完整藏文原文 · 德格版页 当前仅加载第 63 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་པས་འཇམ་དཔལ་གཞོན་ནུར་གྱུར་པ་རི་ཁོར་ཡུག་གི་རྩེ་མོར་འཕངས་པར་གྱུར་ལ། བདག་གང་དུ་བླངས་ཤིང་ཁྱེར་སྙམ་དུ་ཡང་མི་ཤེས་པ་དེ་འདྲ་བར་མྱུར་དུ་བཏེག་སྟེ་འཕང་བའི་རྫུ་འཕྲུལ་མངོན་པར་འདུ་བྱ་བ་མངོན་
D228.063.0207a01.01པར་འདུས་བྱས་སོ། །དེ་ནས་འཇམ་དཔལ་གཞོན་ནུར་གྱུར་པ་རི་ཁོར་ཡུག་གི་རྩེ་མོར་འཕངས་པ་ལས་སེམས་ཤིང་འདི་སྙམ་དུ་གྱུར་ཏོ། །རྒྱུ་གང་དང་རྐྱེན་གང་གིས་ན་བདག་སངས་རྒྱས་ཀྱི་འཁོར་ཆེན་པོ་དེ་ལྟ་བུར་བལྟ་ན་བཟང་བ། མཛེས་པ། གླང་པོ་ཆེ་ཆེན་པོ་དེ་འདྲ་བ་དག་གི་ནང་
D228.063.0207a02.01ནས་རི་ཁོར་ཡུག་གི་རྩེ་མོ་འདིར་འཕངས་པར་གྱུར། བདག་རི་ཁོར་ཡུག་གི་རྩེ་མོར་སུས་འཕངས་སྙམ་དུ་དེ་ལྟར་སེམས་པ་ལས་འདི་སྙམ་དུ་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་དེས་བདག་རི་ཁོར་ཡུག་གི་རྩེ་མོར་འཕངས་སོ་སྙམ་མོ། །
D228.063.0207a03.01དེ་ནས་འཇམ་དཔལ་གཞོན་ནུར་གྱུར་པ་འདི་སྙམ་དུ་གྱུར་ཏེ་བདག་ནི་འཁོར་དེ་ནས་འཕངས་ལ། སྲིང་མོ་ཐེ་ཚོམ་སེལ་བ་དེ་ནི་བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོའི་དྲུང་ན་སྐྱིལ་མོ་ཀྲུང་བཅས་ཤིང་འདུག་པ་ལས་སྲིང་མོ་དེ་ནི་མ་འཕངས་ཀྱི། བདག་
D228.063.0207a04.01འཕངས་ན། ཅིའི་ཕྱིར་ཞིག་ཏུ་དེ་ལྟར་མོ་ནི་མ་འཕངས་ལ་བདག་འཕངས་པ་ལས་ན་སྲིང་མོ་དེ་ནི་དགེ་བའི་རྩ་བ་ཤིན་ཏུ་འབར་བ་ཟབ་མོ་ལ་ཤིན་ཏུ་བཟོད་པར་གྱུར་པ་ཞིག་གི། །བདག་ནི་དེ་ལྟ་བུ་མ་ཡིན་པ་ཞིག་གམ་སྙམ་མོ། །དེ་ནས་འཇམ་དཔལ་གཞོན་ནུར་གྱུར་པ་འདི་སྙམ་དུ་
D228.063.0207a05.01གྱུར་ཏེ། གང་བདག་གིས་རྫུ་འཕྲུལ་གྱི་མཐུ་བསྐྱེད་དེ། སླར་ཡང་འཁོར་དེར་འགྲོའོ་སྙམ་མོ། །དེ་ནས་འཇམ་དཔལ་གཞོན་ནུར་གྱུར་པས་དེའི་ཚེ་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་པས་སེམས་བསྐྱེད་པ་གཅིག་གིས་ཤར་ཕྱོགས་ནས་སངས་རྒྱས་ཀྱི་
D228.063.0207a06.01ཞིང་གང་གཱའི་ཀླུང་གི་བྱེ་མ་སྙེད་འདས་པར་གྱུར་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་ཀྱང་སངས་རྒྱས་ཀྱི་ཞིང་དེར་ཆུང་ངུ་ན་སྐྲའི་རྩེ་མོའི་ཆ་ཤས་ཙམ་དུ་ཡང་འགྲོ་མི་ནུས་ན་འཁོར་དེར་འགྲོ་བ་ལྟ་ཅི་སྨོས་ཏེ། དེ་ལྟ་བུའི་གནས་མེད་དོ། །དེ་ནས་འཇམ་དཔལ་གཞོན་ནུར་
D228.063.0207a07.01