完整藏文原文 · 德格版页 当前仅加载第 69 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པས་བར་ཆད་འབྱུང་བར་འགྱུར་ཏེ། དེ་དག་གང་གི་ཚེ་གློག་མཐོང་བ་དང་། སྒྲ་ཐོས་པ་དེའི་ཚེ་སེམས་ཤིན་ཏུ་འཇམ་པ་དག་ལ་ནད་འབྱུང་བར་འགྱུར་རོ། །གང་གི་ཚེ་དེར་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་ཀླུའི་བདག་པོ་དག་སྒྲ་ཡང་
D287.069.0005a01.01མི་འབྱིན། གློག་ཀྱང་མི་གཏོང་སྟེ། དེའི་ཚེ་ཀླུའི་བདག་པོ་རྣམས་ཀྱིས་ཤར་གྱི་ལུས་འཕགས་ཀྱི་མི་རྣམས་ལ་ནད་འབྱུང་བར་མི་བྱེད་པ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་བྱང་གི་སྒྲ་མི་སྙན་གྱི་མི་རྣམས་ཀྱི་གནོད་པ་ལ་རྗེས་སུ་
D287.069.0005a02.01སེམས་པར་བྱེད་དེ། ཀྱེ་མ་བྱང་གི་སྒྲ་མི་སྙན་གྱི་མི་རྣམས་ལ་གནོད་པ་ཇི་ལྟར་འབྱུང་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། བྱང་གི་སྒྲ་མི་སྙན་པ་རྣམས་ལ་རླུང་གྲང་མོས་གནོད་པར་བྱེད་དེ། སྤྲིན་ནག་པོས་གནོད་པ་དང་། རླུང་གྲང་མོས་
D287.069.0005a03.01མེ་ཏོག་དེ་དག་ཞུམ་པར་འགྱུར་ལ། དྲི་མི་ཞིམ་པར་འགྱུར། དེ་ནས་དེ་དག་ཡིད་མི་དགའ་བ་སྐྱེ་སྟེ། སྤྲིན་ནག་པོའི་རྐྱེན་གྱིས་བྱ་དག་སྐད་མི་སྙན་པ་འབྱིན་ལ། པི་བང་དང་། རྫ་རྔའི་སྒྲ་ཡང་མི་སྙན་པར་འགྱུར་རོ། །རི་ཀུན་ཏུ་སྣང་བྱེད་ལ་སོགས་པ་ལ་གནས་པ་
D287.069.0005a04.01རྣམས་ལ། དེ་ལྟར་ཀླུས་བྱས་པ་དག་གིས་གནོད་པར་བྱེད་དོ། །གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་རྒྱལ་པོ་འབྱུང་བ་དེའི་ཚེ་རླུང་གྲང་མོ་དག་འབྱུང་བར་མི་འགྱུར་ལ། སྤྲིན་ནག་པོ་ཡང་འབྱུང་བར་མི་འགྱུར་རོ། །དེ་ལྟར་མིའི་གནས་བཞི་དག་ལ་ཀླུའི་རྒྱལ་
D287.069.0005a05.01པོ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་རྣམས་བདེ་བ་སྒྲུབ་པར་བྱེད། ཕན་པ་སྒྲུབ་པར་བྱེད་དོ། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ཀླུའི་འཇིག་རྟེན་ལ་རྟོག་པར་བྱེད་དེ། ལས་གང་གིས་ཆོས་དང་མི་ལྡན་ཞིང་ཆོས་ཀྱི་རྗེས་སུ་འཇུག་
D287.069.0005a06.01པར་མི་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཇི་ལྟར་ཀླུའི་གནས་ལོངས་སྤྱོད་ལྡན་ན། ཀླུ་རྣམས་ཀྱི་རྒྱལ་པོ་ཆོས་དང་མི་ལྡན་པ་འདི་ལྟ་སྟེ། ཀླུའི་རྒྱལ་པོ་རབ་འཇོམས་དང་། ཀླུའི་རྒྱལ་པོ་བསྒྱིངས་པ་དང་། ཀླུའི་རྒྱལ་པོ་ནག་པོ་དང་། ཀླུའི་
D287.069.0005a07.01