完整藏文原文 · 德格版页 当前仅加载第 63 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། དེ་བཞིན་གཤེགས་པ་ལའང་ཕྱག་འཚལ་བར་མི་ནུས་སོ། །དེ་ཅིའི་ཕྱིར་ཞེ་ན། དེ་ལྟར་དེ་བཞིན་གཤེགས་པ་དང་དེ་བཞིན་ཉིད་དེ་ནི་གཉིས་སུ་མེད་དེ། གཉིས་ལྟ་བུར་དབྱེར་མེད་པའི་ཕྱིར་རོ། །ཡང་སྨྲས་པ། འཇམ་དཔལ་ཁྱོད་ཀྱིས་དེ་བཞིན་གཤེགས་པ་མཐོང་
D228.063.0221b01.01ངམ། སྨྲས་པ། མཐོང་ངོ་། །སྨྲས་པ། ཇི་ལྟར་མཐོང་། སྨྲས་པ། ཇི་ལྟར་རྡུལ་ཙམ་ཡང་མ་མཐོང་བ་དེ་ལྟར་མཐོང་སྟེ་དེ་འདྲ་བར་མཐོང་ངོ་། །སྨྲས་པ། དེ་ལྟར་མཐོང་ན་ཅི་ཞིག་མཐོང་། སྨྲས་པ། དེ་ལྟར་མཐོང་ན་ཅུང་ཟད་ཀྱང་མ་མཐོང་ངོ་། །སྨྲས་པ། འཇམ་
D228.063.0221b02.01དཔལ་གང་ཁྱོད་ཅུང་ཟད་ཀྱང་མ་མཐོང་ན་ཅི་ཁྱོད་མིག་རྟུལ་ལམ། སྨྲས་པ། བདག་ནི་མིག་རྟུལ་བ་ཡང་མ་ཡིན། མིག་ལྔ་དང་ལྡན་པའང་མ་ཡིན། མིག་མེད་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། སྲིང་མོ་མིག་ནི་མ་སྐྱེས་པ། ཡང་དག་པར་མ་སྐྱེས་པ། སྒྱུ་མ་
D228.063.0221b03.01ལྟ་བུ་སྟེ། ཆོས་ཐམས་ཅད་དངོས་པོ་མེད་པའི་ཕྱིར་དེ་ནི་དངོས་པོའམ། དངོས་པོ་མེད་པ་གང་གིས་ཀྱང་བཤད་པར་མི་བྱའོ། །སྨྲས་པ། འཇམ་དཔལ་ཅི་ཆོས་ཐམས་ཅད་དངོས་པོ་མེད་པའམ། སྨྲས་པ། དངོས་པོ་ཡོད་པ་ཡང་མ་ཡིན། དངོས་པོ་མེད་པ་ཡང་མ་
D228.063.0221b04.01ཡིན་ནོ། །སྨྲས་པ། འཇམ་དཔལ་དེ་བཞིན་དུ་ཇི་སྐད་སྨྲས་པ་བཞིན་ནོ། །དེ་ནས་འཇམ་དཔལ་གཞོན་ནུར་གྱུར་པས་སྲིང་མོ་དེ་ལ་འདི་སྐད་ཅེས་སྨྲས་སོ། །ཅིའི་ཕྱིར་ན་སྲིང་མོ་ཁྱོད་བུད་མེད་ཀྱི་ལུས་ལས་སྒྱུར་བར་མི་བྱེད། སྨྲས་པ། འཇམ་དཔལ་དེ་སྐད་མ་སྨྲ།
D228.063.0221b05.01རྣམ་པར་མ་རྟོག་ཤིག །ཁྱོད་ཀྱིས་ཆོས་གང་ཡང་སྐྱེས་པའམ། བུད་མེད་དུ་གྱུར་པ་དེ་མཐོང་ངམ། སྨྲས་པ། དེ་མ་ཡིན་ནོ། །སྨྲས་པ། འཇམ་དཔལ་ཇི་སྙམ་དུ་སེམས། གཟུགས་སྐྱེས་པའམ། བུད་མེད་ཡིན་ནམ། སྨྲས་པ། མ་ཡིན་ནོ། །ཚོར་
D228.063.0221b06.01བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་སྐྱེས་པའམ། བུད་མེད་ཡིན་ནམ། སྨྲས་པ། མ་ཡིན་ནོ། །འཇམ་དཔལ་དེ་ཇི་སྙམ་དུ་སེམས། མིག་སྐྱེས་པའམ། བུད་མེད་ཡིན་ནམ། རྣ་བ་དང་། སྣ་དང་། ལྕེ་དང་། ལུས་དང་། ཡིད་སྐྱེས་པའམ། བུད་
D228.063.0221b07.01