完整藏文原文 · 德格版页 当前仅加载第 63 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་ནི་བགྲོ་བར་ཡང་མི་མཛད། རྩོད་པར་ཡང་མི་མཛད། བགྲོ་བས་འཇོག་པར་ཡང་མི་མཛད་དོ། །བཅོམ་ལྡན་འདས་འཇུག་སྲེད་ཀྱི་རྒྱལ་པོ་དེ་བཞིན་གཤེགས་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཀུན་དུ་འོད་ཅེས་བྱ་བར་སངས་རྒྱས་བགྲོ་བའི་ཆོས་ཀྱི་རྣམ་གྲངས་
D228.063.0204b01.01འདི་བསྟན་པའི་ཚེ། བྱང་ཆུབ་སེམས་དཔའ་ཁྲི་ཉིས་སྟོང་གིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བྱང་ཆུབ་སེམས་དཔའ་དེ་དག་གིས་ནི་སངས་རྒྱས་བྱེ་བ་དེ་སྙེད་བཞུགས་པ་ལས་དེ་བཞིན་གཤེགས་པ་གཞན་གང་ཡང་མ་མཐོང་སྟེ། དེ་བཞིན་གཤེགས་པ་འཇུག་སྲེད་
D228.063.0204b02.01ཀྱི་རྒྱལ་པོ་ཉག་གཅིག་མཐོང་ངོ་། །དེ་ནས་འཇམ་དཔལ་གཞོན་ནུར་གྱུར་པ་མི་མཇེད་ཀྱི་འཇིག་རྟེན་གྱི་ཁམས་འདི་ན་གནས་པ་ལས་འདི་སྙམ་དུ་གྱུར་ཏེ། དེ་རིང་ཤར་ཕྱོགས་ན་བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་
D228.063.0204b03.01ཀུན་དུ་འོད་ཅེས་བྱ་བར་ཕྱོགས་བཅུ་ཀུན་ནས་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་འདུས་སོ། །འདུས་ནས་སངས་རྒྱས་བགྲོ་བའི་ཆོས་ཀྱི་རྣམ་གྲངས་བགྲོ་བར་མཛད། འཆད་པར་མཛད་ཀྱིས། གང་བདག་ནི་སངས་རྒྱས་བཅོམ་ལྡན་འདས་དེ་དག་ལ་ཕྱག་
D228.063.0204b04.01བྱ་བ་དང་། ཆོས་བསྟན་པ་དེ་དག་མཉན་པའི་ཕྱིར་འགྲོའོ། །གང་བདག་ནི་སངས་རྒྱས་བཅོམ་ལྡན་འདས་དེ་དག་ལ་བལྟ་བ་དང་། ཆོས་མཉན་པའི་ཕྱིར་ཕྱོགས་བཅུར་ཡང་འགྲོ་ཞིང་རྒྱུ་བར་བྱ་ན། དེ་ལྟར་ཚེགས་ཆུང་ཞིང་སངས་རྒྱས་ཀྱི་ཞིང་གཅིག་ཏུ་འདུས་ཀྱིས་གང་བདག་ནི་ངེས་
D228.063.0204b05.01པར་འགྲོའོ། །སྐྱེས་བུ་དམ་པ་དེ་འདྲ་བ་དག་འཇིག་རྟེན་དུ་བྱུང་བར་ཐོས་པའམ་མཐོང་བ་དཀོན་ནོ་སྙམ་མོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་བྱམས་པ་ལ་སྨྲས་པ། བྱམས་པ་ད་ནི་བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོའི་སངས་
D228.063.0204b06.01རྒྱས་ཀྱི་ཞིང་དུ་འདོང་ངོ་། །དེ་ནས་སངས་རྒྱས་བྱེ་བ་ཁྲག་ཁྲིག་བརྒྱ་ཕྲག་མང་པོ་ད་ལྟར་འདུས་ཏེ་སངས་རྒྱས་བགྲོ་བའི་ཆོས་ཀྱི་རྣམ་གྲངས་འཆད་ཀྱིས། དེ་དག་ལ་བདག་ཅག་གིས་ཆོས་མཉན་ཏོ། །དེ་བཞིན་གཤེགས་པ་དེ་དག་ལ་བདག་ཅག་གིས་བལྟའོ། །དེ་ཅིའི་ཕྱིར་ཞེ་
D228.063.0204b07.01