完整藏文原文 · 德格版页 当前仅加载第 63 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ཤི་འཕོ་བ་མེད། སྦྱིན་པ་མེད། ལེན་པ་མེད། གཡེང་བ་མེད། ཞི་བ་མེད། ཞི་བར་བྱས་པ་མེད། ཆོས་ཉིད་མེད། ཆོས་ཉིད་དང་འགལ་བ་མེད། རྡུལ་མེད། རྡུལ་དང་བྲལ་བ་མེད། སྒྲ་འབྱིན་པ་མེད། སྒྲ་འབྱིན་པར་བྱེད་པ་མེད། སྒྲ་འབྱིན་པར་འགྱུར་བ་མེད། འདོད་
D228.063.0197a01.01ཆགས་པ་མེད། ཞེ་སྡང་བ་མེད། གཏི་མུག་པ་མེད། ཆགས་པ་མེད། ཁོང་ཁྲོ་བ་མེད། ཚུ་རོལ་མེད། ཕ་རོལ་མེད། དབུང་མེད། ཐང་མེད། མཐའ་མེད། སྒྲོལ་བ་མེད། སྒྲོལ་བར་བྱེད་པ་མེད། འགྲོ་བ་མེད། འདུག་པ་མེད། སྨོན་པ་མེད། ཟློག་པ་མེད། འབྱུང་བ་མེད། འཇིག་
D228.063.0197a02.01པ་མེད། གཅད་པ་མེད། གཞིག་པ་མེད། སྦྱོར་བ་མེད། སྒྲེལ་པ་མེད། བཅིང་བ་མེད། དགྲོལ་བ་མེད། གཟུང་བ་མེད། མི་གཟུང་བ་མེད། འོད་མེད། འོད་མ་ཡིན་པ་མེད། སྲོག་མེད། གསོ་བ་མེད། གང་ཟག་མེད། སེམས་ཅན་མེད། བཏགས་པ་མེད། བཏགས་པ་
D228.063.0197a03.01དང་བྲལ་བའང་མེད། བརྗོད་པར་བྱ་བའང་མེད། མི་བརྗོད་པར་བྱ་བའང་མེད། དེ་ནི་ཡི་གེ་ལ་འཇུག་པ་ཞེས་བྱ་སྟེ། འཇུག་པ་དེ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་མིང་ལ་མི་ཆགས་སོ། །མ་ཆགས་ན་མ་ཆགས་པའི་ཆོས་ལ་འཇུག་གོ། །ཚུལ་གྱི་གནས་པ་ལ་
D228.063.0197a04.01ཡང་འཇུག་པར་འགྱུར་རོ། །དེ་ནི་ཚུལ་ཞེས་བྱ་སྟེ། དེ་ཡང་སངས་རྒྱས་བགྲོ་བ་ཡིན་ནོ། །དེ་ལ་ནན་གཏན་གང་ཞེ་ན། ཆོས་ཐམས་ཅད་ནི་ཆོས་ཀྱི་དབྱིངས་གནས་པའི་ཕྱིར་གནས་པ་སྟེ། དེ་ལ་ཆོས་ཉིད་ལ་འཇུག་པ་དེ་ནི་ནན་གཏན་ཞེས་བྱའོ། །དེ་ལ་ཆོས་ཉིད་གང་ཞེ་ན། ཆོས་ཉིད་
D228.063.0197a05.01ཅེས་བྱ་བ་ནི་འདི་ལྟ་སྟེ། ཆོས་རྣམས་ལ་རློམ་སེམས་མེད་པའོ། །གང་གི་ཚེ་ན་རློམ་སེམས་མེད་པ་དེའི་ཚེ་ན་མངོན་པར་རློམ་སེམས་མེད། གང་གི་ཚེ་མངོན་པར་རློམ་སེམས་མེད་པ་དེའི་ཚེ་རྣམ་པར་རྟོག་པ་མེད། ཡོངས་སུ་རྟོག་པ་མེད་དོ། །གང་གི་ཚེ་ན་ཡོངས་སུ་རྟོག་པ་མེད་པ་
D228.063.0197a06.01དེའི་ཚེ་རྟོག་པ་ཐམས་ཅད་ཅེས་བྱ་སྟེ། དེ་ནི་མང་དུའང་མི་བྱེད། ཉུང་ངུའང་མི་བྱེད། ལེན་པར་མི་བྱེད། སྤོང་བར་མི་བྱེད་དོ། །དེ་ནི་འདས་པ་ལ་མི་སེམས་མི་རྟོག་གོ། །མ་འོངས་པ་ལ་མ་ཡིན། ད་ལྟར་ལ་མ་ཡིན། གང་ད་ལྟར་མི་གནས་པ་དེ་ཡང་ཡང་དག་པར་རྗེས་སུ་མི་མཐོང་
D228.063.0197a07.01