完整藏文原文 · 德格版页 当前仅加载第 63 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
མི་འམ་ཅི་དང་། ལྟོ་འཕྱེ་ཆེན་པོ་དང་། མི་ལ་སོགས་པ་གང་ཡང་དབང་པོའི་བྲག་གི་ཕུག་ཏུ་ཟླ་བ་གསུམ་གྱི་བར་དུ་མ་གཏང་ཤིག །དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D228.063.0190a01.01བདག་གིས་ལྷ་མཐུ་ཆེན་པོ་ལུས་ཕྲ་བ་དག་གཟུང་མི་ནུས་སོ། །བཅོམ་ལྡན་འདས་ཇི་ལྟར་གནས་བརྟན་མཽད་གལ་གྱི་བུ་ཆེན་པོ་རྫུ་འཕྲུལ་དང་ཆོ་འཕྲུལ་དང་ལྡན་པ་དེ་འདྲ་བ་བདག་ལ་མ་མཆིས་ཀྱིས། བཅོམ་ལྡན་འདས་དེ་ལ་བཀའ་སྩལ་དུ་གསོལ། དེ་ནས་བཅོམ་ལྡན་འདས་
D228.063.0190a02.01བསྲུང་བར་ནུས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་ལ་འདི་སྐད་ཅེས་བཀའ་སྩལ་ཏོ། །དགའ་བོ་ཆོག་གོ། །ཁྱོད་དེ་བཞིན་གཤེགས་པ་ལ་དེ་སྐད་མ་ཟེར་ཅིག །དེ་བཞིན་གཤེགས་པ་ནི་སུས་ཀྱང་སྲུང་མི་དགོས་སོ། །ཀུན་དུ་
D228.063.0190a03.01སྲུང་མི་དགོས་སོ། །དེ་བཞིན་གཤེགས་པ་ལ་ནི་བསྲུང་བར་བྱ་བ་མེད་དེ། དགྲ་ལས་རྒྱལ་བ་ཡིན་ནོ། །ངས་ནི་ལྷ་དང་བཅས་པ། བདུད་དང་བཅས་པ། དགེ་སྦྱོང་དང་བྲམ་ཟེར་བཅས་པའི་སྐྱེ་དགུའི་འཇིག་རྟེན་ན་གང་དེ་བཞིན་གཤེགས་པའི་བྱིན་གྱིས་བརླབས་ལ་ཆུང་ངུ་ན། ཆོས་
D228.063.0190a04.01གོས་ཀྱི་མཐའ་མ་ལ་ཡང་། བསྐྱོད་པའམ། སྒུལ་བར་ནུས་པ་སུ་ཡང་མ་མཐོང་གིས། དགའ་བོ་ཁྱོད་བྱ་བ་ཉུང་བར་གྱིས་ཤིག །དེ་བཞིན་གཤེགས་པ་ཉིད་བྱིན་གྱིས་རློབ་བོ། །དགའ་བོ་ཡང་དེ་བཞིན་གཤེགས་པ་ནང་དུ་ཡང་དག་འཇོག་ལ་ཞུགས་པའི་དྲུང་དུ་
D228.063.0190a05.01དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དག་འོང་བར་གྱུར་ན། དགའ་བོ་ཁྱོད་ཀྱིས་
D228.063.0190a06.01དེ་དག་ལ་འདི་སྐད་དུ་ཆོས་ཤོད་ཅིག །གྲོགས་པོ་དག་མིར་ཐོབ་པ་ནི་དཀོན་ནོ། །འཐུན་པའི་ཡུལ་ལ་གནས་པ་ནི་དཀོན་ནོ། །དེ་བཞིན་གཤེགས་པ་སྐྱེ་བ་ཡང་དཀོན་ནོ། །དེ་བཞིན་གཤེགས་པས་གསུངས་པའི་ཆོས་འདུལ་བ་ལ་དད་པ་ཡང་དཀོན་ནོ། །རབ་ཏུ་བྱུང་ཞིང་
D228.063.0190a07.01