完整藏文原文 · 德格版页 当前仅加载第 63 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བའི་ཆོས་ཀྱི་རྣམ་གྲངས་བགྲོའོ་སྙམ་མོ། །ཡང་དེའི་ཚེ་ན་སངས་རྒྱས་བཅོམ་ལྡན་འདས་གཞན་དག་གི་སངས་རྒྱས་ཀྱི་ཞིང་གཞན་དག་ཏུའང་འཁོར་བཞི་ཡོངས་སུ་སྐྱོ་སྟེ། ཆོས་ཉན་པའི་ཕྱིར་མི་འོང་བར་གྱུར་ནས་སངས་རྒྱས་བཅོམ་ལྡན་འདས་དེ་དག་ཀྱང་བདག་བདག་གི་
D228.063.0189b01.01སངས་རྒྱས་ཀྱི་ཞིང་དུ་ནང་དུ་ཡང་དག་འཇོག་ལ་བཞུགས་པའི་ཚུལ་གྱིས་འཁོར་བཞི་ཡོངས་སུ་སྐོམ་པར་མཛད་དོ། །ཡང་དེའི་ཚེ་ན་ཤར་ཕྱོགས་སུ་སངས་རྒྱས་ཀྱི་ཞིང་བརྒྱད་ཁྲི་བཞི་སྟོང་འདས་པ་ན། ཀུན་དུ་སྣང་བ་ཞེས་བྱ་བའི་འཇིག་རྟེན་གྱི་ཁམས་དེ་ན་འཇུག་སྲེད་ཀྱི་རྒྱལ་
D228.063.0189b02.01པོ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟར་བཞུགས་འཚོ་གཞེས་ཤིང་ཆོས་ཀྱང་སྟོན་ཏོ། །སངས་རྒྱས་བཅོམ་ལྡན་འདས་དེ་དག་ཀྱང་། དེ་བཞིན་གཤེགས་པའི་བགྲོ་བ་བགྲོ་བའི་ཕྱིར་དེར་འདུས་ཏེ། སངས་རྒྱས་
D228.063.0189b03.01བཅོམ་ལྡན་འདས་དེ་དག་ལ་མ་བགྲོས་པའམ། བགྲོ་བ་མི་མཛད་པ་མེད་དེ། ཆོས་བཤད་པ་དང་སེམས་ཅན་འདུལ་བའི་ཕྱིར་དེ་བཞིན་གཤེགས་པ་དག་བགྲོ་བར་མཛད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་སོ། །སངས་རྒྱས་བཅོམ་ལྡན་འདས་དེ་དག་
D228.063.0189b04.01གང་དུ་འདུ་བར་འགྱུར་ཞེས་དགོངས་པ་ལས་དེ་འདི་སྙམ་དུ་གྱུར་ཏེ། ཤར་ཕྱོགས་སུ་སངས་རྒྱས་བཅོམ་ལྡན་འདས་དེ་དག་འདུ་བར་འགྱུར་ཏེ། འདི་ནི་སངས་རྒྱས་ཀྱི་ཞིང་བརྒྱད་ཁྲི་བཞི་སྟོང་འདས་པ་ན་འཇིག་རྟེན་གྱི་ཁམས་ཀུན་དུ་སྣང་བ་ཞེས་བྱ་བ་དེ་ན། དེ་བཞིན་
D228.063.0189b05.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇུག་སྲེད་ཀྱི་རྒྱལ་པོ་ཞེས་བྱ་བ་དེ་ལྟར་བཞུགས་འཚོ་གཞེས་ཆོས་ཀྱང་སྟོན་ཏེ། དེར་སངས་རྒྱས་བཅོམ་ལྡན་འདས་རྣམས་འདུ་བར་འགྱུར་རོ་སྙམ་མོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་
D228.063.0189b06.01བོ་ལ་བཀའ་སྩལ་པ། དགའ་བོ་དེ་ནི་དེ་བཞིན་གཤེགས་པ་དབང་པོའི་བྲག་གི་ཕུག་ཏུ་གཤེགས་སོ། །གཤེགས་ནས་ཀྱང་ཟླ་བ་གསུམ་དུ་ནང་དུ་ཡང་དག་འཇོག་པར་འགྱུར་གྱིས། དེ་དགའ་བོ་ཁྱོད་ཀྱིས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་།
D228.063.0189b07.01