完整藏文原文 · 德格版页 当前仅加载第 63 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་རྣམ་པ་དྲུག་ཏུ་གཡོས་སོ། །དེ་ནས་བཅོམ་ལྡན་འདས་འཇུག་སྲེད་ཀྱི་རྒྱལ་པོའི་གཡོག་བྱང་ཆུབ་སེམས་དཔའ་རབ་ཏུ་དགའ་བའི་རྒྱལ་པོ་ཞེས་བྱ་བ་དེས་དེ་བཞིན་གཤེགས་པ་དེ་ལ་ཞུས་པ། བཅོམ་ལྡན་
D228.063.0217a01.01འདས་ཅིའི་རྒྱུ་ཅིའི་རྐྱེན་གྱིས་ན་འཇིག་རྟེན་ན་ས་ཆེན་པོ་འདི་གཡོ་བར་གྱུར། བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བའི་མིང་བརྗོད་མ་ཐག་ཏུ་ངེས་པར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཡོ་བར་འགྱུར་ཏེ། འཇིག་
D228.063.0217a02.01རྟེན་གྱི་ཁམས་གཞན་ན་ཡང་གང་ན་དེ་བཞིན་གཤེགས་པ་དག་རིགས་ཀྱི་བུ་དེའི་མིང་བརྗོད་པར་གྱུར་པ་དེའི་ཚེ་བརྗོད་མ་ཐག་ཏུ་ས་ཆེན་པོ་རྣམ་པ་དྲུག་ཏུ་གཡོའོ། །དེ་ནས་འཁོར་དེ་ན་བྱང་ཆུབ་སེམས་དཔའ་དེ་དག་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་མཐོང་བར་
D228.063.0217a03.01སྐོམ། འཇམ་དཔལ་གཞོན་ནུར་གྱུར་པ་ཡང་བྱང་ཆུབ་སེམས་དཔའ་དེ་མཐོང་བར་འདོད་དོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་དེ་དག་ཡོངས་སུ་སྐོམ་པར་ཡང་ཤེས། བདག་ཀྱང་མཐོང་བ་དང་། སྲིང་མོ་དེ་ཏིང་ངེ་འཛིན་དེ་ལས་བསླང་བའི་
D228.063.0217a04.01ཕྱིར་དེ་བཞིན་གཤེགས་པ་འཇུག་སྲེད་ཀྱི་རྒྱལ་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་ནས་ཀྱང་བདག་གིས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་མཐོང་བར་འགྱུར་བ་དེ་འདྲ་བའི་རྫུ་འཕྲུལ་གྱི་མཐུ་ལེགས་པར་བསྟན་པར་གསོལ། བཅོམ་ལྡན་
D228.063.0217a05.01འདས་འཁོར་འདི་དག་ཀྱང་རིགས་ཀྱི་བུ་དེ་མཐོང་བར་འཚལ་ན། བཅོམ་ལྡན་འདས་བདག་ཀྱང་སྐྱེས་བུ་དམ་པ་དེ་མཐོང་བར་འཚལ་ན་ཅི་ནས་ཀྱང་སྐྱེས་བུ་དེ་སངས་རྒྱས་ཀྱི་ཞིང་འདིར་མཆི་ཞིང་རིགས་ཀྱི་བུ་དེ་ལས་བརྩམས་ནས་ཆོས་ཟབ་མོ་བཤད་པར་འགྱུར་བ་དང་། བྱང་ཆུབ་
D228.063.0217a06.01སེམས་དཔའ་འདི་དག་ཀྱང་བྱང་ཆུབ་སེམས་དཔའ་དེ་མཐོང་བར་འགྱུར་ཞིང་མཐོང་ནས་ཀྱང་དེའི་རྗེས་སུ་སློབ་པ་དང་། སྲིང་མོ་དེ་ཡང་ཏིང་ངེ་འཛིན་དེ་ལས་ལྡང་བར་འགྱུར་བ་དེ་འདྲ་བའི་རྫུ་འཕྲུལ་རྣམ་པར་འཕྲུལ་པ་བསྟན་ན་ལེགས་སོ། །དེ་ནས་བཅོམ་ལྡན་འདས་འཇུག་སྲེད་ཀྱི་
D228.063.0217a07.01