完整藏文原文 · 德格版页 当前仅加载第 69 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མི་གསལ་བར་མཐོང་སྟེ། འདི་ལྟར་རིའི་རྩེ་མོ་མེ་ཏོག་དང་ལྟེང་ཀ་ཕུན་སུམ་ཚོགས་པ་གང་ཡིན་པ་དེ་དག་ལ་ལྷ་འཛེགས་ནས་གཟི་བརྗིད་འབར་ཞིང་ནམ་མཁའ་ལ་འགྲོ་བ་དང་། དེ་ནས་ཚལ་གྱི་ནང་ན་སྤྱོད་པའི་བྲམ་ཟེ་དག་གིས་མཐོང་ནས་རང་
D287.069.0225a01.01དགར་རྟོག་པར་བྱེད་དེ། འདི་ལྟར་མིར་གྱུར་པ་འདི་རྣམས་ཀྱིས་རི་ལས་གཡང་དུ་ལྟུང་བར་བྱས་ན་རྒྱུ་དེ་དང་རྐྱེན་དེས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་བས། བདག་ཅག་ཀྱང་རི་རྩེ་ནས་ཐར་བར་བྱའོ་ཞེས་དེ་ལྟར་གཞན་དག་ལ་ཡང་སྟོན་པར་བྱེད་
D287.069.0225a02.01ལ། བསྟན་བཅོས་ངན་པ་དག་ཀྱང་བྱེད་ཅིང་ལས་ཀྱི་འབྲས་བུ་ལ་ཡང་སྐུར་པ་འདེབས་སོ། །ལས་ཀྱི་འབྲས་བུ་ལ་སྐུར་པ་འདེབས་པ་བདག་དང་གཞན་ལོག་པར་ལྟ་བ་རྣམས་ནི་ལུས་དང་བྲལ་ནས་ངན་འགྲོ་ལོག་པར་ལྟུང་བ། སེམས་ཅན་དམྱལ་བའི་ནང་དུ་སྐྱེ་བར་འགྱུར་
D287.069.0225a03.01ཏེ། དེ་ལྟར་ཡང་ལྟ་བའི་རྣམ་པ་གཞན་ཡིན་ནོ། །དེ་ནས་ཡང་ཚལ་གྱི་ནང་ན་སྤྱོད་པའི་བྲམ་ཟེ་དེ་དག་གིས། ལྷ་དེ་རྣམས་གཞན་དུ་མཐོང་ནས་རང་དགར་གཞན་དུ་རྟོག་པར་བྱེད་དེ། འདི་ལྟ་སྟེ། ལྷ་རྣམས་ཧ་ཅང་ཡང་མི་ཉེ་ཧ་ཅང་ཡང་མི་རིང་བ་ཞིག་ན་འཁོད་པ་དེ་རྣམས་
D287.069.0225a04.01ཀྱི་ཆ་བྱད་གཟུགས་ཅུང་ཟད་ཅིག་ཤེས་པ་དང་། དེ་བཞིན་དུ་མཐོང་ནས་གཟུགས་དེ་རྣམས་གཞན་ཉིད་དུ་རྟོག་པར་བྱེད་དེ། འདི་ལྟར་ལྷ་རྣམས་ཀྱི་ཞལ་ནི་མེ་ཡིན་པས། དེ་ལྟར་རྣམ་པ་གཞན་གྱིས་མེའི་ནང་དུ་སྦྱིན་སྲེག་བྱེད་པ་གང་ཡིན་པ་དེ་ནི་ལུས་དང་བྲལ་ནས་དེ་བདེ་
D287.069.0225a05.01འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་དེ་ལྟར་དེ་ཁོ་ན་ཉིད་མ་མཐོང་བ་རྣམས་ནི། གཏན་ཚིགས་དང་དཔེ་ངན་པ་དང་སྦྱར་བའི་བསྟན་བཅོས་དག་ཀྱང་བྱེད་དོ། །དེ་ལྟར་གཏན་ཚིགས་དང་དཔེ་ངན་པ་དང་སྦྱར་བའི་ལྟ་བའི་རྣམ་པ་གཞན་ཡང་བྱེད་
D287.069.0225a06.01ལ། ཕ་རོལ་དག་ཀྱང་དེ་ཉིད་ལ་འཛིན་དུ་འཇུག་པར་བྱེད་དེ། བདག་ལ་ཕན་པ་དང་གཞན་ལ་ཕན་པར་ཞུགས་པ་མ་ཡིན་པ་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ། སེམས་ཅན་དམྱལ་བའི་ནང་དུ་སྐྱེ་བར་འགྱུར་རོ། །དེ་ནས་ཡང་ཚལ་གྱི་ནང་ན་སྤྱོད་
D287.069.0225a07.01