完整藏文原文 · 德格版页 当前仅加载第 63 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
པ། ཡང་དག་པ་ཇི་ལྟ་བ་བཞིན་དུ་རྟོག་པ་དེ་ལ་ནི་ཕུང་པོ་ཡང་མེད། ཁམས་ཀྱང་མེད། སྐྱེ་མཆེད་ཀྱང་མེད། རྟག་པ་ཡང་མེད། ཆད་པ་ཡང་མེད་དེ། དེ་ལྟ་བས་ན་དབུས་ཀྱི་གནས་ཀྱང་མེད་པ་དེ་ནི་ཆོས་ཐམས་ཅད་ཀྱི་མཉམ་པ་ཉིད་བཤད་པ་ཡིན་ནོ། །འདི་ལྟ་སྟེ། ཆོས་
D228.063.0196a01.01ཐམས་ཅད་རང་བཞིན་སྟོང་པ་ཉིད་དོ་ཞེས་མིང་གིས་བརྗོད་དོ། །མིང་དེ་ཡང་བྱེད་པ་མེད་དེ་མིང་གིས་བརྗོད་དོ། །མིང་དེ་ཡང་རང་བཞིན་གྱིས་མེད་དེ་དེ་ནི་སངས་རྒྱས་བགྲོ་བ་ཞེས་བྱའོ། །ཚུལ་གང་ཞེ་ན། ཚུལ་ཞེས་བྱ་བ་ནི་འདི་ལྟ་སྟེ། འདོད་ཆགས་མེད་པའི་ཚུལ་དང་། མི་སྐྱེ་བའི་ཚུལ་
D228.063.0196a02.01དང་། དབེན་པའི་ཚུལ་དང་། ཇི་ལྟ་བ་བཞིན་གྱི་ཚུལ་དང་། དེ་བཞིན་ཉིད་ཀྱི་ཚུལ་དང་། ཆོས་ཀྱི་དབྱིངས་ཀྱི་ཚུལ་དང་། ཡང་དག་པའི་མཐའི་ཚུལ་ཏེ། ཆོས་ཐམས་ཅད་སྟོང་ངོ་ཞེས་བྱ་བ་འདི་ནི་ཡང་དག་པའི་ཚུལ་ལོ། །ཆོས་ཐམས་ཅད་ནི་མི་ལྡང་བ། མི་སྐྱོད་པ། སྤྱོད་པ་
D228.063.0196a03.01མེད་པ། མ་འོངས་པ། མི་འགྲོ་བ། བདག་གི་བ་མེད་པ། བདག་པོ་མེད་པ། ལེན་པ་མེད་པ། ལྟོས་པ་མེད་པ་སྟེ། ཤིན་ཏུ་ཟད་པའི་ཕྱིར་ཟད་པའོ། །མི་སྐྱེ་བའི་ཕྱིར་མི་ཟད་པའོ། །ཇི་ལྟ་བ་བཞིན་དུ་དབེན་པའི་ཕྱིར་ཞི་བའི་རང་བཞིན་ཅན་ནོ། །གནས་དང་བྲལ་བའི་ཕྱིར་
D228.063.0196a04.01གནས་མེད་པའོ། །ཚུལ་དང་བྲལ་བའི་ཕྱིར་ཚུལ་མེད་པའོ། །འབྱུང་བ་མེད་པ་ལྟུང་བ་མེད་པའོ། །བྲལ་བར་གྱུར་པའོ། །མ་བཏུད་པ་བཏུད་པ་མེད་པའོ། །མ་སྐྱེས་པར་བཤད་པའི་ཕྱིར་མི་སྐྱེ་བ་དང་མཚུངས་པའོ། །མི་འདྲ་བའི་ཕྱིར་མི་མཉམ་པའོ། །གང་ཡི་གེ་ན་
D228.063.0196a05.01འཇུག་པ་དེ་ནི་ཚུལ་ལོ། །ཆོས་ཐམས་ཅད་ནི་མིང་དང་བྲལ་བ་སྟེ། མ་སོང་བ། མ་འོངས་པ། མ་ཐོབ་པ། མ་སྟོར་བ། མ་ཁྱེར་བ། མ་བླངས་པ། མཉམ་པ་དང་མི་མཉམ་པར་མི་བཤད་པའོ། །མ་མཐོང་བ། མ་ཐོས་པ། མི་དྲན་པ། རྣམ་པར་མི་ཤེས་པ། གཟུང་བ་མ་
D228.063.0196a06.01ཡིན། རབ་ཏུ་གཟུང་བ་མ་ཡིན། དགའ་བ་མ་ཡིན། ཞེ་སྡང་བ་མ་ཡིན། ཞི་བ་མ་ཡིན། ཞི་བར་བྱེད་པ་མ་ཡིན། གཏོར་བ་མ་ཡིན། མ་གཏོར་བ་མ་ཡིན། རགས་པ་མ་ཡིན། ཕྲ་བ་མ་ཡིན། རིང་བ་མ་ཡིན། ཐུང་བ་མ་ཡིན། དབུང་མེད་པ། མཐའ་མ་མེད་པ། ཐོག་
D228.063.0196a07.01