完整藏文原文 · 德格版页 当前仅加载第 63 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདའ་བ་དང་འདྲ་བའོ། །ཧའི་སྒོ་ནི་ཆོས་ཐམས་ཅད་མཐའ་ལ་གནས་པས་འཆི་འཕོ་བ་མེད་པ། སྐྱེ་བ་མེད་པའོ། །འདི་ལྟ་སྟེ། ཧའི་ཕ་རོལ་ན་ཡི་གེ་མེད་དེ། འདི་ལ་མིང་ངམ། རང་བཞིན་འགའ་ཡང་མེད་པ། སྨྲར་མེད་པ། བརྗོད་དུ་མེད་པ། བསྟན་དུ་མེད་
D228.063.0203a01.01པ། བྲིར་མེད་པ། བཀླག་ཏུ་མེད་པའོ། །ཇི་ལྟར་དེ་མ་བྱས་པ་དེ་བཞིན་དུ་ཆོས་ཐམས་ཅད་ལ་རྟོགས་པར་བྱའོ། །གཟུངས་ལ་འཇུག་པ་འདི་ནི་ཡི་གེ་ཨ་ལ་སོགས་པ་བཤད་པ་ལ་འཇུག་པ་སྟེ། འཇུག་པ་དེ་ལ་གནས་ན་བྱང་ཆུབ་སེམས་དཔའ་ཡི་གེ་ཐམས་ཅད་ལ་མཁས་པ་ཤེས་
D228.063.0203a02.01པར་འགྱུར་རོ། །ཆོས་ཐམས་ཅད་ཀྱང་ཆོས་མཉམ་པ་ཉིད་དང་སྦྱོར་བར་འགྱུར་རོ། །སྐད་ལ་ཤེས་པ་ཡང་ཐོབ་པར་འགྱུར་རོ། །བྱང་ཆུབ་སེམས་དཔའ་གང་ཡང་བློ་ཚུལ་དང་ལྡན་པས་ཡི་གེ་ལ་འཇུག་པའི་ཕྱག་རྒྱ་ཨའི་སྒོའི་ཚིག་འདི་ཉན་ཏམ། ལེན་ཏམ། འཛིན་ཏམ། ཀློག་གམ།
D228.063.0203a03.01གཞན་དག་ལ་འཆད་ན། དེ་ལ་ཡོན་ཏན་ཉི་ཤུ་པོ་འདི་དག་ཡོད་པར་བལྟའོ། །ཉི་ཤུ་གང་ཞེ་ན། དྲན་པ་དང་ལྡན་པ་ཡིན། རྟོགས་པ་དང་ལྡན་པ་ཡིན། བློ་གྲོས་དང་ལྡན་པ་ཡིན། བློ་དང་ལྡན་པ་དང་། སྤོབས་པ་དང་ལྡན་པ་དང་། གཟུངས་ཀྱང་ཚེགས་ཆུང་ངུས་ཐོབ་པར་འགྱུར་བ་
D228.063.0203a04.01དང་། ཐེ་ཚོམ་མེད་པར་འགྱུར་ཞིང་ནེམ་ནུར་མེད་པར་འགྱུར་བ་དང་། གཞན་ལས་ཚིག་འཇམ་པོ་ཐོས་ནས་ཆགས་པའི་སེམས་མི་སྐྱེད་ཅིང་གཞན་ལས་ཚིག་རྩུབ་པོ་ཐོས་ནས་ཞེ་སྡང་བའི་སེམས་མི་སྐྱེད་ལ། ཁེངས་པ་དང་འདུད་པར་མི་འགྱུར་བ་དང་། དགྲ་ལས་རྒྱལ་བར་འགྱུར་བ་དང་།
D228.063.0203a05.01སྐད་ལ་མཁས་པ་དང་། ཕུང་པོ་ལ་མཁས་པ། ཁམས་ལ་མཁས་པ། སྐྱེ་མཆེད་ལ་མཁས་པ་དང་། རྒྱུ་ལ་མཁས་པ་དང་། རྐྱེན་ལ་མཁས་པ་དང་། ཆོས་ཀྱི་དབྱིངས་ལ་མཁས་པ་དང་། དབང་པོ་དམ་པ་དང་། དམ་པ་མ་ཡིན་པ་ལ་མཁས་པ་དང་། ཕ་རོལ་གྱི་
D228.063.0203a06.01སེམས་ཤེས་པ་ལ་མཁས་པ་དང་། ཆོས་འཆད་པ་ལ་མཁས་པ་དང་། གནས་དང་གནས་མ་ཡིན་པའི་ཡེ་ཤེས་ལ་མཁས་པ་དང་། ཐབས་མཁས་པ་དང་། འོང་བ་དང་། འགྲོ་བ་ལ་མཁས་ཤིང་སྤྱོད་ལམ་ལ་མཁས་པ་དང་། ངོ་ཚ་བ་དང་འཛེམ་པ་ལ་མཁས་པ་ཡང་
D228.063.0203a07.01