完整藏文原文 · 德格版页 当前仅加载第 63 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟ་བར་མི་བགྱི། ཆོས་ལ་མ་ལགས། སེམས་ཅན་ལ་མ་ལགས་སོ། །བཅོམ་ལྡན་འདས་གལ་ཏེ་སེམས་ཅན་ཡོངས་སུ་གྲུབ་པར་གྱུར་ཏམ། དེ་བཞིན་གཤེགས་པ་འབྱུང་བར་གྱུར་ཏམ། དེ་བཞིན་གཤེགས་པ་གཟུགས་ཀྱི་སྐུ་ལ་བལྟ་བར་བགྱི་ན་ནི་དེ་བཞིན་
D228.063.0212a01.01གཤེགས་པ་ཡང་བལྟ་བར་ནུས། དེ་བཞིན་གཤེགས་པས་གཞན་ཡང་གཟིགས་པར་འགྱུར་ན་བཅོམ་ལྡན་འདས་གང་གི་སླད་དུ། ཆོས་ཐམས་ཅད་མ་སྐྱེས་པས་དེའི་སླད་དུ། གང་དེ་བཞིན་གཤེགས་པར་བལྟ་བ་དེ་ལ་མ་མཆིས་སོ། །དེ་བཞིན་གཤེགས་པས་ཀྱང་{ཆུང་ཟད་,ཅུང་ཟད་}
D228.063.0212a02.01ཀྱང་གཟིགས་པ་མ་མཆིས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་མཐོང་བར་བགྱིད་པ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་མིག་དང་རྣ་བ་གང་དང་ལྡན་ན་དེ་བཞིན་གཤེགས་པའི་སྐུ་མཐོང་བ་དང་། དེ་བཞིན་
D228.063.0212a03.01གཤེགས་པས་བསྟན་པའི་ཆོས་འདུལ་བ་ཐོས་པར་འདོད་པའི་མིག་དང་རྣ་བ་{ཆུང་ཟད་,ཅུང་ཟད་}ཀྱང་ཡོད་དམ། དེ་ནས་འཇམ་དཔལ་གཞོན་ནུར་གྱུར་པ་ཅང་མི་སྨྲ་བར་གྱུར་ཏོ། །དེ་ནས་བྱང་ཆུབ་སེམས་དཔའི་འཁོར་དེ་ན་བྱང་ཆུབ་སེམས་དཔའ་ཁ་ཅིག་འདི་སྙམ་དུ་གྱུར་ཏེ། འཇམ་དཔལ་
D228.063.0212a04.01གཞོན་ནུར་གྱུར་པ་འདི་ནི་དེ་བཞིན་གཤེགས་པས་རྨ་བ་རྨས་ན་ཅང་མི་ཟེར་བར་གྱུར་པས་དེ་བཞིན་གཤེགས་པས་རྨས་པའི་ལན་འདེབས་མ་ནུས་སོ་སྙམ་མོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོའི་སེམས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཀྱི་
D228.063.0212a05.01རྟོག་པ་ཡོངས་སུ་མཁྱེན་ནས་བྱང་ཆུབ་སེམས་དཔའ་དེ་དག་ལ་བཀའ་སྩལ་པ། རིགས་ཀྱི་བུ་དག་དེ་ལྟར་མ་སེམས་ཤིག །ཁྱོད་འཇམ་དཔལ་གཞོན་ནུར་གྱུར་པ་ལ་བརྙས་པའི་འདུ་ཤེས་མ་སྐྱེད་ཅིག །དེ་ཅིའི་ཕྱིར་ཞེ་ན། འཇམ་དཔལ་གཞོན་ནུར་གྱུར་པ་ནི་ཟབ་
D228.063.0212a06.01མོ་བཟོད་པ་དང་ལྡན་པ་ཡིན་ཏེ། གང་དེ་བཞིན་གཤེགས་པས་རྨ་བ་རྨས་པ་དེའང་འཇམ་དཔལ་གཞོན་ནུར་གྱུར་པས་ལན་ཐེབས་པ་ཡིན་ནོ། །བྱང་ཆུབ་སེམས་དཔའ་དེ་དག་གིས་གསོལ་པ། བཅོམ་ལྡན་འདས་རིགས་པ་གང་དང་ཚུལ་གང་གིས་ན་རྨས་པའི་ལན་ཐེབས་པ་
D228.063.0212a07.01