完整藏文原文 · 德格版页 当前仅加载第 69 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཆགས་པ་གང་། དེ་ནི་ཕྱི་ནས་འཆི་བའི་ཚེ། །དེ་ཡི་འབྲས་བུ་དེ་ཤེས་འགྱུར། །དེ་ལྟར་བརྒྱ་བྱིན་གྱིས་སྐྱེ་མཆེད་བཅུ་གཉིས་ཀྱི་མཚན་ཉིད་བག་མེད་པར་འགྱུར་བ་རྒྱ་ཆེར་ལྷ་རྣམས་ལ་སྟོན་ཏེ། གང་སྔོན་དགེ་བའི་རྩ་བ་བསྐྱེད་པ། བག་མེད་པ་ཆུང་བ་གང་ཡིན་པ་དེ་དག་ནི་
D287.069.0247b01.01བག་མེད་པ་ལ་ཤིན་ཏུ་གནས་པར་མི་བྱེད་དེ། ཆོས་བཤད་པ་དོན་ཡོད་པར་བྱའོ་སྙམ་ནས་དེ་དག་ཉིད་ཁོང་དུ་ཆུད་པར་བྱེད་དོ། །དབང་པོ་ཡོངས་སུ་མ་སྨིན་པ་རྣམས་ནི། ཆུ་བུར་མ་སྨིན་པ་བརྟོལ་བ་དང་གཟག་པ་དང་བསྐམ་པ་དང་གསོ་བ་བཞིན་དུ་ག་ལ་ཞིག་ཁོང་དུ་ཆུད་པར་
D287.069.0247b02.01འགྱུར་ཏེ་མི་འགྱུར་རོ། །ལྷའི་རྒྱལ་པོ་བརྒྱ་བྱིན་དེས་གོང་ནས་གོང་དུ་ཚིག་གི་རིམ་པ་རེ་རེས་སྐྱེ་མཆེད་བཅུ་གཉིས་དག་གི་མཚན་ཉིད་ཇི་ལྟ་བ་བཞིན་བཤད་ཅིང་། ལྷ་དེ་རྣམས་ལ་རྫུ་འཕྲུལ་རྨད་དུ་བྱུང་བ་དེ་དག་ཀྱང་བསྟན་ནས། དེ་ནས་ཡང་རིམ་གྱིས་བྱུང་བ་དྲན་པ་དང་། འབྲེལ་པ་རྣམས་
D287.069.0247b03.01ཀྱི་མཚན་ཉིད་དང་དམིགས་པ་དང་རྒྱུ་དང་རྐྱེན་དག་བག་མེད་པ་དང་དབྲལ་བར་བྱ་བའི་དོན་དུ་ཁོང་དུ་ཆུད་པར་བྱེད་དོ། །བརྒྱ་བྱིན་དེ་སྲོག་ཆགས་གསོད་པ་སྤྲུལ་པ་བསྟན་པས་འཇིགས་ཤིང་མི་དགའ་བའི་ལྷ་དེ་དག་ཉིད་ངེས་པར་འབྱུང་བའི་ཐབས་ཀྱི་དོན་དང་། ཕན་པར་བྱ་བའི་ཕྱིར་ཡང་དང་ཡང་དུ་
D287.069.0247b04.01ཆོས་སྟོན་པར་བྱེད་དོ། །གཙོ་བོ་སེམས་ལས་བྱུང་བའི་གཡོ་ཞེས་བྱ་བ་ནི་དྲང་པོ་མ་ཡིན་པ་ཉིད་དེ། འཁོར་བར་ཤིན་ཏུ་འཆིང་བར་བྱེད་པ་མ་རུངས་པ་ཉིད་ཡིན་ནོ། །ཕྲག་དོག་ཅེས་བྱ་བ་ནི་གཞན་ལ་གནོད་པར་བྱེད་པའི་ངོ་བོ་ཉིད་ཡིན་ནོ། །གཙོ་བོ་སེར་སྣ་ཞེས་བྱ་བ་ནི་ནོར་རྫས་ཟད་དུ་དོགས་པས་
D287.069.0247b05.01འཇིགས་པ་ཉིད་དང་། སེམས་ལས་བྱུང་བ་བརྐམ་པ་ཉིད་ཡིན་ཏེ། འདི་དག་ནི་ཁམས་གསུམ་ཀུན་གྱི་ས་ལས་བྱུང་བ་ཆུང་ངུ་ཡིན་ནོ། །དེ་དག་ཀྱང་ཁམས་གསུམ་དུ་སོ་སོར་དབྱེ་ན་དུ་ཡོད་ཅེ་ན། ཁྲོ་བ་དང་འཁོན་དུ་འཛིན་པ་དང་ཕྲག་དོག་དང་སེར་སྣ་དང་སྟོན་པ་དང་སྒྱུ་དང་འཚིག་པ་ནི་
D287.069.0247b06.01འདོད་པའི་ཁམས་སུ་འཇུག་ལ། གཡོ་གཅིག་པུ་ནི། འདོད་པའི་ཁམས་དང་ཚངས་པའི་འཇིག་རྟེན་དུ་ཡང་འབྱུང་ངོ་། །ང་རྒྱལ་དང་ལྷག་པའི་ང་རྒྱལ་ནི་ཁམས་གསུམ་ཅར་དུ་འབྱུང་སྟེ། གཙོ་བོ་ཆོས་བཅུ་པོ་འདི་དག་ནི་ས་ཆུང་ངུ་ལས་བྱུང་བ་ཡིན་ནོ། །གཞན་ཡང་གཙོ་བོ་དགེ་བ་ཆོས་
D287.069.0247b07.01