完整藏文原文 · 德格版页 当前仅加载第 63 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་སེམས་བསྐྱེད་ནས། བདག་ཅག་ཀྱང་ཡེ་ཤེས་དེ་དང་ལྡན་པར་གྱུར་ཅིག་ཅེས་དེ་སྐད་ཀྱི་ཚིག་ཀྱང་སྨྲས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་ཤིན་ཏུ་དུལ་བ་ལ་བཀའ་སྩལ་པ། རིགས་ཀྱི་བུ་སྲིང་མོ་འདིས་ནི་འཇམ་དཔལ་གཞོན་ནུར་གྱུར་པ་
D228.063.0225a01.01བྱང་ཆུབ་ཏུ་སེམས་བསྐྱེད་དུ་བཅུག་སྟེ། འཇམ་དཔལ་གཞོན་ནུར་གྱུར་པ་ཇི་ལྟ་བ་དེ་དང་འདྲ་བའི་བྱང་ཆུབ་སེམས་དཔའ་ཤར་ཕྱོགས་ན་གང་གཱའི་ཀླུང་གི་བྱེ་མ་སྙེད་ཡོད་པ་དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། ཕྱོགས་བཅུ་ན་ཡོད་དོ། །རིགས་ཀྱི་བུ་བྱང་
D228.063.0225a02.01ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་འདིས་སྲིང་མོ་འདི་བྱང་ཆུབ་ཏུ་སེམས་བསྐྱེད་དུ་བཅུག་སྟེ། སྲིང་མོ་འདི་ཇི་ལྟ་བ་དེ་དང་འདྲ་བའི་བྱང་ཆུབ་སེམས་དཔའ་གང་གཱའི་ཀླུང་གི་བྱེ་མ་སྙེད་རིགས་ཀྱི་བུ་འདིས་ནི་ཤར་ཕྱོགས་སུ་བྱང་ཆུབ་ཏུ་སེམས་བསྐྱེད་དུ་བཅུག་གོ། །ཕྱོགས་
D228.063.0225a03.01བཅུ་ཀུན་གྱི་བར་དུའང་དེ་བཞིན་ནོ། །རིགས་ཀྱི་བུ་ང་ཉིད་ད་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཤིང་དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བ་མཐོང་ངམ། རིགས་ཀྱི་བུ་ང་ཡང་འདས་པའི་དུས་ན་དེ་བཞིན་གཤེགས་པ་
D228.063.0225a04.01རི་རབ་རྒྱལ་མཚན་གྱི་གསུང་རབ་ལས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་བྱང་ཆུབ་ཏུ་སེམས་བསྐྱེད་དུ་བཅུག་སྟེ། ང་ཇི་ལྟ་བ་དེ་འདྲ་བའི་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་ཕྱོགས་བཅུར་བྱང་ཆུབ་ཏུ་སེམས་བསྐྱེད་དུ་བཅུག་སྟེ། དེ་དག་
D228.063.0225a05.01ད་ལྟར་བཞུགས་སོ། །འཚོ་གཞེས་སོ། །དཔག་ཏུ་མེད་པ་དེ་དག་ཀྱང་ཡོངས་སུ་མྱ་ངན་ལས་འདས་སོ། །ཚིག་དེ་གསུངས་མ་ཐག་ཏུ་དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །ཆོས་ཀྱི་རྣམ་གྲངས་འདི་བཤད་པའི་ཚེ་ཀུན་ཏུ་
D228.063.0225a06.01འོད་ཀྱི་འཇིག་རྟེན་གྱི་ཁམས་དེར་བྱང་ཆུབ་སེམས་དཔའ་ཁྲག་ཁྲིག་ཕྲག་དགུ་བཅུ་རྩ་གཉིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །འཇིག་རྟེན་གྱི་ཁམས་འདིར་ཡང་སེམས་ཅན་བསམ་པ་ཡོངས་སུ་དག་པ་རྣམས་ཀྱི་རྣ་བའི་དབང་པོ་ལ་ཆོས་ཀྱི་རྣམ་གྲངས་
D228.063.0225a07.01