完整藏文原文 · 德格版页 当前仅加载第 69 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་གསུམ་པའི་ལྷ་རྣམས་ཀྱི་སར་སྐྱེ་བར་འགྱུར་ཏེ། ཡོངས་འདུ་ན་གནས་པའི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཤིང་ལྗོན་པ་གཅིག་པུ་དེ་ལྷག་པར་མཛེས་པ་ཡིན་ཏེ། གང་གི་ཚེ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་འབྱུང་བ་ན། འདི་ལྟར་ཡང་ལྷའི་རྒྱལ་
D287.069.0155b01.01པོ་ལྷ་ཐམས་ཅད་ཀྱི་བྱ་བ་ལེགས་པར་བྱས་པ་དང་ཉེས་པར་བྱས་པ་དང་འཛམ་བུ་གླིང་གི་མི་རྣམས་ཀྱི་སྤྱད་པ་ལེགས་པར་བྱས་པ་དང་ཉེས་པར་བྱས་པའི་ནང་ན་དེའི་དྲི་དང་མདོག་དང་མེ་ཏོག་དང་ལོ་མ་དང་འབྲས་བུ་ཕུན་སུམ་ཚོགས་པ་ཡིན་ནོ་ཞེས་དེ་རྗོད་པར་བྱེད་དོ། །གང་
D287.069.0155b02.01གི་ཚེ་འཛམ་བུའི་གླིང་དུ་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་འབྱུང་བ་དེའི་ཚེ། ཤིང་ཡོངས་འདུ་ས་བརྟོལ་མེ་ཏོག་རྒྱས་པར་འགྱུར་ཞིང་། དཔག་ཚད་བརྒྱར་དྲི་འབྱུང་ལ། འོད་ཀྱིས་རྣམ་པར་མཛེས་ཏེ། གཟི་བརྗིད་ཀྱིས་ཀྱང་འབར་བ་དེའི་ཚེ། སུམ་ཅུ་རྩ་
D287.069.0155b03.01གསུམ་པའི་ལྷ་རྣམས་ཡིད་དགའ་ནས། ཤིང་ཡོངས་འདུ་ས་བརྟོལ་ཡོངས་སུ་བསྐོར་ཏེ་འཁོད་ལ། ཨེ་མ་འདི་ལྟར་ཡོངས་འདུ་ས་བརྟོལ་རྣམ་པ་ཐམས་ཅད་དུ་མེ་ཏོག་རྒྱས་པ་འདི། གོར་མ་ཆག་པར་འཛམ་བུའི་གླིང་གི་མི་རྣམས་དགེ་སྦྱོང་དུ་འཛིན། བྲམ་ཟེར་འཛིན་རིགས་
D287.069.0155b04.01ཀྱི་རྒན་རབས་ལ་མཆོད་པ་བྱེད། རིགས་ཀྱི་རྒན་རབས་ཀྱི་རྗེས་སུ་ཞུགས་པ་ལྟ་ཞིག་སྟེ། འདི་ལྟར་བདག་ཅག་གི་ཤིང་ལྗོན་པ་འདི་རྣམ་པ་ཐམས་ཅད་དུ་མེ་ཏོག་རབ་ཏུ་རྒྱས་སོ་སྙམ་སེམས་སོ། །ལྷ་དེ་དག་དེ་དང་ཉེ་བར་དབྱར་ཟླ་བ་བཞིར་ལྷའི་འདོད་པའི་ཡོན་ཏན་ལྔ་
D287.069.0155b05.01འབྱོར་ཅིང་ལྡན་པར་གྱུར་པ་རྣམས་ཀྱིས་གནས་པར་བྱེད་དོ། །གང་གི་ཚེ་ཤིང་ཡོངས་འདུ་ས་བརྟོལ་གྱི་མེ་ཏོག་གི་རྣམ་པ་ཕྱེད་རྒྱས་པ་དེའི་ཚེ། སུམ་ཅུ་རྩ་གསུམ་པའི་ལྷ་རྣམས་ཤིན་ཏུ་དགའ་བར་འགྱུར་ཏེ། ཨེ་མ་འཛམ་བུ་གླིང་གི་མི་རྣམས་གོར་མ་ཆག་པར་ཚུལ་ཁྲིམས་འདྲེས་པར་
D287.069.0155b06.01སྤྱོད་པ་ལ་ཞུགས་པ་དེའི་ཚེ། ཤིང་ཡོངས་འདུ་ས་བརྟོལ་གྱི་མེ་ཏོག་གི་རྣམ་པ་འདྲེས་པར་འབྱུང་བར་འགྱུར་རོ། །གང་གི་ཚེ་ཐམས་ཅད་དུ་ཆོས་མ་ཡིན་པའི་སྐྱེ་དགུ་ཕལ་ཆེར་འབྱུང་བ་དེའི་ཚེ། ཤིང་ཡོངས་འདུ་ས་བརྟོལ་ཐམས་ཅད་དུ་ལོ་མ་དང་འདབ་མ་རྙིས་པར་འགྱུར་ཞིང་། དེ་བཞིན་
D287.069.0155b07.01