完整藏文原文 · 德格版页 当前仅加载第 63 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
ལགས། བཀའ་སྩལ་པ། འདི་ལ་རིགས་ཀྱི་བུ་དག་འཇམ་དཔལ་ནི་འདི་སྙམ་དུ་སེམས་ཏེ། གལ་ཏེ་བདག་གིས་བདག་ལ་མིག་མཆིས་སོ། །བདག་ལ་རྣ་བ་མཆིས་སོ་ཞེས་བཤད་ན་ནི་རྟག་པར་ལྟ་བར་འགྱུར། གལ་ཏེ་བདག་ལ་མིག་མ་མཆིས་སོ། །རྣ་བ་མ་མཆིས་
D228.063.0212b01.01ས་ཞེས་བཤད་ན་ནི་ཆད་པར་ལྟ་བར་འགྱུར་ཏེ། རྟག་པ་དང་ཆད་པར་སྤྱོད་པས་ཆོས་ཉིད་ཤེས་པར་མི་འགྱུར་ཏེ། ཆོས་ཉིད་གང་ཡིན་པ་དེ་ལ་ནི་ཆད་པ་ཡང་མེད་རྟག་པ་ཡང་མེད་དོ། །གང་ན་ཆད་པ་ཡང་མེད་རྟག་པ་ཡང་མེད་པ་དེ་ནི་མི་སྐྱེ་བའོ། །གང་མི་སྐྱེ་བ་དེ་ནི་བརྗོད་
D228.063.0212b02.01དུ་མེད་པའོ་ཞེས་དེ་ལྟར་སེམས་ཤིང་འཇམ་དཔལ་གཞོན་ནུར་གྱུར་པས་རྨས་པའི་ལན་བཏབ་པ་འདི་ཡིན་ནོ། །སྟོན་པ་འདི་བསྟན་པའི་ཚེ་བྱང་ཆུབ་སེམས་དཔའ་དྲུག་བརྒྱ་མི་སྐྱེ་བའི་ཆོས་ལ་བཟོད་པ་སྐྱེས་སོ། །དེ་ནས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོས་
D228.063.0212b03.01འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་རྒྱུ་འདི་དང་རྐྱེན་འདི་ཡིན་ཏེ་དེའི་ཕྱིར་ཁྱོད་རི་ཁོར་ཡུག་གི་རྩེ་མོར་འཕངས་སོ། །འཇམ་དཔལ་གང་ཡང་ཅིའི་སླད་དུ་ཞེ་ན། སྲིང་མོ་ཐེ་ཚོམ་སེལ་བ་འདི་མ་འཕངས་པར་གྱུར་ཅེས་ཁྱོད་དེ་
D228.063.0212b04.01སྐད་ཟེར་བ་ནི་འཇམ་དཔལ་སྲིང་མོ་འདི་ཟླ་བའི་འོད་ཀུན་དུ་དྲི་མ་མེད་པར་སྣང་བ་ཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། དེ་ནི་སངས་རྒྱས་དག་འདིར་གཤེགས་སམ་མ་གཤེགས་ཞེའམ། ཆོས་འཆད་དམ་མི་འཆད་ཅིག་སྙམ་དུ་མི་སེམས་ཏེ་འདི་ལ་ནི་སངས་
D228.063.0212b05.01རྒྱས་སུ་འདུ་ཤེས་མེད། ཆོས་སུ་འདུ་ཤེས་མེད། དགེ་འདུན་དུ་འདུ་ཤེས་མེད། བདག་ཏུ་འདུ་ཤེས་མེད། གཞན་དུ་འདུ་ཤེས་མེད་དེ། འཇམ་དཔལ་སྲིང་མོ་དེ་ནི་འདུ་ཤེས་དང་ཡིད་ལ་བྱེད་པ་ཐམས་ཅད་དང་བྲལ་བའོ། །དེ་ནི་ཏིང་ངེ་འཛིན་དེ་ལ་གནས་ནས་ཕྱོགས་
D228.063.0212b06.01བཅུའི་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་རྣམས་ཀྱི་ཆོས་ཉན་ཏོ། །འཛིན་ཏོ། །ཐོས་ནས་ཀྱང་གཞན་ལ་སྟོན་པར་བྱེད་མོད་ཀྱི། འཇམ་དཔལ་སྲིང་མོ་འདི་ནི་ཞིང་ལ་ཞིང་དུ་འདུ་ཤེས་པ་མེད་དོ། །སངས་རྒྱས་ལ་སངས་རྒྱས་སུ་འདུ་ཤེས་པ་མེད།
D228.063.0212b07.01