完整藏文原文 · 德格版页 当前仅加载第 63 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་དེ་ནི་དུས་གསུམ་མཉམ་པ་ཉིད་དོ། །དེ་ལ་གང་སྐྱེ་བ་མེད། གོད་པ་མེད། གནས་པ་མེད། གཞན་དུ་འགྱུར་བ་མེད་པ་དེ་ནི་ཆོས་ཀྱི་དབྱིངས་ཞེས་བྱ་སྟེ། དེ་བཞིན་གཤེགས་པ་དེ་ལ་དགོངས་ནས་དེ་བཞིན་གཤེགས་པ་བྱུང་ཡང་རུང་། མ་བྱུང་ཡང་རུང་སྟེ། ཆོས་ཉིད་ཆོས་ཀྱི་དབྱིངས་
D228.063.0197b01.01ཆོས་གནས་པ་ཉིད། ཆོས་སྐྱོན་མེད་པ་ནི་གནས་པ་ཉིད་དོ་ཞེས་གསུང་ངོ་། །ཅིའི་ཕྱིར་ན། ཆོས་སྐྱོན་མེད་པ་ཞེས་བྱ་ཞེ་ན། གང་ལ་སྐྱོན་མེད་པ་དེ་ནི་སྐྱོན་མེད་པ་སྟེ། དེའི་ཕྱིར་ན་ཆོས་སྐྱོན་མེད་པ་ཞེས་བྱའོ། །དེ་ལ་སྐྱོན་གང་ཞེ་ན། བདག་ཏུ་བྱེད་པ་ནི་སྐྱོན་ནོ། །བདག་གིར་བྱེད་པ་
D228.063.0197b02.01ནི་སྐྱོན་ནོ། །རྒྱུར་ལྟ་བ་དང་། མིང་དང་གཟུགས་སུ་འདུ་ཤེས་པ་དང་། ཆོས་ཐམས་ཅད་དུ་འདུ་ཤེས་པ་དང་། འགོག་པ་དང་། སྤྱོད་པ་དང་། མངོན་པར་ཆགས་པའི་རློམ་སེམས་ནི་སྐྱོན་ནོ། །སྙེམས་པ་དང་། སྐྲུན་པ་དང་། སེམས་པ་དང་། རྟོག་པ་དང་། ང་ལྷག་པ་དང་། ཕུང་པོར་
D228.063.0197b03.01འཛིན་པ་དང་། རྒྱུར་འཛིན་པ་དང་། སྐྱེ་མཆེད་དུ་འཛིན་པ་དང་། བདག་ནི་ཁམས་གསུམ་སྤོང་ངོ་། །བདག་ནི་འདོད་ཆགས་དང་། ཞེ་སྡང་དང་། གཏི་མུག་ཟད་པར་བྱེད་དོ། །བདག་ནི་ལམ་སྒོམ་མོ། །བདག་ནི་རྣམ་པར་ཐར་པའི་སྒོ་རྣམས་མངོན་དུ་བྱེད་དོ། །བདག་ནི་རྒྱུན་དུ་ཞུགས་པའི་འབྲས་བུ་
D228.063.0197b04.01མངོན་དུ་བྱེད་དོ། །བདག་ནི་ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་མངོན་དུ་བྱེད་དོ། །བདག་ནི་དགྲ་བཅོམ་པ་ཉིད་མངོན་དུ་བྱེད་དོ་ཞེས་རྟོག་པ་ནི་སྐྱོན་ནོ། །བདག་ནི་དྲན་པ་ཉེ་བར་གཞག་པ་བཞི་སྒོམ་མོ། །བདག་ནི་ཡང་དག་པར་སྤོང་བ་བཞི་དང་། རྫུ་འཕྲུལ་གྱི་
D228.063.0197b05.01རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་བསྒོམ་མོ་སྙམ་པ་ནི་སྐྱོན་ནོ། །འཕགས་པའི་བདེན་པ་བཞི་རྟོགས་པར་བྱའོ། །ཉོན་མོངས་པ་འདི་དག་ཟད་པར་བྱའོ་སྙམ་པ་ནི་སྐྱོན་ནོ། །ཆོས་འདི་དག་
D228.063.0197b06.01བསྒོམ་མོ་སྙམ་པ་ནི་སྐྱོན་ཏེ། དེ་དག་ནི་ཉན་ཐོས་ཀྱི་ཐེག་པ་ལ་གནས་པའི་སྐྱོན་ནོ། །དེ་ལ་བྱང་ཆུབ་སེམས་དཔའི་ཐེག་པ་ལ་གནས་པའི་སྐྱོན་གང་ཞེ་ན། བདག་སངས་རྒྱས་སུ་འགྱུར་བར་བྱའོ་སྙམ་པ་ནི་སྐྱོན་ནོ། །བདག་གིས་བྱང་ཆུབ་ཐོབ་པར་བྱའོ་སྙམ་པ་ནི་སྐྱོན་ནོ། །བདག་གིས་སྦྱིན་པ་
D228.063.0197b07.01