完整藏文原文 · 德格版页 当前仅加载第 63 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤྱན་དང་། སངས་རྒྱས་ཀྱི་སྤྱན་ཏེ། གཞན་དུ་ན་ནམ་མཁའ་ནམ་མཁའ་ཞེས་གྲངས་སུ་འགྲོ་བར་ཟད་དོ། །འཇམ་དཔལ་དེ་བཞིན་དུ་དེ་བཞིན་གཤེགས་པའི་སྐུ་ཡང་ཟག་པ་མེད་པ། གཏོགས་
D228.063.0214a01.01པ་མེད་པ། གཟུགས་མེད་པ། བསྟན་དུ་མེད་པ། ཐོགས་པ་མེད་པ། དམིགས་སུ་མེད་པ་སྟེ། དེ་བཞིན་གཤེགས་པའི་སྐུ་ནི་སུས་ཀྱང་མཐོང་བར་མི་ནུས་སོ། །ཡང་དེ་བཞིན་གཤེགས་པའི་སྐུ་ནི་སུས་ཀྱང་མ་མཐོང་ངོ་། །དེ་བཞིན་གཤེགས་པའི་སྐུ་ནི་ཤའི་སྤྱན་ནས་སངས་རྒྱས་
D228.063.0214a02.01ཀྱི་སྤྱན་གྱི་བར་དུ་སྤྱན་ལྔ་ལ་སྣང་བར་མི་འགྱུར་གྱི། གཞན་དུ་ན་དེ་བཞིན་གཤེགས་པ་དེ་བཞིན་གཤེགས་པ་ཞེས་མིང་ཙམ་གྱི་གྲངས་སུ་འགྲོ་སྟེ་མིང་དེ་ཡང་གསོབ་བོ། །འཇམ་དཔལ་དེ་བཞིན་གཤེགས་པའི་ཆོ་འཕྲུལ་ལ་ལ་ལྟོས། དེ་བཞིན་གཤེགས་པ་དག་ནི་ནམ་མཁའ་
D228.063.0214a03.01དང་འདྲ་སྟེ། དེ་དག་གཟུགས་ཀྱི་སྐུའི་ཁ་དོག་ཡོངས་སུ་རྫོགས་པ་ཡང་སྟོན་ཏོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ཡང་ལྡན་ནོ། །འཇམ་དཔལ་གང་ཡང་དེ་བཞིན་གཤེགས་པ་དེ་དག་ཁྱོད་ཀྱི་མིག་གིས་མཐོང་བར་མ་གྱུར་པ་དེ་དག་ཐམས་ཅད་ནི། དེ་བཞིན་
D228.063.0214a04.01གཤེགས་པ་དེ་དག་གི་བྱིན་གྱི་རླབས་དང་མཐུས་དེ་ལྟར་གྱུར་ཏོ། །དེ་ཅིའི་ཕྱིར་ཞེ་ན། དེ་ལྟར་འཇམ་དཔལ་གཞོན་ནུ་ཁྱོད་ཡིན་ཏེ་ཁྱོད་ལས་བརྩམས་ནས་ཆོས་ཟབ་མོ་བསྟན་པར་འགྱུར་རོ། །དེ་ནས་སངས་རྒྱས་ཀྱི་ཞིང་དེ་ན་གནས་པའི་བྱང་ཆུབ་སེམས་དཔའ་དེ་དག་ཐམས་ཅད་ཀྱིས་
D228.063.0214a05.01མགྲིན་གཅིག་ཏུ་ངོ་མཚར་ཆེ་བའི་སྒྲ་ཕྱུང་ནས་ངོ་མཚར་ཏོ། །ངོ་མཚར་ཏོ། །དེ་བཞིན་གཤེགས་པ་དག་ནི་དེ་ལྟར་རྫུ་འཕྲུལ་ཆེ། མཐུ་ཆེ་སྟེ། དེ་ལྟར་དེ་བཞིན་གཤེགས་པ་དག་མང་ཡང་བདག་ཅག་གིས་དེ་བཞིན་གཤེགས་པ་གཅིག་ཀྱང་མ་མཐོང་སྟེ། འདིར་སུ་ཞིག་གཤེགས། སུ་
D228.063.0214a06.01ཞིག་བཞུད། སུ་ཞིག་འཆང་། སུ་ཞིག་འཆད་ཅེས་མཚན་མ་ཙམ་ཡང་མ་འཚལ་ཏེ། འདི་ན་དེ་བཞིན་གཤེགས་པ་གཅིག་པུ་འཆད་པར་མཐོང་ངོ་། །བཅོམ་ལྡན་འདས་གལ་ཏེ་ཡེ་ཤེས་ཆེན་པོ་འདི་འདྲ་བའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་
D228.063.0214a07.01