完整藏文原文 · 德格版页 当前仅加载第 63 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
གྲགས་པར་གྱུར་ཏོ། །བྱང་ཆུབ་སེམས་དཔའ་བྱམས་པས་ཀྱང་མ་ལྷག་མ་ཆད་པར་ཀུན་བཟུང་ངོ་། །འཇིག་རྟེན་གྱི་ཁམས་འདིར་ཡང་ཆོས་ཀྱི་རྣམ་གྲངས་འདི་ཐོས་ནས་སྲོག་ཆགས་བྱེ་བ་དྲུག་ཅུ་རྩ་བཞི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །བྱང་ཆུབ་
D228.063.0225b01.01སེམས་དཔའ་སྟོང་ཕྲག་བདུན་ཅུས་ནི་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་བོ། །དགེ་སློང་སྟོང་ཕྲག་བཅུ་བཞིས་ནི་ཟག་པ་ལས་མ་ལུས་པར་སེམས་རྣམ་པར་གྲོལ་ལོ། །དགེ་སློང་མ་ལྔ་སྟོང་དང་། ལྷ་དང་མིའི་སྐྱེ་དགུ་སེམས་ཅན་ཁྲག་ཁྲིག་ཕྲག་དྲུག་ཅུ་རྩ་དྲུག་ནི་ཆོས་ལ་ཆོས་
D228.063.0225b02.01ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པས་བྱང་ཆུབ་སེམས་དཔའ་བྱམས་པ་ལ་བཀའ་སྩལ་པ། མ་ཕམ་པ་ཁྱོད་ཀྱིས་ཆོས་ཀྱི་རྣམ་གྲངས་འདི་ལོང་ཤིག །གཞན་ལ་ཡང་རྒྱ་ཆེར་ཤོད་ཅིག །
D228.063.0225b03.01གསོལ་པ། བཅོམ་ལྡན་འདས་བདག་གིས་ཆོས་ཀྱི་རྣམ་གྲངས་འདི་བླངས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མ་ཕམ་པ་ཅི་ནས་ཀྱང་ཆོས་ཀྱི་རྣམ་གྲངས་འདི་ཕྱི་མའི་དུས་ཕྱི་མའི་ཚེ་སྤྱོད་པར་འགྱུར་བར་ཁྱོད་ལ་གཏད་དོ། །མ་ཕམ་པ་གལ་ཏེ་བྱང་
D228.063.0225b04.01ཆུབ་སེམས་དཔའ་ད་ལྟར་ཕྱོགས་བཅུའི་འཇིག་རྟེན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་པ་འཚོ་བ། གཞེས་པ་ཇི་སྙེད་པ་དང་། གང་མ་འོངས་པའི་དུས་ན་སྤྱད་པ་སྤྱོད་པ་དང་། སྤྱོད་པར་འགྱུར་བ་དང་། ཡོངས་སུ་བརྟག་
D228.063.0225b05.01པ་བཟུང་ན་སེམས་ཅན་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཤིང་སྟོབས་བཅུ་དང་ལྡན་པར་འགྱུར། གང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་དེ་དག་ཀྱང་ཡོངས་སུ་བརྟག་པ་བཟུང་ན། ཉན་ཐོས་དང་
D228.063.0225b06.01རང་སངས་རྒྱས་དང་བཅས་ཏེ་སླར་ཞུགས་པར་གྱུར་ལ། དེ་སྙེད་ཀྱི་དེ་བཞིན་གཤེགས་པ་མང་པོ་ལ་ཕྱི་མའི་མཐར་ཐུག་གི་བར་དུ་བདེ་བའི་ཡོ་བྱད་ཐམས་ཅད་ཀྱིས་བཀུར་སྟི་བྱས། རིམ་གྲོ་བྱས། བསྟི་སྟང་བྱས། མཆོད་པ་བྱས་ཤིང་ཡོངས་སུ་མྱ་ངན་ལས་འདས་
D228.063.0225b07.01