完整藏文原文 · 德格版页 当前仅加载第 69 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐོར་ནས་སུ། །སྲེག་པར་བྱེད་ཀྱང་མི་རིག་གོ། །དེ་ལྟར་བྱ་དེ་དག་གིས་ལྷ་དེ་རྣམས་ལ་མངོན་པར་བརྟགས་ནས། ཡང་དང་ཡང་དུ་རབ་ཏུ་གོ་བར་བྱེད་དོ། །དེ་ནས་དེ་ན་ལྷ་གང་དག་སྔོན་ལས་དགེ་བ་བྱས་ཤིང་སྤྱད་པ་དེ་དག་གལ་ཏེ་ཡང་བྱ་དེ་དག་གི་སྒྲ་རྣར་ཐོས་ནས་འཐུང་
D287.069.0201b01.01བར་མི་བྱེད་དེ། ཡུད་ཙམ་ཞིག་བག་ཡོད་པ་དང་ལྡན་ནས། དེ་ནས་ཡང་ཡུལ་སྒྲ་དང་རེག་པ་དང་གཟུགས་དང་རོ་དང་དྲི་སྡུག་པ་དཔེ་མེད་པ་རྣམས་ཀྱི་དབང་དུ་སོང་སྟེ། དེའི་ངོ་བོ་ཉིད་ཀྱི་དབང་དུ་སོང་བའི་ཡིད་དག་དེ་ནས་ཡང་སིལ་སྙན་ཡན་ལག་ལྔ་དང་ལྡན་པས་ཚལ་དང་ཉེ་བའི་ཚལ་
D287.069.0201b02.01རྣམས་སུ་ལྷ་དག་རྩེ་ཞིང་གང་དང་གང་མྱོང་བར་འདོད་པ་དེ་དང་དེ་ཤིན་ཏུ་མྱོང་ངོ་། །ལྷ་དང་ལྷ་མོ་འབུམ་སྙེད་ཀྱིས་ཡོངས་སུ་བསྐོར་ཅིང་རང་གིས་བྱས་པ་ལ་སྤྱོད་པ་ཁ་ཅིག་ནི་བཻ་ཌཱུརྱ་དང་། ཨན་ད་རྙིལ་དང་སྤུག་ལས་བྱས་པའི་རི་རབ་ཀྱི་རིའི་རྩེ་མོ་དང་ཚལ་དང་ཉེ་བའི་ཚལ་གྱི་ས་དང་འབབ་ཆུ་
D287.069.0201b03.01དང་ལྟེང་ཀ་པད་མས་རྣམ་པར་བརྒྱན་པ་རིའི་རྩེ་མོ་བྱ་སྡུག་གུ་སྣ་ཚོགས་ཀྱིས་རྣམ་པར་བརྒྱན་པ། བཻ་ཌཱུརྱའི་འདབ་མ་དང་གསེར་གྱི་ཟེ་བ་དང་ཤེལ་གྱི་སྡོང་བུའི་པད་མའི་རྫིང་དག་ཏུ་བུང་བའི་ཚོགས་ཀྱིས་ཤིན་ཏུ་གང་བའི་ཡུལ་དཔེ་མེད་པ་ཆུ་བོའི་ཀླུང་ལྟ་བུ་རྣམ་པ་སྣ་ཚོགས་ཀྱི་དབང་དུ་སོང་བ་ན་ཡང་
D287.069.0201b04.01དང་ཡང་དུ་རྩེ་བར་བྱེད་ཀྱང་ངེས་པར་མྱོང་བར་འགྱུར་བའི་སྡུག་བསྔལ་གང་ཡིན་པ་དེ་དག་མི་རིག་སྟེ། དེ་ལྟར་ཇི་སྲིད་དུ་བྱས་ཤིང་བསགས་པའི་ལས་དེ་ཟད་པར་མ་གྱུར་པ་དེ་སྲིད་དུ་ཕན་ཚུན་གྲོགས་སུ་གྱུར་པ་དག་དགའ་བར་བྱེད་རྩེ་བར་བྱེད་དོ། །དེ་ཟད་ནས་ལྟུང་བར་འགྱུར་ཏེ། ཇི་ལྟར་ཉི་
D287.069.0201b05.01མ་ནུབ་ན་ཉིན་མོ་ཟད་པ་དེ་ལྟར་ལྷ་རྣམས་ལེགས་པར་བྱས་པ་ཟད་ན་མཐོ་རིས་ཀྱི་མཐའ་ནས་ལྟུང་བར་འགྱུར་རོ། །ལྷུང་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན་སེམས་ཅན་དམྱལ་བ་དང་{ཡི་དགས་,ཡི་དྭགས་}དང་དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་རོ། །གལ་ཏེ་མི་རྣམས་དང་སྐལ་བ་
D287.069.0201b06.01མཉམ་པར་མིའི་ནང་དུ་སྐྱེས་ན་ལས་དེ་དང་རྒྱུ་འཐུན་པར་དེ་ཤིན་ཏུ་བདེ་བར་འགྱུར་ཏེ། ནོར་མང་བ་དང་མཆོག་ཏུ་རྒྱ་ཆེ་བ་ལ་དགའ་བ་དང་། དམ་པའི་ཆོས་ལ་དགའ་བ་དང་། རྟག་ཏུ་ཤེས་པ་ལ་དགའ་བ་དང་། དགེ་སྦྱོང་དང་བྲམ་ཟེ་ལ་དགའ་བ་དང་། ཚེ་རིང་པོར་འགྱུར་བ་ཡང་
D287.069.0201b07.01