完整藏文原文 · 德格版页 当前仅加载第 69 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ལྷ་མ་ཡིན་གྱི་མཚོན་ཆ་ཆར་ལྟར་འབེབས་པ་རྣམས་ཀྱིས། ལྷ་རྣམས་ལ་དབབ་པར་མ་ནུས་སོ། །དེ་ནས་ལྷ་མ་ཡིན་མིག་བསྒྲིབས་པ་རྣམས་ཕན་ཚུན་དུ་འདི་ལྟར་ཉི་མའི་འོད་ཟེར་རྣམས་ཀྱིས་མིག་རབ་ཏུ་ཉམས་ཏེ། བདག་ཅག་གིས་ལྷ་རྣམས་ལ་བརྒལ་བར་མི་ནུས་
D287.069.0034b01.01སོ་ཞེས་སྨྲས་སོ། །དེ་ནས་ལྷ་མ་ཡིན་གྱི་དབང་པོ་སྒྲ་གཅན་གྱིས་རང་གི་ལག་པས་ཉི་མ་སྒྲིབ་པར་བྱེད་དེ། འདི་ཡང་ཉི་མ་གཟས་ཟིན་པའི་རྒྱུ་གསུམ་པ་ཡིན་ནོ། །དེའི་ཚེ་རྒྱུ་མི་ཤེས་པའི་རྟོག་གེ་པ་རྣམས་འདི་ལྟར་ལོ་ལེགས་པར་འགྱུར་རོ། །ལོ་ཉེས་པར་འགྱུར་རོ། །ཆར་ཆེར་
D287.069.0034b02.01ལེགས་པར་འབབ་པར་འགྱུར་རོ། །ཆར་ཆུང་ངུ་འབབ་པར་འགྱུར་རོ། །རྒྱལ་པོ་ལ་རུང་བར་འགྱུར་རོ། །རྒྱལ་པོ་ལ་མི་རུང་བར་འགྱུར་རོ། །སྐྱེ་བོ་འཇིག་པར་འགྱུར་རོ། །སྐྱེ་བོ་འཇིག་པར་མི་འགྱུར་རོ་ཞེས་བརྗོད་དེ། དེ་ལྟར་བསྟན་བཅོས་ངན་པས་བསླུས་པ་རྣམས་
D287.069.0034b03.01གཞན་དུ་རྟོག་པར་བྱེད་དོ། །དེ་ལྟར་སྒྲ་གཅན་དེས་ཉི་མའི་དཀྱིལ་འཁོར་དེ་བསྒྲིབས་ཏེ། འོད་ཟེར་ཡང་བཟློག་ནས་བལྟ་བར་བདེ་བ་དང་། ལྷ་རྣམས་མངོན་པར་མཐོང་ནས་ལྷ་མ་ཡིན་གྱི་དབང་པོ་བརྟན་པ་ལ་སྨྲས་པ། ལྷ་དག་བདེ་བར་མཐོང་ངོ་། །ལྷ་མ་ཡིན་རྣམས་བདེ་བར་
D287.069.0034b04.01མ་མཐོང་གིས་ཕ་རོལ་ཕམ་པར་བྱ་བ་ལ་འབོད་ཅིག །དེ་ནས་ལྷ་མ་ཡིན་རྣམས་མཚོན་ཆའི་ཚོགས་རྣམས་ཆར་ལྟར་མངོན་པར་འབེབས་ཤིང་ལྷ་རྣམས་ག་ལ་བ་དེར་བརྟན་པས་སྣ་དྲངས་ནས་རྒྱུག་པར་བྱེད་དོ། །ལྷ་རྣམས་ཀྱིས་ཀྱང་དེ་དག་མཐོང་ནས་མཚོན་ཆ་སྣ་ཚོགས་
D287.069.0034b05.01ཐོགས་ཏེ། ལྷ་མ་ཡིན་ག་ལ་བ་དེར་རྒྱུག་པར་བྱེད་དོ། །དེ་ནས་ཕྲེང་ཐོགས་ཀྱི་ལྷ་རྣམས་ག་ལ་བ་དེར་བརྟན་པ་དེ་དག་རྒྱུག་ཅིང་། དེ་དག་མཚོན་ཆ་སྣ་ཚོགས་ཀྱི་ཆར་མངོན་པར་འབེབས་པ་ན། ཕྲེང་ཐོགས་ཀྱི་ལྷ་རྣམས་ཀྱིས་དེ་དག་མངོན་པར་མཐོང་ནས་འདི་སྐད་སྨྲས་སོ། །ལྷ་
D287.069.0034b06.01མ་ཡིན་གྱི་དབང་པོ་དག་ལེགས་སོ་ལེགས་སོ། །འདི་ལྟར་ཁྱེད་ལྷ་རྣམས་ཀྱིས་ལན་དུ་མ་ཞིག་ཏུ་ཕམ་པར་བྱས་ཀྱང་ཁྱེད་ཆོས་ལ་སོ་སོར་རིག་པར་མི་བྱེད་དམ། ངེད་ནི་ཆོས་ཀྱི་ཚུལ་དང་ལྡན། ཆོས་ལ་གཞོལ། ཆོས་སྒྲུབ་པ་ཡིན་ཏེ། ངེད་ནི་ཆོས་མ་སྤངས་པས་རྒྱལ་བར་འདོད་
D287.069.0034b07.01