完整藏文原文 · 德格版页 当前仅加载第 69 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
དད་པར་བྱ་བ་དང་དང་བར་བྱ་བའི་ཕྱིར། རྒྱུ་འདིས་ན་བཅོམ་ལྡན་འདས་དེས་ཕྱི་རོལ་དུ་སྤྲུལ་པ་མ་མཛད་དོ། །ཕྱི་རོལ་དུ་སྤྲུལ་པ་མཛད་ན་ནི་སྐྱེ་བོ་ཀུན་གྱིས་ཡང་དང་ཡང་དུ་མཐོང་ཞིང་། ཕན་མི་ཐོགས་ལ་གཟུགས་བརྙན་དེ་ཞིག་པར་ཡང་འགྱུར་ཏེ། རྒྱུ་འདིས་ན་ཤིང་སཱ་ལ་ཟུང་གི་
D287.069.0215b01.01ནང་དུ་སྤྲུལ་པ་འདི་མཛད་ཅིང་། ཤིང་སཱ་ལ་ཟུང་གི་ནང་དུ་ངོ་མཚར་ཆེ་བའི་སྤྲུལ་པ་གཉིས་མཛད་དོ། །གང་སྐྱེ་བོ་ཀུན་གྱིས་བལྟ་བར་མི་བྱ་བའི་རྒྱུ་འདིས་ན་བཅོམ་ལྡན་འདས་དེས་ཤིང་ལྗོན་པའི་ནང་དུ་སྐྱེ་བ་དང་འཆི་བའི་ངོ་བོ་ལས་ཀྱི་དྲ་བའི་སྤྲུལ་པ་འདི་མཛད་དོ། །དེ་ནས་
D287.069.0215b02.01བརྒྱ་བྱིན་ལས་ལྷ་རྣམས་ཀྱིས་དེ་སྐད་ཐོས་ནས་ངོ་མཚར་ཆེའོ་སྙམ་པ་དང་བྲལ་ནས། དེ་ནས་ཡང་སྐྱེ་བ་དང་འཆི་བའི་ངོ་བོ་ལས་ཀྱི་དྲ་བ་དེ་ཁང་{བཟངས་,བཟང་}དཔག་ཚད་ལྔ་པའི་རྩིག་ངོས་དག་ལ་བྲིས་པ་དེ་དག་རབ་ཏུ་བསྟན་པར་བརྩམས་སོ། །དེ་ལ་རེ་ཞིག་དང་པོར་སྲོག་གཅོད་པ་
D287.069.0215b03.01རྣམས་ཀྱི་གནས་ཀྱང་སྔར་བསྟན་པ་བཞིན་གནོད་པ་ཡང་སྔར་བསྟན་པ་བཞིན་དུ་སྦྱར་ཏེ། སེམས་ཅན་དམྱལ་བ་ཡང་སོས་འཁོར་བཅུ་དྲུག་པ་སྤྲུལ་ཏོ། །དེ་ནས་ཐར་ནས་གལ་ཏེ་{ཡི་དགས་,ཡི་དྭགས་}རྣམས་ཀྱི་ནང་དུ་སྐྱེས་ན། ཤིན་ཏུ་ཕྲག་དོག་ཅན་དང་ཤིན་ཏུ་ཁྲོ་བར་འགྱུར་ལ། དེ་
D287.069.0215b04.01གཞན་གྱིས་མཚོན་ཆ་རྣམ་པ་དུ་མ་དག་གིས་གསོད་པར་བྱེད་དོ། །དེ་ནས་ལས་ཀྱི་དྲ་བས་འབྲེལ་པ་དུད་འགྲོ་རྣམས་ཀྱི་ནང་དུ་སྐྱེས་ན་དེ་ཤ་ཟ་བའི་སྐྱེ་གནས་སུ་སྐྱེ་བར་འགྱུར་ལ། དེ་ཤའི་དོན་དུ་མཚོན་ཆ་དག་གིས་བསད་ནས་ཟ་བར་བྱེད་དོ། །དེ་བཞིན་དུ་ཤ་རྗེན་ཟ་བ་སེང་
D287.069.0215b05.01གེ་དང་སྟག་དག་གི་སྐྱེ་གནས་སུ་སྐྱེ་བར་འགྱུར་ལ་ཤིན་ཏུ་མི་སྡུག་པ་དེ་མཚོན་ཆས་གསོད་པར་འགྱུར་རོ། །དེ་ནས་ཤི་ནས་གལ་ཏེ་མི་རྣམས་ཀྱི་ནང་དུ་སྐྱེས་ན། དེ་ཤིན་ཏུ་ཐབ་མོ་བྱེད་པ་འཁྲུག་པ་ལ་དགའ་ལ་སེམས་བདེ་བར་མི་གནས་པ་ཁོ་ན་ཡིན་ཏེ། དེ་མཚོན་གྱིས་
D287.069.0215b06.01བསད་ནས་ཚེ་ཐུང་བར་འགྱུར་རོ། །གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་འགའ་ཞིག་གིས་ལྷ་རྣམས་ཀྱི་ནང་དུ་སྐྱེས་ན། དེ་བོང་སྐྱེད་དང་མདོག་དང་དབྱིབས་རྣམས་ཉམས་པར་འགྱུར་ལ་ཚེ་ཐུང་བར་འགྱུར་ཏེ། ལྷ་དང་ལྷ་མ་ཡིན་གྱི་གཡུལ་དུ་གསོད་པར་
D287.069.0215b07.01