完整藏文原文 · 德格版页 当前仅加载第 69 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་ཙམ་ཞིག་གིས་གསེར་གྱི་ཡོན་ཏན་གྱི་ཁྱིམ་གྱི་གནས་སུ་སྐྱེ་བར་འགྱུར་རོ། །དེར་སྐྱེས་ནས་ཀྱང་ལས་བྱ་བ་ལེགས་པར་བྱས་པ་དེ་གསེར་གྱི་ཡོན་ཏན་གྱི་ཁྱིམ་གྱི་གནས་སུ་སྐྱེས་ནས་བདེ་བ་ཡང་དག་པར་མྱོང་བར་འགྱུར་བ་འདོད་པའི་བདེ་བ་ངེས་པར་མྱོང་བར་འགྱུར་རོ། །གནས་དེ་ན་
D287.069.0171b01.01གསེར་ལས་བྱས་པའི་ཁྱིམ་རིན་པོ་ཆེ་ཐམས་ཅད་ཀྱི་འོད་ཀྱིས་བརྒྱན་པ་ཡོད་དེ་ཕུག་དེ་ནི་འོད་ཉིད་ཡིན་ནོ། །ཁྱིམ་ཞེས་བྱ་བའི་ཕུག་ནི་འདི་ཡིན་ཏེ་དེར་བརྒྱ་བྱིན་ཡང་འོངས་ནས་ངོ་མཚར་སྐྱེས་ཏེ་བརྒྱ་འགྱུར་དུ་རྩེ་བར་བྱེད་ཅིང་། འདི་ལྟར་ཚིགས་སུ་བཅད་དེ་ཡང་སྨྲས་པ། ཀྱེ་མ་དགེ་
D287.069.0171b02.01བ་སྔོན་བྱས་པའི། །ཡང་དང་ཡང་དུ་བདེ་བ་དག །སྔོན་བྱས་རྗེས་སུ་ལྡན་པའི་རྒྱུ། །མཐོ་རིས་རྣམས་སུ་ལྷ་སྤྱོད་དོ། །སྔར་ནི་རྟ་གཉིས་ལྡན་པ་ཡི། །ཤིང་རྟ་ཡོན་ཏན་དེ་བཞིན་གཉིས། །ཡེ་ཤེས་ལྕག་དང་ལྡན་པ་ཡིས། །ཤིང་རྟ་ཉི་མ་བཞིན་དུ་གསལ། །ཚུལ་ཁྲིམས་
D287.069.0171b03.01ལྡན་ཞིང་སྙིང་རྗེར་ལྡན། །འབྱུང་པོ་ཀུན་ལ་སྙིང་བརྩེ་ཞིང་། །མ་ལྟ་བུར་ནི་ཕན་བྱེད་པ། །ལྷ་ཡི་གནས་སུ་རབ་ཏུ་འགྲོ། །འདི་ལྟར་སྙིང་རྗེ་ཚོལ་བའི་མི། །འབྱུང་པོ་ཀུན་ལ་ཕན་དགའ་བ། །དེ་ལ་རྟེན་པའི་མི་དག་ནི། །སུམ་ཅུ་རྩ་གསུམ་གནས་སུ་འགྲོ། །རྟག་ཏུ་དུལ་ཞིང་སྙིང་
D287.069.0171b04.01རྗེར་ལྡན། །འབྱུང་པོ་ཀུན་ལ་ཕན་དགའ་བ། །དེ་ནི་མཆོད་པའི་གནས་འགྱུར་ཞིང་། །འཇིག་རྟེན་ཕ་རོལ་མཐོ་རིས་དགའ། །སྙིང་རྗེར་ལྡན་པའི་མི་དག་ནི། །ཟླ་བ་ལྟ་བུར་མཛེས་འགྱུར་ཞིང་། །མི་དེ་རྟག་ཏུ་ལྷ་འདྲ་ལ། །ལྷ་རྣམས་ཀྱིས་ནི་འདུད་པར་བྱེད། །འབྱུང་པོ་ཀུན་
D287.069.0171b05.01གྱི་གནས་གྱུར་པ། །མྱ་ངན་བྲལ་ཞིང་ཉོན་མོངས་བྲལ། །དེ་ལྟར་བདེ་བ་འདོད་པ་ཡིས། །རབ་ཏུ་དང་བས་སྙིང་རྗེ་རྟེན། །དེ་ནས་དེ་ལྟར་བརྒྱ་བྱིན་གྱིས་ཚིགས་སུ་བཅད་པ་དག་སྨྲས་ནས་ཕུག་དེ་ན་སྟན་གྱི་མཆོག་གསེར་ལས་བྱས་པ་རིན་པོ་ཆེ་སྣ་བདུན་འོད་རབ་ཏུ་འབར་བ།
D287.069.0171b06.01སྟེང་དུ་གདིང་བ་སྟན་ཁྲ་བོ་དང་ལྡན་པ་རྡོ་འཇམ་པ་གཤིས་སུ་བབ་པ་དབྱིབས་དང་ཆ་བྱད་སྣ་ཚོགས་དང་ལྡན་པ་དེ་དག་གི་སྟེང་དུ་འདུག་སྟེ། ལྷའི་རྒྱལ་པོ་བརྒྱ་བྱིན་དེ་ལྷའི་ཚོགས་རྣམས་དང་ལྷན་ཅིག་འཁོད་དོ། །ལྷ་རྣམས་དང་ལྷན་ཅིག་འཁོད་ནས་ལྷ་མོའི་ཚོགས་ཀྱིས་ཡོངས་སུ་བསྐོར་
D287.069.0171b07.01