完整藏文原文 · 德格版页 当前仅加载第 63 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་འདི་སྐད་ཅེས་གསོལ་ཏོ། །འཇམ་དཔལ་ཁྱོད་གནས་པ་གང་ལ་གནས་ཏེ། ད་ལྟར་ལངས་པ་ལགས། འཇམ་དཔལ་གྱིས་སྨྲས་པ། ལྷའི་བུ་གལ་ཏེ་བདག་ལ་གནས་པ་ཡོད་ན་ནི་བདག་གནས་པས་གནས་པར་བྱེད་ན། ལྷའི་བུ་ཆོས་ཐམས་ཅད་དབེན་པའི་
D228.063.0208a01.01ཕྱིར་བདག་ལ་གནས་པ་མེད་མོད་ཀྱི། ལྷའི་བུ་ཁྱོད་གནས་པ་གང་ལ་གནས་ཏེ་ད་ལྟར་ལངས་པ་ཡིན་ཞེས་ཟེར་བ། བདག་ནི་དྲན་པ་ཉེ་བར་གཞག་པ་ལ་གནས་པས་གནས་ཏེ་ད་ལྟར་ལངས་པ་ཡིན་ནོ། །གསོལ་པ། འཇམ་དཔལ་དྲན་པ་ཉེ་བར་གཞག་པ་ལ་གནས་པ་ཇི་ལྟ་བུ་ཞིག་
D228.063.0208a02.01ལགས། སྨྲས་པ། ཆོས་ཐམས་ཅད་དྲན་པ་མེད་ཡིད་ལ་བྱེད་པ་མེད་པའོ། །གསོལ་པ། འཇམ་དཔལ་གང་ན་དྲན་པ་མེད། ཡིད་ལ་བྱེད་པ་མེད་པ་དེར་གནས་ཏེ་ད་ལྟར་ལངས་པ་ལགས་སམ། འཇམ་དཔལ་གྱིས་སྨྲས་པ། གནས་པ་གང་ལ་གནས་ན་བྱིས་པ་ལྟ་བུ་སོ་སོའི་སྐྱེ་བོ་
D228.063.0208a03.01ཐམས་ཅད་འདོད་ཆགས་དང་། ཞེ་སྡང་དང་། གཏི་མུག་རྒྱུ་བར་འགྱུར་བའི་གནས་པ་དེ་ལ་གནས་ཏེ་བདག་ད་ལྟར་ལངས་པ་ཡིན་ནོ། །ལྷའི་བུ་འོད་ཟེར་གྱི་རྒྱལ་མཚན་གྱིས་གསོལ་པ། འཇམ་དཔལ་གང་སངས་རྒྱས་ཀྱིས་མ་དམིགས་པའི་གནས་པ་དེ་ཇི་ལྟ་བུ་ལགས། སྨྲས་
D228.063.0208a04.01པ། ལྷའི་བུ་སྟོང་པ་ཉིད་ལ་གནས་པ་ནི་སངས་རྒྱས་ཀྱིས་མ་དམིགས་པའོ། །མཚན་མ་མེད་པ་ལ་གནས་པ་དང་། སྨོན་པ་མེད་པ་ལ་གནས་པ་ནི་སངས་རྒྱས་ཀྱིས་མ་དམིགས་པའོ། །དེ་བས་ན་གནས་པ་དེ་ལ་གནས་ཏེ་ད་ལྟར་ལངས་པ་ཡིན་ནོ། །གསོལ་པ། དྲན་པ་
D228.063.0208a05.01ཉེ་བར་གཞག་པ་ལ་གནས་པ་ཇི་ལྟ་བུ་ལགས། སྨྲས་པ། ལྷའི་བུ་གང་ན་དྲན་པ་མེད་ཡིད་ལ་བྱེད་པ་མེད་པ་དེ་ནི་གནས་པའི་དམ་པ་ཡིན་ཏེ། གང་གནས་པ་དེ་ལ་གནས་པ་དེ་དག་ནི་འདོད་པའི་ཁམས་སུ་མི་གནས། གཟུགས་ཀྱི་ཁམས་སུ་མི་གནས། གཟུགས་མེད་
D228.063.0208a06.01པའི་ཁམས་སུ་མི་གནས་སོ། །གང་ཁམས་གསུམ་ལ་མི་གནས་པ་དེ་དག་ནི་མཉམ་པའི་གནས་པས་གནས་པའོ། །གང་མཉམ་པའི་གནས་པས་གནས་པ་དེ་དག་ལ་ནི་མི་མཉམ་པ་མེད་དོ། །གང་ལ་མི་མཉམ་པ་མེད་པ་དེ་དག་ནི་འགྲོ་བ་མེད་དོ། །གང་ལ་འགྲོ་བ་མེད་པ་
D228.063.0208a07.01