完整藏文原文 · 德格版页 当前仅加载第 69 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
འཆི་བ་ནི་ཡོད་དོ། །ལེགས་པར་བྱས་པ་དང་། ཉེས་པར་བྱས་པའི་ལས་ཀྱི་འབྲས་བུ་ནི་ལས་ཐམས་ཅད་ལ་རག་ལས་པ་ཡིན་ནོ། །དེས་དུད་འགྲོའི་འགྲོ་བར་བསྡུས་པ་ལྷ་མ་ཡིན་གཉིས་པ་དག་གི་ས་ལ་བརྟགས་ན། ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ། །
D287.069.0020a01.01སེམས་ཅན་འཁོར་བར་གཏོགས་པ་ཐམས་ཅད་ནི་ཆོས་ལ་རྟེན་པ། ཆོས་ཀྱི་འགྲོ་བ་ཆོས་སྐྱོབ་པ་ཡིན་ཏེ། ལེགས་པར་བྱས་པས་ལྷ་དང་མི་རྣམས་ཀྱི་ནང་དུ་སྐྱེ་ལ། ཉེས་པར་བྱས་པས་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་རོ། །
D287.069.0020a02.01དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་རྟོག་པར་བྱེད་དེ། ཇི་ལྟར་ན་ལྷ་ཀུན་ཏུ་རྒྱུ་བ་རྣམས་གནོད་སྦྱིན་རྫུ་འཕྲུལ་ཆེན་པོ་རྣམས་ལས་ཐོས་ནས། ཅི་ཞིག་བྱེད་ཅིག་གུ་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་ལྷ་ཀུན་ཏུ་
D287.069.0020a03.01རྒྱུ་བ་རྣམས་རྒྱལ་ཆེན་བཞི་དང་ལྷ་ཕྲེང་ཐོགས་རྣམས་ལ་འདི་ལྟར་ལྷ་མ་ཡིན་ཆོས་དང་མི་ལྡན་ཞིང་ཆོས་ཀྱི་རྗེས་སུ་མི་འཇུག་པ་རྣམས་ཀྱིས་ཀླུ་རྣམས་ལ་འདི་ལྟར་ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པའི་མི་རྒྱུ་གང་གིས་འཆི་བའི་དུས་བྱས་ནས། ལྷ་རྣམས་ཀྱི་ནང་དུ་སྐྱེ་བར་འགྱུར་བ་
D287.069.0020a04.01རྣམས་ལ་བར་ཆད་བྱ་བར་འབོད་ཅིག །དེ་དག་སྦྱིན་པ་དང་། ཚུལ་ཁྲིམས་དང་། ཤེས་པ་ཐམས་ཅད་ཀྱང་ཁ་ཟས་ལ་རག་ལས་པ་ཡིན་ལ། དེ་དག་ཀྱང་ཁ་ཟས་ལ་རྟེན་པ་ཡིན་པས། འཛམ་བུའི་གླིང་དུ་ཁྱེད་དེང་ལ། ལོ་ཏོག་ཐམས་ཅད་དབྲོག་པ་དང་། འབྲུ་ཐམས་ཅད་
D287.069.0020a05.01མ་རུང་བར་བྱ་བའི་ཆར་ཕོབ་ཤིག་ཅེས་རབ་ཏུ་གཟེངས་སྟོད་པར་བྱེད་པ་དེ་དག་བདག་ཅག་ལ་བསྙད་དོ། །ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ་བར་སྣང་ལ་རྒྱུ་བའི་གནོད་སྦྱིན་གང་ཡིན་པ་དེ་རྣམས་ཀྱིས་ཀྱང་དེ་དག་བདག་ཅག་ལ་བསྙད་ལ། བདག་ཅག་གིས་ཀྱང་ཁྱེད་ཅག་ལ་
D287.069.0020a06.01བསྙད་པ་ལགས་སོ། །ཁྱེད་ཅག་གིས་ཀྱང་ཉེ་བ་ན་གནས་པའི་ལྷ་གང་ཡོད་པ་དེ་དག་ལ་བསྙད་ཅིང་། ལག་ན་ཡོལ་གོ་ཐོགས་པ་རྣམས་ཀྱིས་ཀྱང་པི་བང་ཅན་གསུམ་པ་རྣམས་ལ། པི་བང་ཅན་གསུམ་པ་རྣམས་ཀྱིས་ཀྱང་རྟག་ཏུ་མྱོས་པ་རྣམས་ལ་བསྙད་དེ། དེ་ལྟར་རྒྱལ་ཆེན་
D287.069.0020a07.01