完整藏文原文 · 德格版页 当前仅加载第 69 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱེད་དོ། །དེ་ཕྱིས་འཆི་བའི་དུས་ཡང་དག་པར་བྱུང་བ་ན་གཤིན་རྗེའི་མིའི་དབང་དུ་འགྱུར་རོ། །འཕགས་པའི་བདེན་པ་བཞི་གང་ཞེ་ན། འདི་ལྟ་སྟེ། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་ལམ་མོ་ཞེས་གང་སྨྲས་པ། དེ་ལ་སྡུག་བསྔལ་བ་ནི་
D287.069.0243b01.01ལུས་དང་སེམས་ཀྱིའོ། །ཀུན་འབྱུང་བ་ནི་ཕུང་པོ་དང་ཁམས་དང་སྐྱེ་མཆེད་རྣམས་ཀྱི་ཀུན་འབྱུང་བའོ། །འགོག་པ་ནི་ཞི་བའོ། །ལམ་ནི་ཡན་ལག་བརྒྱད་དེ། འཕགས་པའི་བདེན་པ་བཞི་པོ་འདི་དག་བསྒོམ་པར་བྱའོ། །ལྔ་ཞིག་ལེགས་པར་བསྲུང་བར་བྱའོ་ཞེས་གང་སྨྲས་
D287.069.0243b02.01པ་ཡུལ་ལྔ་སྟེ། གཟུགས་དང་། སྒྲ་དང་། དྲི་དང་། རོ་དང་། རེག་བྱ་འདི་ལྔ་བསྲུང་བར་བྱ་བ་ཡིན་ནོ། །དེ་ཁོ་ན་ཉིད་ཡོངས་སུ་ཤེས་པར་བྱ་བ་གང་ཡིན་ཞེ་ན། བསྲུང་བར་བྱ་བ་དྲུག་པོ་འདི་ལྟ་སྟེ། མིག་ལ་སོགས་པ་དབང་པོ་དྲུག་ཡུལ་རྣམས་ལ་བསྲུང་བར་བྱ་བ་ཡིན་ནོ། །
D287.069.0243b03.01བདུན་ཞིག་ལེགས་པར་ཤེས་པར་བྱ་བ་གང་སྨྲས་པ། གང་ཞེ་ན་འདི་ལྟ་སྟེ། བྱང་ཆུབ་ཀྱི་ཡན་ལག་བདུན་ཡིན་ཏེ་བདུན་པོ་དེ་བྱང་ཆུབ་ཀྱི་ཡན་ལག་ཏུ་འགྱུར་རོ། །དཔེར་ན་ལུས་ཀྱི་ཡན་ལག་དང་། གྲོང་ཁྱེར་གྱི་ཡན་ལག་དང་། གནས་ཀྱི་ཡན་ལག་ཏུ་འགྱུར་བ་དེ་བཞིན་དུ་འདི་དག་བྱང་
D287.069.0243b04.01ཆུབ་ཀྱི་ཡན་ལག་ཏུ་འགྱུར་རོ། །དེ་དག་ཀྱང་གང་ཞེ་ན་འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང་། ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང་། དགའ་བ་ཡང་དག་བྱང་ཆུབ་ཀྱི་ཡན་ལག་དང་།
D287.069.0243b05.01ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་གོ། །དེ་ལ་དྲན་པ་ཡང་དག་བྱང་ཆུབ་ཀྱི་ཡན་ལག་གི་མཚན་ཉིད་ཅི་ཡིན་ཞེ་ན་འདི་ལྟ་སྟེ། འདུས་བྱས་ཀྱི་ཆོས་ཀྱི་ཉེས་དམིགས་ཀྱི་
D287.069.0243b06.01ཆོས་དེ་ཁོ་ན་ཉིད་བདེན་པ་བདེན་པར་དྲན་པ་དང་། མྱ་ངན་ལས་འདས་པ་ཞི་བ་བསགས་པར་དྲན་པ་ཡིན་ཏེ། དེ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་དེའི་དང་པོ་ཡིན་ནོ། །ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་གཉིས་པ་དེའི་མཚན་ཉིད་ཅི་ཡིན་ཞེ་ན་འདི་ལྟ་སྟེ།
D287.069.0243b07.01