完整藏文原文 · 德格版页 当前仅加载第 63 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ན་རྣམ་པ་གཉིས་སུ་བྱེད་དོ། །འཇམ་དཔལ་གང་དུ་གཉིས་སུ་འཇུག་པའི་རྣམ་པར་ཤེས་པ་རྟོག་པ་ནི་ཆུང་ངུ་ན་སངས་རྒྱས་སོ་ཞེས་རྟོག་པ་དེ་ཐམས་ཅད་རྣམ་པ་གཉིས་སུ་བྱེད་དོ། །འཇམ་དཔལ་བདག་གིས་ནི་བསྐལ་པའམ། བསྐལ་པའི་ལྷག་མ་ལུས་ཀྱི་བར་དུ་རྣམ་པ་གཉིས་
D228.063.0205b01.01སུ་མེད་པ་ལས་བརྩམས་ཏེ། བཤད་དུ་ཟིན་ཀྱང་སྤོབས་པའི་མཐར་ཕྱིན་པ་ལས་ཟད་པར་འགྱུར་བ་མེད་དོ། །དེ་ཅིའི་ཕྱིར་ཞེ་ན། བདག་གིས་མཐའ་དང་དབུས་མ་མཐོང་བའི་ཕྱིར་རོ། །འཇམ་དཔལ་གཉིས་སུ་མེད་ཅེས་བྱ་བ་ནི་འདི་ལྟ་སྟེ། ཆོས་ཐམས་ཅད་ཀྱི་ཚུལ་གཅིག་པ་
D228.063.0205b02.01དང་ཐ་དད་པ་མེད་པའོ། །སྨྲས་པ། བྱམས་པ་ཁྱོད་ནི་ཆོས་ཐམས་ཅད་མ་སྐྱེས་པ་ལ་འཇམ་དཔལ་ངས་ནི་བསྐལ་པའམ། བསྐལ་པའི་ལྷག་མ་ལུས་ཀྱི་བར་དུ་གཉིས་སུ་མེད་པ་ལས་བརྩམས་ཏེ་བཤད་ན་ངའི་སྤོབས་པ་ཟད་པར་མི་འགྱུར་རོ་ཞེས་ཁྱོད་དེ་སྐད་སྨྲ་བ་ཉིད་
D228.063.0205b03.01དམིགས་པ་ཆེན་པོ་ཡིན་ནོ། །བྱམས་པས་སྨྲས་པ། འཇམ་དཔལ་ཡི་གེ་ལ་ཆགས་པར་མ་བྱེད་ཅིག །ཡི་གེ་ཐམས་ཅད་ནི་མི་སྐྱེ་བའི་མཚན་ཉིད་ལས་མི་གཡོའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་དེ་དག་ཐམས་ཅད་ལ་སྨྲས་པ། རིགས་ཀྱི་བུ་ཁྱེད་ཅག་
D228.063.0205b04.01ཚུར་ཤེག །བཅོམ་ལྡན་འདས་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོའི་སངས་རྒྱས་ཀྱི་ཞིང་དུ་དེ་བཞིན་གཤེགས་པ་དེ་དག་ལ་བལྟ་བ་དང་། ཆོས་བསྟན་པ་དེ་དག་ཉན་དུ་འདོང་ངོ་། །དེ་ནས་བྱང་ཆུབ་སེམས་དཔའ་སྤོབས་པའི་ཕུང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་
D228.063.0205b05.01ཅེས་སྨྲས་སོ། །འཇམ་དཔལ་དེ་བཞིན་གཤེགས་པ་རྣམས་ནི་སུས་ཀྱང་བལྟ་མི་ནུས་ན་ཅིའི་ཕྱིར་ན་ཁྱོད་ཚུར་ཤེག །དེ་བཞིན་གཤེགས་པ་ལ་བལྟར་འདོང་ཞེས་ས་སྨྲ། གང་བལྟ་བར་བྱ་བའི་དེ་བཞིན་གཤེགས་པ་དེ་དག་གང་ཡིན། འཇམ་དཔལ་དེ་བཞིན་གཤེགས་
D228.063.0205b06.01པས་ནི་དེ་བཞིན་གཤེགས་པ་དག་འདས་པ་མ་ཡིན། མ་བྱོན་པ་མ་ཡིན། ད་ལྟར་མ་ཡིན་ཏེ། ཆོས་གང་དུས་གསུམ་དུ་སྟོང་པ་དེ་ནི་བལྟ་མི་ནུས་སོ་ཞེས་དེ་སྐད་ཅེས་གསུངས་སོ། །ཡང་འཇམ་དཔལ་དེ་བཞིན་གཤེགས་པ་བལྟའོ་ཞེས་སྨྲས་པ་མིག་གི་རྣམ་པར་ཤེས་པ་གང་གིས་དེ་
D228.063.0205b07.01