完整藏文原文 · 德格版页 当前仅加载第 63 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་ཀུན་དུ་སོང་ཡང་འདི་ལྟ་སྟེ། སངས་རྒྱས་ཀྱི་མཐུ་དང་། བྱིན་གྱི་རླབས་ཀྱིས་འཁོར་དེར་འགྲོ་མ་ནུས་སོ། །དེ་ནས་འཇམ་དཔལ་གཞོན་ནུར་གྱུར་པ་ཕྱོགས་བཅུའི་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་ཀུན་ཏུ་
D228.063.0207b01.01སོང་ནས་སླར་ཡང་རི་ཁོར་ཡུག་གི་རྩེ་མོ་ལ་འདུག་ནས་འདི་སྙམ་དུ་གྱུར་ཏེ། སངས་རྒྱས་བཅོམ་ལྡན་འདས་རྣམས་ཀྱི་བྱིན་གྱི་རླབས་ནི་མཐུ་ཆེས། དེ་ལ་བདག་གི་རྫུ་འཕྲུལ་གྱི་རྣམ་པས་གནོན་ཡང་མི་ནུས། དེ་ལ་སངས་རྒྱས་བཅོམ་ལྡན་འདས་རྣམས་ཀྱིས་ཉེས་པ་ཡང་མེད་དོ། །དེ་
D228.063.0207b02.01ཅིའི་ཕྱིར་ཞེ་ན། དེ་བཞིན་གཤེགས་པ་རྣམས་ནི་ཆོས་ལ་སློབ་དཔོན་གྱིས་འཆབ་པ་མེད་དེ། བདག་ཉིད་{ཆུང་ཟད་,ཅུང་ཟད་}ཅིག་ཁོ་རུ་ཆུང་བས་དེའི་ཕྱིར་བདག་ཞི་བའི་ཆོས་སྟོན་པ་དེར་འགྲོ་མ་ནུས་པར་གྱུར་དུ་ཟད་དེ། དེ་བཞིན་གཤེགས་པ་དག་ནི་ཆོས་ལ་སློབ་དཔོན་གྱིས་འཆབ་པ་མེད་ཀྱི། དེ་
D228.063.0207b03.01བཞིན་གཤེགས་པ་དག་ནི་སེམས་ཅན་ཐམས་ཅད་ལ་སྙོམས་པས་ན་གང་བདག་ནི་དྲན་པ་ཉེ་བར་གཞག་པ་ལ་གནས་པས་རི་ཁོར་ཡུག་གི་རྩེ་མོ་འདི་ཉིད་ལ་གནས་ས་སྙམ་མོ། །དེ་ལ་འཇམ་དཔལ་གཞོན་ནུར་གྱུར་པའི་དྲན་པ་ཉེ་བར་གཞག་པ་ནི་འདི་ཡིན་ཏེ། འདི་ལྟ་སྟེ། ཆོས་
D228.063.0207b04.01ཐམས་ཅད་དྲན་པ་མེད་པ། ཡིད་ལ་བྱེད་པ་མེད་པ། ཆོས་ཐམས་ཅད་མི་གནས་པ། ཆོས་ཐམས་ཅད་གནས་པ་མེད་པ་སྟེ། ཅིའི་ཕྱིར་མི་གནས་ཞེ་ན་འགྲོ་བ་མེད་པའི་ཕྱིར་ཏེ། ཆོས་གང་ཡང་ཤིན་ཏུ་ཡོད་པ་མེད་དེ། དེའི་ཕྱིར་དེ་དག་མི་འགྲོའོ། །གང་མི་འགྲོ་བ་དེ་ནི་མི་
D228.063.0207b05.01གནས་སོ། །འདི་ལྟ་སྟེ། གནས་དང་གནས་མ་ཡིན་པ་སྟོན་པ་དང་། དྲན་པ་མེད་ཅིང་ཡིད་ལ་བྱེད་པ་མེད་པ་ནི་འཇམ་དཔལ་གྱི་དྲན་པ་ཉེ་བར་འཇོག་པ་ཡིན་ནོ། །དེ་ནས་འཇམ་དཔལ་གཞོན་ནུར་གྱུར་པས་དྲན་པ་ཉེ་བར་འཇོག་པ་ལ་གནས་པ་འདི་ལ་གནས་པ་ལས། ལྷའི་བུ་
D228.063.0207b06.01བཞི་ཁྲི་ཉིས་སྟོང་འཇམ་དཔལ་གཞོན་ནུར་གྱུར་པ་དེ་ག་ལ་བ་དེར་སོང་སྟེ་ཕྱིན་ནས་འཇམ་དཔལ་གཞོན་ནུར་གྱུར་པའི་རྐང་པ་ལ་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །དེ་ནས་འཁོར་དེར་འོད་ཟེར་གྱི་རྒྱལ་མཚན་ཞེས་བྱ་བའི་ལྷའི་བུ་འོངས་ཏེ་འདུག་ནས་འཇམ་དཔལ་གཞོན་ནུར་གྱུར་
D228.063.0207b07.01