完整藏文原文 · 德格版页 当前仅加载第 63 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐྱེད་པ་བསྒྲུབ་པའོ། །དེ་ལ་བྱང་ཆུབ་སེམས་དཔའི་སེམས་དང་པོ་བསྐྱེད་པ་བསྒྲུབ་པ་གང་ཞེ་ན། འདི་ལྟ་སྟེ། མི་སྐྱེ་བ་བསྒྲུབ་པའོ། །དེ་ཅིའི་ཕྱིར་ཞེ་ན། སེམས་ཅན་ཐམས་ཅད་ནི་སེམས་མེད་པའོ། །གང་སེམས་མེད་པ་དེ་ནི་མི་སྐྱེ་བ་སྟེ། འདི་ལྟ་སྟེ། མ་སྐྱེས་པའི་ཆོས་རྣམས་ལ་
D228.063.0198b01.01བཟོད་པ་དེ་ནི་སེམས་དང་པོ་བསྐྱེད་པའོ། །གཞན་ཡང་བྱང་ཆུབ་སེམས་དཔའི་སེམས་དང་པོ་བསྐྱེད་པ་ནི་གང་གོ་ཆ་བརྟན་པ་འདི་ཡིན་ཏེ། དེ་ལ་གོ་ཆ་བརྟན་པ་གང་ཞེ་ན། འདི་ལྟ་སྟེ། བྱང་ཆུབ་སེམས་དཔས་རྡོ་རྗེ་ལྟ་བུའི་སེམས་བསྐྱེད་པར་བྱའོ། །དེ་ལ་རྡོ་རྗེ་ལྟ་བུའི་སེམས་བསྐྱེད་པ་གང་ཞེ་ན།
D228.063.0198b02.01བཅུ་པོ་འདི་དག་ནི་བྱང་ཆུབ་སེམས་དཔའི་རྡོ་རྗེ་ལྟ་བུའི་སེམས་བསྐྱེད་པའོ། །བཅུ་པོ་གང་ཞེ་ན། འདི་ལྟ་སྟེ། འཁོར་བ་དཔག་ཏུ་མེད་པ་ཡོངས་སུ་ལེན་པའི་གོ་ཆ་དང་། བདོག་པ་ཐམས་ཅད་ཡོངས་སུ་གཏོང་བ་དང་། སེམས་ཅན་ཐམས་ཅད་ལ་སེམས་སྙོམས་པ་དང་། བདག་གིས་
D228.063.0198b03.01སེམས་ཅན་ཐམས་ཅད་སངས་རྒྱས་ཀྱི་མྱ་ངན་ལས་འདའ་བས་ཡོངས་སུ་མྱ་ངན་ལས་བཟླ་བར་བྱ་སྟེ། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླས་ཀྱང་། སེམས་ཅན་གང་ཡང་ཡོངས་སུ་མྱ་ངན་ལས་འདས་པར་མ་གྱུར་པ་དང་། ཆོས་ཐམས་ཅད་མ་སྐྱེས་པར་ཤེས་ཤིང་བརྩོན་
D228.063.0198b04.01འགྲུས་མི་གཏོང་བ་དང་། སེམས་ཅན་ཐམས་ཅད་ལ་བྱ་བའི་ཡེ་ཤེས་ཀྱི་སྨོན་ལམ་དང་ལྡན་པ་དང་། ཐམས་ཅད་མཁྱེན་པའི་ཡེ་ཤེས་ཡོངས་སུ་སྒྲུབ་པ་དང་། ཚུལ་གཅིག་པར་རྟོགས་པ་དང་། དགའ་བ་དང་མི་དགའ་བ་ལ་མི་ལྟ་བ་དང་། ཆགས་པ་དང་ཁོང་ཁྲོ་བ་སྤངས་པ་སྟེ། དེ་
D228.063.0198b05.01དག་ནི་བྱང་ཆུབ་སེམས་དཔའི་རྡོ་རྗེ་ལྟ་བུའི་སེམས་བསྐྱེད་པ་ཞེས་བྱའོ། །གཞན་ཡང་བྱང་ཆུབ་སེམས་དཔའ་སེམས་དང་པོ་བསྐྱེད་པ་བསྒྲུབ་པ་ནི་འདི་ལྟ་སྟེ། ཁམས་གསུམ་གྱི་འདུ་ཤེས་བསྐྱེད་པ་ཐམས་ཅད་ཀྱང་མི་བྱེད་ལ་འདུ་ཤེས་མི་སྐྱེད་པར་ཡང་མི་ལྟུང་བའོ། །གཞན་ཡང་
D228.063.0198b06.01སངས་རྒྱས་བགྲོ་བ་ནི་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་གི་རབ་ཏུ་ཐ་དད་པའོ། །ཕ་རོལ་ཏུ་ཕྱིན་པ་དྲུག་གི་རབ་ཏུ་ཐ་དད་པ་གང་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ལ་འཇིག་རྟེན་པའི་ཡང་ཡོད། འཇིག་རྟེན་ལས་འདས་པའི་ཡང་ཡོད་དོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་
D228.063.0198b07.01