完整藏文原文 · 德格版页 当前仅加载第 69 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་ཀྱིས་དོན་དམ་པར་འབྱེད་པར་བྱེད་དོ། །འབྱེད་པ་ཞེས་བྱ་བ་ནི་ཆོས་རྣམས་ཀྱི་དེ་ཁོ་ནའི་མཚན་ཉིད་ཡིན་ཏེ། འདི་ནི་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ཡིན་ནོ། །དོན་དེ་དག་ཉིད་ཡང་དང་ཡང་ཡིད་ལ་བྱེད་ཅིང་འབད་པ་དང་འགྲུས་པ་དང་བརྩོན་
D287.069.0244a01.01པར་འགྱུར་ཏེ། དེ་ནི་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ཡིན་ནོ། །ཡང་ཡིད་ལ་བྱེད་པར་མངོན་པར་འདོད་ཅིང་དགའ་བ་ཉིད་དུ་འགྱུར་བ་ནི། དགའ་བ་ཡང་དག་བྱང་ཆུབ་ཀྱི་ཡན་ལག་ཡིན་ནོ། །ཡང་དོན་དེ་དག་ཉིད་ཡིད་ལ་བྱེད་ཅིང་ལུས་ཀྱི་ཆོས་དང་སེམས་ཀྱི་ཆོས་ཉིད་ཇི་
D287.069.0244a02.01ལྟར་དེ་ལས་སུ་རུང་བ་ཉིད་དང་འཇམ་པ་དང་ཡང་དེ་ལྟར་རྣལ་འབྱོར་ལ་བདེ་བ་འདུ་བ་ཉིད་དུ་འགྱུར་བ་ནི། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ཡིན་ནོ། །ཡང་དོན་དེ་དག་ཉིད་ཡིད་ལ་བྱེད་ཅིང་དམིགས་པ་ལས་གཞན་དུ་མི་གནས་པ་དེས་སེམས་འཛིན་པར་འགྱུར་བ་ནི། ཏིང་
D287.069.0244a03.01ངེ་འཛིན་ཡང་དག་བྱང་ཆུབ་ཀྱི་ཡན་ལག་ཡིན་ནོ། །ཡང་ཏིང་ངེ་འཛིན་དེ་དག་ཉིད་བཏང་སྙོམས་སུ་བློ་གཞན་དུ་མི་འགྱུར་བ་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ཡིན་ནོ། །བྱང་ཆུབ་ཀྱི་ཡན་ལག་གི་འབྲས་བུ་སྣ་ཚོགས་སུ་འབྱུང་སྟེ། ཡེ་ཤེས་སྣ་ཚོགས་དང་། ཚུལ་ཁྲིམས་
D287.069.0244a04.01སྣ་ཚོགས་དང་། ཉོན་མོངས་པ་སྤོང་བ་སྣ་ཚོགས་འབྱུང་ངོ་། །བྱང་ཆུབ་ཀྱི་ཡན་ལག་འདི་རྣམས་དམིགས་པ་གཅིག་ལ་གོང་ནས་གོང་དུ་རིམ་པར་འཕེལ་ལ་འབྲས་བུ་ནི་ཐ་དད་པར་འབྱུང་ངོ་། །ལྷ་དག་དེ་ལྟར་བྱང་ཆུབ་ཀྱི་ཡན་ལག་བདུན་ལ་བག་ཡོད་པས་བལྟ་བར་བྱ་ཞིང་ཡིད་ལ་
D287.069.0244a05.01བྱའོ། །འདི་ལ་མྱོས་པ་མེད་པའི་བདེ་བ་ཚོལ་བ་འཇིག་རྟེན་ཕ་རོལ་ལ་འཇིགས་སྐྲག་པ། མྱ་ངན་ལས་འདས་པའི་གྲོང་གི་ལམ་ཚོལ་བའི་འཕགས་པའི་ལམ་ཡན་ལག་བརྒྱད་པ་ནི། འཕགས་པའི་བདེན་པ་ཡང་དག་པའི་ལྟ་བ་དང་། འཕགས་པའི་བདེན་པ་ཡང་དག་པའི་རྟོག་པ་
D287.069.0244a06.01དང་། འཕགས་པའི་བདེན་པ་ཡང་དག་པའི་ངག་དང་། འཕགས་པའི་བདེན་པ་ཡང་དག་པའི་ལས་ཀྱི་མཐའ་དང་། འཕགས་པའི་བདེན་པ་ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཏོ། །ལྷ་དག་
D287.069.0244a07.01