完整藏文原文 · 德格版页 当前仅加载第 69 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྐད་སྨྲས་པ་དང་། འདི་ལྟར་ལྷ་རྣམས་ཀྱི་དབང་པོ་བརྒྱ་བྱིན་དེ་ནི་དཔུང་གི་གཙོ་བོ་ཡིན་ཏེ། ལྷའི་འདུན་ས་ཆོས་བཟང་དང་། གྲོང་ཁྱེར་བལྟ་ན་སྡུག་ན་གནས་པ་རྣམས་ལ་ཡང་བསྒོ། བཞི་མདོ་དང་བཞི་མདོ། །སུམ་མདོ་དང་སུམ་མདོ་དག་ཏུ་ཡང་འདི་ལྟར་ལྷ་རྣམས་ཀྱི་དབང་
D287.069.0039b01.01པོ་བརྒྱ་བྱིན་དེ་ནི་ལྷ་དང་ལྷ་མ་ཡིན་གྱི་གཡུལ་འགྱེད་པར་འགྲོ་སྟེ། རབ་དགོད་དང་ཐགས་{བཟངས་,བཟང་}རིས་དག་ག་ལ་བ་དེ་ཉིད་དུ་ཐམས་ཅད་འདོང་བར་བྱའོ་ཞེས་བསྒོའོ། །དེ་ནས་དེ་དག་ལ་དེ་སྐད་སྨྲས་པ་དང་། ལག་ཆ་དང་། མཚོན་ཆ་སྣ་ཚོགས་ཀྱི་གནས་སུ་གྱུར་པ། ཤིང་རྟ་
D287.069.0039b02.01སྣ་ཚོགས་ཀྱི་ཚལ་དུ་འདོང་བར་བྱེད་དེ། མཚོན་ཆ་ཐམས་ཅད་ཡོད་པ་དེར་ལྷ་བརྒྱའམ། སྟོང་ངམ། ཁྲིའམ། བྱེ་བ་མཚོན་ཆ་དོན་དུ་གཉེར་བ་དེ་དག་ཤིང་རྟ་སྣ་ཚོགས་ཀྱི་ཚལ་དུ་འདོང་བར་བྱེད་དོ། །དེ་དག་རྒྱུག་པ་ན་རྒྱ་མཚོ་བྲུག་པ་ལྟ་བུའི་སྒྲ་བྱུང་སྟེ། ལྷ་རྣམས་ཕན་ཚུན་
D287.069.0039b03.01འདོང་བ་ཤིན་ཏུ་བརྟུལ་བའི་རྡུལ་གང་གིས་ནམ་མཁའ་ཡོག་པར་གྱུར་པ་རྣམ་པ་དེ་ལྟ་བུ་བྱུང་ངོ་། །དེ་ལྟར་དེ་དག་མཚོན་ཆ་རྣམས་བླངས་ནས་ནམ་མཁའ་ལ་རྒྱུ་བ་རྣམས་ནི་ནམ་མཁའ་ལ། སྐམ་ས་ལ་རྒྱུ་བ་རྣམས་ནི་སྐམ་ས་ལ། རིའི་རྩེ་མོ་ལ་རྒྱུ་བ་རྣམས་ནི་རིའི་རྩེ་མོ་ཀུན་དུ་གང་ནས་
D287.069.0039b04.01འདོང་ངོ་། །ལྷ་གཞན་ཚལ་དང་། ནགས་ཚལ་དག་ན་གནས་ཤིང་རྩེར་དོང་བའི་ལྷ་གང་ཡིན་པ་དེ་དག་ཀྱང་རྔ་སྒྲ་ཐོས་ནས། ཤིང་རྟ་སྣ་ཚོགས་ཀྱི་ཚལ་ག་ལ་བ་དེར་རྒྱུག་པར་བྱེད་དོ། །སུམ་ཅུ་རྩ་གསུམ་པའི་ལྷའི་འདོད་པ་ཀུན་ཀྱང་བཏང་ནས། ཐམས་ཅད་རྒྱུག་པར་བྱེད་དོ། །
D287.069.0039b05.01མཚོན་ཆ་དང་། ལག་ཆ་དང་། གོ་མཚོན་རབ་ཏུ་མང་པོ་བརྒྱའམ། སྟོང་ངམ། བྱེ་བའམ། བྱེ་བ་བརྒྱ་ཕྲག་སྟོང་སྙེད་དག་བླངས་ནས། དེ་དག་ཐམས་ཅད་བརྒྱ་བྱིན་ཤིན་ཏུ་མཐོང་བར་འདོད་ཅིང་འཁོད་དོ། །དེ་ནས་བརྒྱ་བྱིན་གྱིས་དེ་དག་གི་ཉམས་དྲོད་རིག་ནས་ལྷ་ཐམས་ཅད་རབ་ཏུ་
D287.069.0039b06.01དགའ་བར་བྱེད་ཅིང་ཤིང་རྟ་རབ་ཏུ་མང་པོ་ལ་ཞོན་ཏེ། ཤིང་རྟ་ཁ་ཅིག་ནི་རིན་པོ་ཆེ་སྣ་བདུན་གྱིས་བརྒྱན། ཁ་ཅིག་ནི་གསེར་གྱིས་བརྒྱན། ཁ་ཅིག་ནི་དངུལ་གྱིས་བརྒྱན། ཁ་ཅིག་ནི་བཻ་ཌཱུརྱས་བརྒྱན། ཁ་ཅིག་ནི་ཤེལ་གྱིས་བརྒྱན། ཁ་ཅིག་ནི་སྤུག་ལ་སོགས་པའི་རིན་པོ་ཆེ་ཆེན་པོ་
D287.069.0039b07.01