完整藏文原文 · 德格版页 当前仅加载第 69 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཡོལ་གོ་ཐོགས་པ་དག་ག་ལ་བ་དེར་དོང་སྟེ། འདི་ལྟར་ལྷ་མ་ཡིན་རྣམས་ཀྱིས་བདག་ཅག་མངོན་པར་གཙེས་ཀྱིས་རྒྱུགས་ཤིག་རྒྱུགས་ཤིག་ཅེས་སྨྲས་སོ། །དེ་ཐོས་ནས་ལྷ་ལག་ན་ཡོལ་གོ་ཐོགས་པ་དག་ལྷ་མ་ཡིན་ག་ལ་བ་དེར་གཡུལ་འགྱེད་དུ་དོང་ངོ་། །དེ་ནས་ལྷ་
D287.069.0029b01.01ལག་ན་ཡོལ་གོ་ཐོགས་པ་མཚོན་ཆ་དང་། ལག་ཆ་སྣ་ཚོགས་ཅན་དག་ལྷ་མ་ཡིན་ག་ལ་བ་དེར་དོང་ངོ་། །དེ་ནས་ལྷ་དེ་དག་མངོན་པར་མཐོང་ནས། ཡང་ལྷ་མ་ཡིན་རྣམས་ཁྲོས་ནས་བརྒྱུགས་སོ། །དེ་ནས་ལྷ་ལག་ན་ཡོལ་གོ་ཐོགས་པ་རྣམས་དང་། ལྷ་མ་ཡིན་དེ་རྣམས་
D287.069.0029b02.01ཕན་ཚུན་སྤུ་ཟིང་ཞེས་བྱེད་པའི་གཡུལ་ཆེན་པོ་བཀྱེ་བ་དང་། འདི་ལྟར་ལྷ་དང་ལྷ་མ་ཡིན་གྱི་གཡུལ་འདི་ལྟ་བུ་མཚུངས་པ་མེད་པ་བཀྱེའོ་ཞེས་དེ་དག་མངོན་པར་བརྗོད་དོ། །དེ་དག་གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་སྐྱེ་དགུ་དག་འབྱུང་བ་དེའི་ཚེ་ལྷ་ལག་
D287.069.0029b03.01ན་ཡོལ་གོ་ཐོགས་པ་རྣམས་ཀྱིས་ལྷ་མ་ཡིན་རྣམས་ཕམ་པར་བྱེད་དེ། དེའི་ཚེ་རྒྱ་མཚོའི་དབུས་སུ་ལྷ་དང་ལྷ་མ་ཡིན་ཤིན་ཏུ་འཇོམས་པ་ཆོས་དང་ཆོས་མ་ཡིན་པ་ལ་རྟེན་པའི་རྟགས་ཅན་དུ་གྱུར་པ་དག་ན། གཞན་དང་མི་འདྲ་བའི་གཡུལ་བཀྱེའོ། །གང་གི་ཚེ་ལྷ་ལག་ན་ཡོལ་གོ་ཐོགས་
D287.069.0029b04.01པ་དེ་དག་ཕམ་པར་གྱུར་པ་དེའི་ཚེ་འཇིག་རྟེན་སྐྱོང་བ་རྣམས་ལྷ་ཕྲེང་ཐོགས་དག་ག་ལ་བ་དེར་དོང་སྟེ། ལྷ་མ་ཡིན་རྣམས་ཕམ་པར་མཛོད་ཅིག་ཅེས་སྨྲས་པ་དང་། ལྷ་མ་ཡིན་དེ་རྣམས་ལ་མངོན་པར་བརྟགས་ནས། ལྷ་ཕྲེང་ཐོགས་རྒྱུག་པར་བྱེད་དོ། །ལྷ་ཀུན་ཏུ་རྒྱུ་བ་དང་། ལག་ན་ཡོལ་
D287.069.0029b05.01གོ་ཐོགས་པ་དང་། ལྷ་ཕྲེང་ཐོགས་དེ་རྣམས་ཀྱང་ཕྱོགས་གཅིག་ཏུ་གྱུར་ཅིང་། འཇོག་པོ་དང་། ནོར་རྒྱས་ཀྱི་བུ་ལ་སོགས་པ་ཡང་གཅིག་ཏུ་འདུས་སོ། །ལྷ་མ་ཡིན་སྒྲ་གཅན་གྱི་ས་པ་དང་། གྲོང་ཁྱེར་འོད་ལྡན་ན་གནས་པ་དང་། གཉིས་ཤིང་རྩེ་བ་དང་། གནས་གཉིས་པ་ན་གནས་པ་
D287.069.0029b06.01དང་། །མགུལ་ཕྲེང་དག་སྟེ། བྱེ་བ་ཁྲག་ཁྲིག་གྲངས་མེད་པ་དུ་མ་ཕྱོགས་གཅིག་ཏུ་གྱུར་པ་དང་གཡུལ་ཆེན་པོ་བཀྱེ་སྟེ། གང་གི་ཚེ་དེ་དག་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་བྱུང་བ་དེའི་ཚེ། ལྷའི་ཕྱོགས་ནི་རྒྱལ་བར་འགྱུར་ལ། ལྷ་མ་ཡིན་གྱི་ཕྱོགས་ནི་ཕམ་པར་འགྱུར་ཏེ།
D287.069.0029b07.01