完整藏文原文 · 德格版页 当前仅加载第 69 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་དང་། སྒྲ་དང་། དྲི་དང་། རོ་དང་། རེག་བྱ་བདེ་བ་དག་ལ་སྤྱོད་པར་བྱེད་དོ། །དེ་ལྟར་སེམས་རབ་ཏུ་མྱོས་པ་དེ། དེ་ནས་ཡང་བདེ་བའི་མྱོས་པས་སེམས་གཡེངས་པ་རབ་ཏུ་མྱོས་ཤིང་བག་མེད་པ་ལ་གནས་པ་དག་དགེ་བའི་ལས་ཀྱི་འབྲས་བུ་དེ་ཉིད་ལ་སྤྱོད་
D287.069.0065a01.01པར་བྱེད་དོ། །དེས་བདག་ཉིད་ལྷའི་འཇིག་རྟེན་དེ་ནས་ཤི་སྟེ། གཞན་དུ་སྐྱེ་ལ། དེ་ནས་ཡང་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་སྐྱེ་བར་མཐོང་ངོ་། །དེ་ནས་བདག་ཉིད་དེ་ལྟ་བུར་འགྱུར་བ་མཐོང་བ་དང་། ཤིན་ཏུ་མི་དགའ་བ་སྐྱེས་ནས། གནས་འདི་
D287.069.0065a02.01ནི་མི་རྟག་པ། མི་བརྟན་པ། འགྱུར་བའི་ཆོས་ཅན་ཡིན་ཏེ། དེ་ལྟ་བས་ན་འདི་ནས་བདག་ཉིད་འཆི་བར་འགྱུར་ཞིང་། ལྷ་མོ་འདི་དག་ལ་ཡང་བདག་དབང་བར་མི་འགྱུར་ཏེ། ཀྱེ་མ་ཆོས་ཐམས་ཅད་ནི་འབྲལ་བ་དང་། འདུས་བྱས་ཀྱི་ཆོས་རྣམས་ནི་མི་བརྟན་ལ་གནོད་པ་དང་
D287.069.0065a03.01བཅས་པས་རྟབ་རྟབ་པོར་འདུག་པ་ཡིན་ཏེ། བདག་ཅག་ནི་ཕན་ཚུན་འབྲལ་བ་ཡིན་ནོ་སྙམ་མོ། །དེ་དེ་ལྟར་སེམས་པ་དང་། འཇིག་རྟེན་སྐྱོང་བ་དག་གིས་ལྷའི་འཇིག་རྟེན་ལ་སྨྲས་པ། ད་ཁྱེད་ཅག་ཐུགས་དགྱེས་པར་མཛོད་ཅིག །འཛམ་བུའི་གླིང་ན་ད་དུང་དུ་ཆོས་དང་ལྡན་
D287.069.0065a04.01ཞིང་ཆོས་ཀྱི་རྗེས་སུ་འཇུག་པའི་མི་མར་འཛིན་པ། ཕར་འཛིན་པ། དགེ་སྦྱོང་དུ་འཛིན་པ། བྲམ་ཟེར་འཛིན་པ་དག་ཡོད་པས་ལྷའི་ཕྱོགས་ནི་འཕེལ་ལོ། །བདུད་ཀྱི་ཕྱོགས་ནི་འགྲིབ་པོ། །འཇིག་རྟེན་ན་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་
D287.069.0065a05.01གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ་བྱུང་སྟེ། དེ་ཆོས་འཆད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ།
D287.069.0065a06.01ཡོངས་སུ་བྱང་བ་བདེ་བ་ཐམས་ཅད་དང་ལྡན་པ། ཞི་བའི་ཆོས་འདི་ལྟ་སྟེ། འདི་ནི་གཟུགས། གཟུགས་འདི་ནི་ཀུན་འབྱུང་བ། གཟུགས་འདི་ནི་འགོག་པ། གཟུགས་འདི་ནི་འགོག་པར་འགྱུར་བའི་ལམ་ཡིན་ནོ་ཞེས་འཆད་དོ། །དེ་ཐོས་ནས་མེ་ལོང་ལྟ་བུའི་ཚལ་དེ་ན་འཁོད་པ་
D287.069.0065a07.01