完整藏文原文 · 德格版页 当前仅加载第 63 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ལ་ནི་མ་རིག་པ་མི་མཐོང་ངོ་། །གང་མ་རིག་པ་མི་མཐོང་བ་དེ་དག་ལ་ནི་རིག་པ་མ་སྐྱེས་སོ། །གང་རིག་པ་མ་སྐྱེས་པ་དེ་དག་ནི་མི་འབྱུང་ངོ་། །གང་མི་འབྱུང་བ་དེ་དག་ནི་འབྱུང་བར་མི་འགྱུར་རོ། །གང་འབྱུང་བར་མི་འགྱུར་བ་དེ་དག་ནི་འཇིག་པ་མེད་དོ། །གང་འཇིག་པ་མེད་པ་དེ་དག་
D228.063.0208b01.01ནི་མི་འབྱུང་ངོ་། །གང་མ་བྱུང་བ་དེ་དག་ནི་དབྱེ་བར་མི་ནུས་སོ། །གང་དབྱེ་བར་མི་ནུས་པ་དེ་དག་ནི་ལྷའི་བུ་ཤིན་ཏུ་དག་པ་ཡིན་ཏེ། ལྷའི་བུ་དེ་ནི་འཕགས་པ་གནས་པ་རྡུལ་དང་བྲལ་བའོ། །གསོལ་པ། འཇམ་དཔལ་རྡུལ་ཅེས་བགྱི་བ་ལགས། སྨྲས་པ། ལྷའི་བུ་ཆུང་ངུ་ན་སངས་
D228.063.0208b02.01རྒྱས་སུ་དམིགས་པའི་རྣམ་པར་ཤེས་པ་འབྱུང་བ་དེ་ནི་རྡུལ་ཏོ། །ལྷའི་བུ་མཚན་མ་ནི་རྡུལ་ཏོ། །འདུ་ཤེས་དང་། འཛིན་པ་དང་། ཆགས་པ་དང་། རློམ་སེམས་དང་། འདུད་པ་དང་། ཁེངས་པ་དང་། ཕྱག་འཚལ་བ་དང་། ཆགས་སེམས་དང་། ཁོང་ཁྲོ་བ་དང་། དམིགས་པ་དང་།
D228.063.0208b03.01འགྲོ་བ་དང་། སྨོན་ལམ་དང་། རྟོག་པ་དང་། རྟོག་པའི་མཚན་མ་དང་། ཡོངས་སུ་རྟོག་པ་དང་། རྣམ་པར་རྟོག་པ་དང་། ཀུན་ཏུ་རྟོག་པ་དང་། ཡུལ་ཡིད་ལ་བྱེད་པ་དང་། ང་སློང་བར་བྱེད་པ་དང་། ཆད་པར་འཛིན་པ་དང་། རྟག་པར་འཛིན་པ་དང་། མེད་པར་འཛིན་པ་དང་། ལོག་
D228.063.0208b04.01པར་འཛིན་པ་དང་། ཡོད་པར་འཛིན་པ་དང་། མེད་པར་འཛིན་པ་དང་། ལྷའི་བུ་ཇི་ཙམ་དུ་རྣམ་པར་རྟོག་ཅིང་སྤྲོས་པ་དང་། ཡིད་ལ་བྱེད་པ་དང་། སེམས་པ་དང་། སྒྲུན་པ་དེ་ཐམས་ཅད་ནི་འཕགས་པའི་ཆོས་འདུལ་བ་ལ་རྡུལ་དུ་བཤད་དོ། །དེ་ནས་འཇམ་དཔལ་གཞོན་ནུར་གྱུར་པ་
D228.063.0208b05.01ལ་ལྷའི་བུ་འོད་ཟེར་གྱི་རྒྱལ་མཚན་གྱིས་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་ས་ལེགས་སོ། །ཡང་འཇམ་དཔལ་ཁྱོད་ཀྱིས་དྲན་པ་ཉེ་བར་གཞག་པ་ལ་གནས་པ་བཤད་པ་འདི་ལེགས་ས་ཞེས་སྨྲས་སོ། །འཇམ་དཔལ་གྱིས་སྨྲས་པ། ལྷའི་བུ་ཆོག་གིས་མ་རྟོག་
D228.063.0208b06.01ཤིག །ཁྱོད་ནི་མ་སྐྱེས་པ་མ་བྱུང་བ་མ་བསྟན་པའི་ཆོས་ཀྱིས་ལེགས་པ་སྦྱིན་པར་བྱེད་དེ། ལྷའི་བུ་གང་དྲན་པ་ཉེ་བར་གཞག་པ་བརྟན་པ་འདི་ནི་བཤད་པའམ། བརྗོད་པར་མི་ནུས་སོ། །དེ་ཅིའི་ཕྱིར་ཞེ་ན། ཆོས་ཐམས་ཅད་བརྗོད་དུ་མེད་པའི་ཕྱིར་ཏེ། ཆོས་ཐམས་ཅད་ནི་བརྗོད་དུ་མེད་
D228.063.0208b07.01