完整藏文原文 · 德格版页 当前仅加载第 69 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོ་བའི་རིའི་རྩེ་མོ་དེར་དགའ་བར་རྒྱུར་འགྲོ་བར་བྱེད་དོ། །དེ་ནས་རི་དེའི་རྩེ་མོ་ལ་ལྷ་དེ་དག་གིས་སླེབས་ནས་རིན་པོ་ཆེ་བདུན་གྱི་འབབ་ཆུ་དང་ཆུ་ཀླུང་དང་རྫིང་བུ་དུ་མས་ཉེ་བར་མཛེས་པར་གྱུར་པ་པད་མའི་ནགས་ཡོངས་སུ་རྒྱས་པར་མཛེས་པར་གྱུར་པ་ནི་ཉི་མ་
D287.069.0290a01.01བརྒྱའི་འོད་ཟེར་བས་ཆེས་ལྷག་པར་གྱུར་པའི་འོད་ཀྱི་གཟི་བརྗིད་ཅན་དེ་ན། ལྷ་དང་ལྷ་མོའི་ཚོགས་ཀྱིས་གང་བ་རིན་པོ་ཆེའི་རང་བཞིན་དུ་མ་ཉི་མ་དང་མདོག་མཚུངས་པའི་ཤིང་གིས་ཉེ་བར་མཛེས་པར་འཇམ་ཞིང་མཐོ་བའི་རི་དེ་དང་པད་མ་དེར་ལྷ་དེ་དག་རྣམས་ཀྱིས་ཕྱིན་ནས་རི་དེའི་ནགས་
D287.069.0290a02.01ན་གར་བྱེད་ཅིང་ཕན་ཚུན་དུ་ཀུན་དུ་སྤྱོད་དོ། །དེ་ནས་ཡང་འདབ་མ་སྟོང་ཕྲག་བརྒྱ་པའི་པད་མ་ལའོ། །དེ་རྣམས་པད་མ་དེ་དག་རྣམས་ལ་ཀུན་དུ་ཞུགས་ནས་ཕྱིར་ཡང་འཇམ་ཞིང་མཐོ་བའི་རི་དེ་ལ་འཛེག་གོ། །བདེ་བ་ལ་སྤྱད་པའི་དོན་དུ་འཐབ་བྲལ་གྱི་མངའ་བདག་མུ་སུ་ལུན་དྷ་
D287.069.0290a03.01ཡང་ལྷའི་ཚོགས་ཀྱིས་ཡོངས་སུ་བསྐོར་བ་དང་བཅས་ནས་གང་ན་ལྷ་དེ་དག་རྣམས་དགའ་དགུར་ཀུན་ཏུ་སྤྱོད་པ་དེར་འགྲོའོ། །ལྷ་དེ་དག་རྣམས་ཀྱིས་ཀྱང་དེ་མངོན་དུ་ལེགས་པར་མཐོང་ནས་ཡིད་རབ་ཏུ་དགའ་བར་གྱུར་པའི་ཡིད་དང་ལྡན་པས་གར་བྱེད་པར་གྱུར་དགོད་པར་ཡང་བྱེད་ཅིང་ཀུན་
D287.069.0290a04.01དུ་སྤྱོད་པར་ཡང་བྱེད་དོ། །འཐབ་བྲལ་གྱི་བདག་པོ་མུ་སུ་ལུན་དྷ་དེ་ཡང་དེ་ལྟར་རབ་ཀྱི་མཆོག་ཏུ་ཡིད་དགའ་སྟེ། ལྷ་རྣམས་རང་གི་ལས་དབང་པོར་གྱུར་པ་རང་གི་ལས་ཀྱི་འབྲས་བུའི་སྐྱེ་གནས་པ་དེ་ལས་དེ་དག་རྣམས་ཀྱིས་ལྷ་དམན་པ་དང་བར་མ་དང་ཁྱད་དུ་འཕགས་པ་
D287.069.0290a05.01དམན་པ་དང་བར་མར་སྐྱེད་པ་དང་། དམན་པ་དང་བར་མའི་གཟུགས་དམན་པ་དང་བར་མ་དང་ཁྱད་པར་དུ་འཕགས་པའི་བདེ་བའོ། །འཐབ་བྲལ་གྱི་ལྷ་ཐམས་ཅད་པས་དམན་པའི་བདེ་བ་གང་ཡིན་པ་དེ་ཡང་བཅུ་དྲུག་ཆར་བགྲང་བའི་རིམ་པས་ཀྱང་བརྒྱ་བྱིན་ལ་ནམ་ཡང་མི་འགྱུར་
D287.069.0290a06.01ལ། རེ་ཞིག་བརྒྱ་བྱིན་དེ་ཉིད་ཀྱི་བདེ་བ་ཡང་བརྗོད་པར་མི་ནུས་ན། ཅི་ཡང་བརྒྱ་ཕྲག་སུམ་འགྱུར་དུ་ལས་ཀྱི་མཐའ་ལ་སྤྱད་པའི་འཐབ་བྲལ་བ་རྣམས་ཀྱི་རྫོགས་པར་བརྗོད་པར་ནུས་སམ། དེ་ཉིད་ནི་དགེ་བ་ཀུན་དུ་རྒྱས་པའི་ལེགས་པར་བྱས་པའི་ལས་རྣམས་ཀྱི་ཡང་འབྲས་བུ་
D287.069.0290a07.01