཅིག །གལ་ཏེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མའི་འཁོར་བཞི་དང་། ལྷ་དང་། ཀླུ་དང་།
D228.063.0190b04.01གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དག་ལྷགས་ནས་འོངས་པ་དེ་དག་ལ་དེ་སྐད་དུ་ཆོས་ཤོད་ཅིག །གཞན་ཡང་དགའ་བོ་ཁྱོད་ཀྱིས་འདི་ལྟར་ཆོས་ཤོད་ཅིག །དེ་བཞིན་གཤེགས་
D228.063.0190b05.01པས་རྣམ་གྲངས་དུ་མར་ལོག་པར་ལྟ་བ་ཤིན་ཏུ་ཁ་ན་མ་ཐོ་བར་གསུངས་ཀྱིས། དེའི་ཕྱིར་ཁྱོད་ཀྱིས་ལོག་པར་ལྟ་བར་མི་བྱའོ། །དེ་ལ་ལོག་པར་ལྟ་བ་གང་ཞེ་ན། འདི་ལྟ་སྟེ། མ་གྲོལ་བ་དང་། མ་སྦས་པ་དང་། མ་ཞི་བ་དང་། མ་དུལ་བ་དང་། རྣམ་པར་མ་དུལ་བ་དང་། ལྷ་
D228.063.0190b06.01སྣ་ཚོགས་ལ་ཐལ་མོ་སྦྱོར་བ་དང་། ཚུལ་ཁྲིམས་དང་། བཟོད་པ་སྣ་ཚོགས་དང་། ཆུ་བོ་དང་། མཚེའུ་དང་། རྫིང་བུ་དང་། འོབས་དང་། རི་དང་། {རི་དགས་,རི་དྭགས་}དང་། བྱ་དང་། ཤིང་ལ་དད་པ་དང་། འདོད་ཆགས་དང་། ཞེ་སྡང་དང་། གཏི་མུག་དང་བཅས་པ་དང་།
D228.063.0190b07.01