完整藏文原文 · 德格版页 当前仅加载第 69 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། པད་མ་ལྟ་བུ་དག་དང་། འདབ་མ་འཇམ་པ་དག་དང་། འདབ་མ་དྲག་ཏུ་བསྐྱོད་པ་དང་། འདབ་མ་ཁ་དོག་དང་དབྱིབས་དུ་མ་དང་ལྡན་པ་དག་དང་། མཆུ་རིང་ཞིང་ནོར་བུ་དང་། གསེར་ལས་གྲུབ་པ་ཤ་སྟག་དང་། ཁུ་བྱུག་དང་། བྱ་བང་ལུས་
D287.069.0011a01.01མཁྲེགས་ཤིང་མགྲིན་པ་མཐོ་ལ་དྲི་མ་མེད་ཅིང་འདབ་མའི་མདོག་སྡུག་ལ་གཉིས་ཤིང་ནམ་མཁའ་ལ་ལྡིང་བ་དང་། གཉིས་ཤིང་ཆུ་འཐུང་བ་དང་། གཉིས་ཤིང་ཐང་ལ་འགྲོགས་པ་དང་། གར་བྱེད་བཞིན་དུ་སྐད་འབྱིན་པ་དང་། རྒྱགས་ཤིང་སྐད་འབྱིན་པ་ཤ་སྟག་དང་། ཤིང་
D287.069.0011a02.01ལྗོན་པ་བ་ཀུ་ལ་ལ་གནས་པའི་བྱའི་རིགས་རྣམས་སྐྱེད་མོས་ཚལ་དང་། ནགས་ཚལ་དུ་བཅས་པའི་གྲོང་ཁྱེར་དེ་ཁོ་ར་ཁོར་ཡུག་ན་གནས་ཤིང་སྐད་འབྱིན་པ་དང་། གྲོང་ཁྱེར་དེ་ན་མཚོ་ཡོད་པ་རྣམས་པད་མའི་ཚལ་རྣམ་པ་སྣ་ཚོགས་ཀྱིས་གང་ལ། ནགས་ཚལ་གྱིས་འཁོར་ཅིང་མཛེས་པར་
D287.069.0011a03.01བྱས་སོ། །གྲོང་ཁྱེར་དེ་ན་གསེར་གྱི་ཤིང་ལྗོན་པའི་ནགས་ཚལ་བཞི་ཡོད་དེ། གྲོང་ཁྱེར་དེའི་ནགས་ཚལ་དེ་དག་ཐམས་ཅད་ཀྱི་ཚད་ནི་དཔག་ཚད་བརྒྱ་ཡོད་དོ། །དེ་ན་ནགས་ཚལ་གཅིག་གི་མིང་ནི་རྩེད་མོ་ཅན་ཞེས་བྱའོ། །གཅིག་གི་མིང་ནི་རྒྱགས་པའི་ཀུན་དགའ་ར་བ་ཞེས་བྱའོ། །
D287.069.0011a04.01གཅིག་གི་མིང་ནི་ངང་པའི་གནས་ཞེས་བྱའོ། །གཅིག་གི་མིང་ནི་ཁུ་བྱུག་གི་ཀུན་དགའ་ར་བ་ཞེས་བྱ་སྟེ། ནགས་ཚལ་བཞི་པོ་དེ་རྣམས་ཀྱིས་གྲོང་ཁྱེར་དེའི་ཁོ་ར་ཁོར་ཡུག་ནས་སྤ་བར་བྱས་སོ། །ནགས་ཚལ་དེ་ན་ཤིང་ལྗོན་པའི་རིགས་སུམ་སྟོང་ཡོད་དེ། ཤིང་ལྗོན་པ་དེ་དག་གི་ནང་ན་
D287.069.0011a05.01གཙོ་བོ་ནི་འདི་ལྟ་སྟེ། སྤྲིན་ལྟར་སྒྲིབ་པ་དང་། ཡལ་ག་མཐོ་ལ་འཇམ་པ་དང་། བྱ་གནས་དང་། རྟག་ཏུ་མེ་ཏོག་རྒྱས་དང་། དཔག་ཚད་གཅིག་ཏུ་ངད་ལྡང་བ་དང་། བུང་བས་གང་བ་དང་། སྦྲང་རྩི་འཛག་དང་། གསེར་མདོག་ཅན་དང་། ཆང་འཛག་དང་། ཙན་དན་ས་མཆོག་
D287.069.0011a06.01པ་དང་། སྤྲིན་ནག་པོའི་མདོག་ཅན་དང་། ལོ་མ་བདུན་པ་དང་། ཀེ་ཏ་ཀ་དང་། ཤིང་སྤྲྀག་ཀ་དང་། སེར་བུ་ངད་ལྡང་དང་། ཨ་ག་རུ་ནག་པོའི་མདོག་ཅན་དང་། ཀུན་ཏུ་མིག་ལྡན་དང་། སྒྲོན་ཤིང་དང་། ནོར་བུའི་ལྗོན་ཤིང་དང་། མེ་མདོག་དང་། མྱ་ངན་འཚང་སྔོན་པོ་དང་། མྱ་
D287.069.0011a07.01