完整藏文原文 · 德格版页 当前仅加载第 63 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ལ་ཆོས་སུ་འདུ་ཤེས་པ་མེད། དགེ་འདུན་ལ་དགེ་འདུན་དུ་འདུ་ཤེས་པ་མེད། བདག་ལ་བདག་ཏུ་འདུ་ཤེས་པ་མེད། གཞན་ལ་གཞན་དུ་འདུ་ཤེས་པ་མེད་དེ། འཇམ་དཔལ་འདི་ལྟ་སྟེ། དཔེར་ན་ཟླ་བའི་དཀྱིལ་འཁོར་ནི་གཞལ་མེད་ཁང་ལས་ཀྱང་མི་
D228.063.0213a01.01གཡོ་ལ་ཀུན་དུ་ཡང་སྣང་བར་བྱེད་དེ། ཐམས་ཅད་དུ་ཡང་བསྟན་མོད་ཀྱི། ཟླ་བའི་དཀྱིལ་འཁོར་ནི་གང་ལ་ཡང་ཉེ་བར་མི་བྱེད། འདི་ལ་འོད་སྣང་བར་བྱའོ། །འདི་ལ་འོད་མི་སྣང་བར་བྱའོ་ཞེས་རྟོག་པ་ཡང་མེད་དོ། །འཇམ་དཔལ་དེ་བཞིན་དུ་སྲིང་མོ་དེ་ཏིང་ངེ་འཛིན་འདི་ལ་གནས་ན་
D228.063.0213a02.01འཇིག་རྟེན་གྱི་ཁམས་མཐའ་ཡས་མུ་མེད་པར་སེམས་ཅན་དཔག་ཏུ་མེད་པ་རྣམས་ལ་སྣང་བར་བྱེད། སངས་རྒྱས་ཀྱི་ཞིང་དཔག་ཏུ་མེད་པར་སྟོན་པར་བྱེད། རྣམ་པར་རྟོག་པ་མེད། སེམས་ཅན་ཐམས་ཅད་ལ་སེམས་མཉམ་པར་བྱེད་ཅིང་སེམས་ཅན་ཐམས་ཅད་ལ་ཆོས་སྟོན་ཏོ། །
D228.063.0213a03.01འཇམ་དཔལ་ངས་ནི་བསྐལ་པའམ། བསྐལ་པའི་ལྷག་མ་ལུས་ཀྱི་བར་དུ་སྲིང་མོ་འདིའི་ཡོན་ཏན་བརྗོད་ཀྱང་ཡོན་ཏན་ཟད་པར་མི་འགྱུར་ཏེ། འཇམ་དཔལ་དེ་ལྟར་སྲིང་མོ་འདི་ནི་ཡོན་ཏན་བསམ་གྱིས་མི་ཁྱབ་པ་དང་ལྡན་ནོ། །འཇམ་དཔལ་གྱིས་གསོལ་པ། བཅོམ་ལྡན་
D228.063.0213a04.01འདས་སངས་རྒྱས་ཀྱི་ཞིང་འདི་ན་གང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་དག་མཆིས་ན་ཅི་ལགས། སངས་རྒྱས་བཅོམ་ལྡན་འདས་དེ་དག་ཚོགས་པའི་ཚེ་བྱང་ཆུབ་སེམས་དཔའ་དེ་དག་ཀྱང་བདག་བཞིན་དུ་འཇིག་རྟེན་གྱི་ཁམས་གཞན་དུ་འཕངས་པར་གྱུར་ཏམ།
D228.063.0213a05.01བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེ་སྐད་མ་ཟེར་ཅིག །དེ་བཞིན་གཤེགས་པའི་ཡེ་ཤེས་ལ་མ་རྟོག་ཤིག །དེ་བཞིན་གཤེགས་པས་རྣམ་པར་སྤྲུལ་པ་ལ་མ་རྟོག་ཤིག །དེ་བཞིན་གཤེགས་པའི་བྱིན་གྱི་རླབས་ལ་མ་རྟོག་ཤིག །དེ་ཅིའི་ཕྱིར་ཞེ་ན། འཇམ་
D228.063.0213a06.01དཔལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི་སངས་རྒྱས་བཅོམ་ལྡན་འདས་རྣམས་ཚོགས་པས་འདི་ལྟ་སྟེ། དཔེར་ན་བུ་རམ་ཤིང་གི་ཚལ་ལམ། འདམ་བུའི་ཚལ་ལམ། སྨྱིག་མའི་ཚལ་བཞིན་དུ་དེ་འདྲ་བར་མང་བའི་དེ་བཞིན་གཤེགས་པ་རྣམས་ཀྱིས་
D228.063.0213a07.01