完整藏文原文 · 德格版页 当前仅加载第 63 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སེལ་བ་དེ་དང་། བྱང་ཆུབ་སེམས་དཔའ་དེ་དག་ཡོངས་སུ་བཙལ་བར་བྱའོ་སྙམ་མོ། །དེ་ནས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་འཇམ་དཔལ་གཞོན་ནུར་གྱུར་པའི་སེམས་ཀྱི་རྣམ་པར་རྟོག་པ་སེམས་ཀྱིས་ཤེས་ནས་བར་སྣང་ལ་ལུས་མི་
D228.063.0219a01.01སྣང་བར་བྱས་ཏེ། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་དེ་ཇི་སྙམ་དུ་སེམས། ལུས་ཐམས་ཅད་སུན་འབྱིན་པའི་ཏིང་ངེ་འཛིན་ཅེས་བྱ་བ་གཅིག་པུའོ་སྙམ་དུ་ཁྱོད་དེ་ལྟར་མ་ལྟ་ཤིག །དེ་ཅིའི་ཕྱིར་ཞེ་ན། འཇམ་དཔལ་རྒྱ་མཚོ་མཆིང་རྣམ་ཆེན་པོ་ན་ཆུའི་
D228.063.0219a02.01ཕུང་པོ་ཇི་ཙམ་ཡོད་པ་དེའི་ཆུའི་ཐིགས་པ་ཇི་སྙེད་ཡོད་པ་དེ་སྙེད་ཀྱི་ལུས་ཐམས་ཅད་སུན་འབྱིན་པའི་ཏིང་ངེ་འཛིན་ལ་ང་མཉམ་པར་གཞོག་པར་ཡང་བྱེད་ལྡང་བར་ཡང་བྱེད་དེ། ཁྱོད་ནི་དེ་དག་གི་མིང་ཙམ་ཡང་མི་ཤེས་སོ། །དེ་ནས་འཇམ་དཔལ་གཞོན་ནུར་གྱུར་པ་འདི་སྙམ་དུ་གྱུར་ཏེ།
D228.063.0219a03.01གལ་ཏེ་བདག་གིས་ཏིང་ངེ་འཛིན་དེ་མ་བསྒྲུབས་ན་བདག་གིས་སྔར་སྦྱངས་པ་དག་དོན་མེད་དོ་སྙམ་མོ། །དེ་ནས་འཇམ་དཔལ་གཞོན་ནུར་གྱུར་པས་དེའི་ཚེ་ཇི་ལྟ་བུའི་བརྩོན་འགྲུས་ཀྱིས་སེ་གོལ་གཅིག་གིས་འགྲུབ་པར་འགྱུར་བ་དེ་འདྲ་བའི་བརྩོན་འགྲུས་བརྩམས་སོ། །དེ་ནས་དེ་བཞིན་
D228.063.0219a04.01གཤེགས་པ་འཇུག་སྲེད་ཀྱི་རྒྱལ་པོས་བྱང་ཆུབ་སེམས་དཔའ་དེ་དག་ལ་བཀའ་སྩལ་པ། རིགས་ཀྱི་བུ་དག་ཏིང་ངེ་འཛིན་གང་བྱང་ཆུབ་སེམས་དཔའ་གཞན་གྱིས་བསྐལ་པ་བྱེ་བ་ཁྲག་ཁྲིག་ཏུའང་གྲུབ་པར་མི་འགྱུར་བ་དེ་འཇམ་དཔལ་གཞོན་ནུར་གྱུར་པས་སེ་གོལ་གཅིག་གིས་
D228.063.0219a05.01བསྒྲུབས་སོ། །ལྷག་པའི་བསམ་པའི་སྦྱངས་པའི་ཁྱད་པར་ལ་ལྟོས། དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་འདི་དག་སྐྱེས་བུ་དམ་པ་དེ་རྣམས་དང་། བྱང་ཆུབ་
D228.063.0219a06.01སེམས་དཔའ་དེ་མཐོང་བར་འཚལ་ན་བསྟན་པར་གསོལ། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་བཀའ་སྩལ་པ། འཁོར་འདི་དག་ཁྱོད་མཐོང་བར་འདོད་ཀྱིས། རིགས་ཀྱི་བུ་ཁྱོད་ཀྱིས་བདག་གི་ལུས་སྟོན་ཅིག །དེ་ནས་བྱང་ཆུབ་སེམས་
D228.063.0219a07.01