完整藏文原文 · 德格版页 当前仅加载第 63 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་མཆེད་དྲུག་ཡོངས་སུ་ཤེས་པར་བྱ་བ་དང་། སྤང་བར་བྱ་བའི་ཕྱིར་ཁྱོད་ཀྱིས་ཆོས་ཤོད་ཅིག །དེ་ལ་ཕྱི་དང་ནང་གི་སྐྱེ་མཆེད་དྲུག་ཡོངས་སུ་ཤེས་པར་བྱ་བ་གང་ཞེ་ན། དགའ་བོ་མིག་ནི་བདག་དང་བདག་གིས་སྟོང་སྟེ། དེ་རང་བཞིན་གྱིས་དེ་བཞིན་ནོ། །དེ་བཞིན་དུ་རྣ་བ་དང་།
D228.063.0193b01.01སྣ་དང་། ལྕེ་དང་། ལུས་དང་། ཡིད་བདག་དང་བདག་གིས་སྟོང་སྟེ། རང་བཞིན་གྱིས་དེ་བཞིན་ནོ། །གཟུགས་བདག་དང་བདག་གིས་སྟོང་སྟེ། དེ་ནི་རང་བཞིན་གྱིས་དེ་བཞིན་ནོ། །དེ་བཞིན་དུ་སྒྲ་དང་། དྲི་དང་། རོ་དང་། རེག་དང་། ཆོས་རྣམས་ཀྱང་བདག་དང་བདག་གིས་སྟོང་
D228.063.0193b02.01སྟེ། དེའང་རང་བཞིན་གྱིས་དེ་བཞིན་ནོ་ཞེས་དེ་བཞིན་གཤེགས་པས་གསུངས་ཏེ། དགའ་བོ་གང་རང་བཞིན་གྱིས་སྟོང་པ་དེ་ལ་ནི་ཆོས་གང་ཡང་གདགས་སུ་མེད་དོ། །དེ་ལ་ནི་མིག་མེད། རྣ་བ་མེད། སྣ་མེད། ལྕེ་མེད། ལུས་མེད། ཡིད་མེད། གཟུགས་མེད། སྒྲ་མེད།
D228.063.0193b03.01དྲི་མེད། རོ་མེད། རེག་མེད། ཆོས་མེད་དོ། །དགའ་བོ་གང་ཆོས་དེ་དག་ལ་གཞན་གྱི་དྲིང་མི་འཇོག་པའི་ཡེ་ཤེས་དེ་ནི་ཕྱི་དང་ནང་གི་སྐྱེ་མཆེད་དྲུག་ཡོངས་སུ་ཤེས་པའོ། །དེ་ལ་ཕྱི་དང་ནང་གི་སྐྱེ་མཆེད་དྲུག་སྤང་བ་གང་ཞེ་ན་འདི་ལྟ་སྟེ། ཆོས་ཐམས་ཅད་མི་འཛིན་པ། མི་སྙེམས་
D228.063.0193b04.01པ། མཚན་མ་མི་རྒྱུ་བ་དེ་ནི་ཕྱི་དང་ནང་གི་སྐྱེ་མཆེད་དྲུག་སྤོང་བའོ། །དེ་ལྟ་བས་ན་དགའ་བོ་ཁྱོད་ཀྱིས་གལ་ཏེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མའི་འཁོར་བཞི་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་
D228.063.0193b05.01དང་། མི་དང་། མི་མ་ཡིན་པ་དག་འོང་ན་དེ་དག་ལ་དགའ་བོ་ཁྱོད་ཀྱིས་དེ་སྐད་དུ་ཆོས་ཤོད་ཅིག །ཡང་དེའི་ཚེ་ན་བཅོམ་ལྡན་འདས་ཀྱིས་འདི་འདྲ་བའི་བྱིན་གྱིས་བརླབ་པས་བྱིན་གྱིས་བརླབས་པར་གྱུར་ཏེ། གང་དང་གང་དག་ཆོས་བཤད་པ་འདིའི་སྣོད་དུ་གྱུར་པ་དེ་དག་ནི་ཐོས་སོ། །
D228.063.0193b06.01ལྷག་མ་དག་ལ་ནི་རྣར་ཡང་མི་གྲག་སྟེ། དེ་བཞིན་གཤེགས་པ་ཅང་མི་གསུང་བར་མཐོང་ངོ་། །སྟོན་པ་འདི་བསྟན་པའི་ཚེ་དགེ་སློང་ལྔ་བརྒྱ་ནི་ཟག་པ་ལས་མ་ལུས་པར་སེམས་རྣམ་པར་གྲོལ་ལོ། །ལྷའི་བུ་བཞི་ཁྲི་ཉིས་སྟོང་ནི་ཆོས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་
D228.063.0193b07.01