完整藏文原文 · 德格版页 当前仅加载第 63 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་ནོ་སྙམ་པ་ནི་སྐྱོན་ནོ། །བདག་གིས་སེར་སྣ་ཚར་གཅད་དོ་སྙམ་པ་ནི་སྐྱོན་ནོ། །བདག་གིས་ཚུལ་ཁྲིམས་ཡོངས་སུ་དག་པར་བྱའོ། །ངང་ཚུལ་ངན་པ་སྤང་བར་བྱའོ་སྙམ་པ་ནི་སྐྱོན་ནོ། །བདག་ཚུལ་ཁྲིམས་དང་ལྡན་པར་བྱའོ་སྙམ་པ་ནི་སྐྱོན་ནོ། །བདག་བཟོད་པ་ལ་གནས་
D228.063.0198a01.01སོ་སྙམ་པ་ནི་སྐྱོན་ནོ། །བདག་གིས་གནོད་སེམས་དང་ཐ་བའི་ཉེས་པ་རྣམས་སྤང་ངོ་སྙམ་པ་ནི་སྐྱོན་ནོ། །བཟོད་པ་བསྒོམ་མོ་སྙམ་པ་ནི་སྐྱོན་ནོ། །བདག་ནི་བརྩོན་འགྲུས་རྩོམ་པ་ལ་གནས་ཏེ་ལེ་ལོའི་དྲི་མ་སྤང་ཞིང་བརྩོན་འགྲུས་བརྩམ་མོ་སྙམ་པ་ནི་སྐྱོན་ནོ། །བདག་ནི་བསམ་གཏན་ལ་གནས་པས་གནས་
D228.063.0198a02.01སོ། །ཏིང་ངེ་འཛིན་བསྒོམ་མོ། །བདག་གིས་མཉམ་པར་བཞག་གོ་སྙམ་པ་ནི་སྐྱོན་ནོ། །ལྡང་བར་བྱའོ་སྙམ་པ་ནི་སྐྱོན་ནོ། །བདག་གིས་བསམ་གཏན་ཐོབ་པར་བྱའོ་སྙམ་པ་ནི་སྐྱོན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་མོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས་སངས་རྒྱས་
D228.063.0198a03.01སུ་འགྱུར་བར་བྱའོ་སྙམ་པ་ནི་སྐྱོན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པས་ཕྱུང་ནས་སངས་རྒྱས་ཀྱི་མྱ་ངན་ལས་འདའ་བས་ཡོངས་སུ་མྱ་ངན་ལས་འདའོ་སྙམ་པ་ནི་སྐྱོན་ནོ། །སངས་རྒྱས་ཀྱི་ཡེ་ཤེས་ཡོངས་སུ་བསྒྲུབ་བོ་སྙམ་པ་ནི་སྐྱོན་ནོ། །སངས་རྒྱས་ཀྱི་བསླབ་པ་བསླབ་པོ་སྙམ་པ་ནི་སྐྱོན་ནོ། །དེ་བཞིན་
D228.063.0198a04.01གཤེགས་པའི་སྟོབས་བཅུ་ཡོངས་སུ་རྫོགས་པར་བྱའོ་སྙམ་པ་ནི་སྐྱོན་ནོ། །སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཡོངས་སུ་རྫོགས་པར་བྱའོ་སྙམ་པ་ནི་སྐྱོན་ནོ། །སྟོབས་རྣམས་དང་། དབང་པོ་རྣམས་དང་། མི་འཇིགས་པ་རྣམས་དང་། སོ་སོ་ཡང་དག་པར་རིག་པ་རྣམས་ཐོབ་
D228.063.0198a05.01པར་བྱའོ་སྙམ་པ་ནི་སྐྱོན་ནོ། །སྤོབས་པ་བསྒྲུབ་པོ་སྙམ་པ་ནི་སྐྱོན་ཏེ། བྱང་ཆུབ་སེམས་དཔའ་ནི་ཇི་ཙམ་དུ་སྒོམ་པ་དང་། རྟོག་པ་དང་། སྨོན་པ་དང་། ལེན་པ་དང་། འདོར་བ་དེ་ཙམ་དུ་སྐྱོན་ནོ། །མཚན་མ་ཐམས་ཅད་ནི་སྐྱོན་ནོ། །རྟོག་པ་ཐམས་ཅད་ནི་སྐྱོན་ནོ། །འཇུག་པ་ཐམས་ཅད་ནི་
D228.063.0198a06.01སྐྱོན་ནོ། །དེ་ལ་ཆོས་དེ་དག་མེད་པས་ན་དེའི་ཕྱིར་སྐྱོན་མེད་པ་ཞེས་བྱའོ། །གང་སྐྱོན་མེད་པ་དེ་ནི་ཆོས་ཉིད་ཡིན་པས་དེའི་ཕྱིར་ཆོས་སྐྱོན་མེད་པ་ཞེས་བྱ་སྟེ། དེ་ཡང་སངས་རྒྱས་བགྲོ་བ་ཞེས་བྱའོ། །གཞན་ཡང་སངས་རྒྱས་བགྲོ་བ་ནི་འདི་ལྟ་སྟེ། བྱང་ཆུབ་སེམས་དཔའི་སེམས་དང་པོ་
D228.063.0198a07.01