完整藏文原文 · 德格版页 当前仅加载第 63 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ལ་ཕྱག་འཚལ་ལོ། །དེ་ཅིའི་སླད་དུ་ཞེ་ན། གང་བཅོམ་ལྡན་འདས་བྱང་ཆུབ་སེམས་དཔའི་སྤྱོད་པ་འདི་ནི་འདུལ་བ་ཆེན་པོའི་སྤྱོད་པ་ལགས་སོ། །སྲིང་མོ་དེ་ཏིང་ངེ་འཛིན་དེ་ལས་བསླང་བའི་ཕྱིར་འཇམ་དཔལ་གཞོན་ནུར་གྱུར་པས་ཕྱོགས་བཅུ་ཐམས་ཅད་དུ་སློང་བར་བགྱིད་པའི་ཚེ་སེམས་
D228.063.0216b01.01ཅན་དཔག་ཏུ་མེད་པ་བྱང་ཆུབ་ཏུ་ཡོངས་སུ་སྨིན་པར་བྱས་སོ། །སེམས་ཅན་དཔག་ཏུ་མེད་པ་དག་གི་དགེ་བའི་རྩ་བ་ཡོངས་སུ་གྲུབ་པར་གྱུར་ཏོ། །དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་འཇམ་དཔལ་གཞོན་ནུར་གྱུར་པ་ལ་འདི་
D228.063.0216b02.01སྐད་ཅེས་བཀའ་སྩལ་ཏོ། །དེ་བཞིན་ནོ། །འཇམ་དཔལ་ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་རྣམས་ཀྱི་གོ་ཆ་ནི་བསམ་གྱིས་མི་ཁྱབ་སྟེ། ཉན་ཐོས་དང་། རང་སངས་རྒྱས་རྣམས་ཀྱིས་ཀྱང་བདེ་བར་ཤེས་པར་མི་ནུས་ན་སེམས་ཅན་གཞན་གྱིས་ལྟ་ཅི་སྨོས་ཏེ། འཇམ་
D228.063.0216b03.01དཔལ་འདི་ལྟ་སྟེ། དཔེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྔའི་ཁ་ཡ་གཅིག་ཏུ་གྱུར། ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཅིག་ཀྱང་རྔའི་ཁ་ཡ་གཅིག་ཏུ་གྱུར་ཏེ་ཡོངས་སུ་བརྟག་པ་བཟུང་ན། འཇམ་དཔལ་དེ་འདྲ་བའི་རྔ་ཆེན་
D228.063.0216b04.01པོར་གྱུར་ན་དེ་ནི་སྐྱེས་བུ་དེ་འདྲ་བར་སྟོབས་ཆེ་ཞིང་། དེ་འདྲ་བར་མཐུ་ཆེ་བ་དེ་ལྟ་བུའི་ལུས་དང་ལྡན་པས་སྟོང་གཅིག་གི་འཇིག་རྟེན་གྱི་ཁམས་དང་མཉམ་པའི་དབྱུག་གུ་ཐོགས་ཏེ། སྲིང་མོ་དེའི་མདུན་དུ་བསྐལ་པའམ། བསྐལ་པའི་ལྷག་མ་ལུས་ཀྱི་བར་དུ་རྔ་ཆེན་པོ་དེ་
D228.063.0216b05.01བརྡུངས་སུ་ཟིན་ཀྱང་སྒྲ་དེ་སྲིང་མོ་དེའི་རྣར་གྲག་པར་མི་འགྱུར་ན་ཏིང་ངེ་འཛིན་ལས་བསླང་བར་ལྟ་ཅི་སྨོས་ཏེ། དེ་ནི་གནས་མེད་དེ་སྲིང་མོ་དེ་ནི་དེ་འདྲ་བའི་ཏིང་ངེ་འཛིན་ཞི་བ་ཐོབ་བོ། །འཇམ་དཔལ་གྱིས་གསོལ་པ། བཅོམ་ལྡན་འདས་སྲིང་མོ་འདི་ཏིང་ངེ་འཛིན་འདི་ལས་སློང་བར་སུ་
D228.063.0216b06.01ཞིག་གིས་ནུས། བཀའ་སྩལ་པ། འཇམ་དཔལ་དེ་བཞིན་གཤེགས་པའམ། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་མ་གཏོགས་པར་གཞན་སྲིང་མོ་འདི་ཏིང་ངེ་འཛིན་འདི་ལས་སློང་བར་ནུས་པ་མེད་དོ། །དེ་ནས་རིགས་ཀྱི་བུ་དེའི་མིང་བརྗོད་མ་ཐག་ཏུ་
D228.063.0216b07.01