完整藏文原文 · 德格版页 当前仅加载第 69 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་སྟེན་བྱེད་ན། །དེ་ནི་བདེ་ལས་བདེ་འགྱུར་ལ། །སྡུག་བསྔལ་རྗེས་སུ་མཐོང་མི་འགྱུར། །ཆོས་མ་ཡིན་པར་སྤྱོད་པའི་མི། །གང་ཚེ་ཆོས་མིན་སྟེན་བྱེད་ན། སེམས་ཅན་དམྱལ་བར་དེ་རྟག་ཏུ། །ཡང་དང་ཡང་དུ་སྡུག་བསྔལ་འགྱུར། །ཇི་ཙམ་གནས་རྣམས་བསྟན་པ་ནི། །དེ་ཙམ་བརྒྱ་བྱིན་ཡུལ་ཡིན་
D287.069.0282b01.01ལ། །བརྒྱ་བྱིན་གནས་ནི་གཞན་མེད་དེ། །འདི་ལྟར་དེ་དག་ངེས་པ་ཡིན། །སུམ་ཅུ་རྩ་གསུམ་ཀུན་ནས་སུ། །གང་ན་ལྷ་རྣམས་འཆི་མེད་དང་། །ལོག་པར་ལྟུང་བའི་ལས་མེད་པ། །དེ་ནི་ཕྱོགས་འགའ་ཡོད་མ་ཡིན། །རྒྱུ་རྣམས་དུ་མར་འགྲོ་བ་དང་། །སྙིང་པོ་ངེས་པ་སྣ་ཚོགས་པ། །བརྒྱ་བྱིན་ཆོས་ནི་
D287.069.0282b02.01སྟོན་བྱེད་ཀྱང་། །ལྷ་རྣམས་སྟེན་པར་མི་བྱེད་དོ། །མཁས་པ་ལས་ནི་ཀཽ་ཤི་ཀ། །མཛོད་ཡིན་ཕྱིར་ན་ལུས་ཡིན་ལ། །པད་མ་ལ་ནི་དགའ་བས་ན། །སྡིག་པའང་རྣམ་པར་སྤོང་བར་བྱེད། །དེ་ནི་དམ་ཆོས་རྟག་ཏུ་འཆད། །ལྷ་རྣམས་ཀྱི་ནི་ཕ་འདྲ་ཡང་། །བག་མེད་པ་ཡིས་སེམས་འཁྲུགས་ཤིང་། །རྨོངས་
D287.069.0282b03.01པ་དེ་དག་འཛིན་མི་བྱེད། །དེ་ལྟར་ལྷ་དེ་དག་དང་བྱ་རྣམས་ཀྱིས་བརྗོད་པ་ཐོས་པར་གྱུར་དུ་ཟིན་ཀྱང་། །ངོ་བོ་ཉིད་ཀྱིས་བག་མེད་པས་ཀུན་ནས་ཕྲོགས་པའི་སེམས་ཡིན་པའི་ཕྱིར་སྐྱོ་བ་སྐྱེ་བར་ཡང་མི་འགྱུར་རོ། །དེས་དེ་དག་རྣམས་ལ་བརྩི་བགྲང་ཡང་མ་བྱས་པར་སླར་ཉིད་ཀྱང་ད་ལྟར་བའི་ཡུལ་གྱི་བདེ་
D287.069.0282b04.01བ་རྣམས་ཀྱིས་དགའ་བར་བྱེད་ཀྱི། གཞན་མཐོང་བ་ནི་མ་ཡིན་ནོ། །ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པ་སོ་སོར་མྱོང་བར་འགྱུར་བའི་ལེགས་པར་བྱས་པའི་ལས་དེ་དག་རྣམས་ཟད་པར་མ་གྱུར་པའི་དུས་དེ་སྲིད་དུ། ལྷའི་རིགས་དེ་དག་རྣམས་སུ་འདོད་པའི་ཡུལ་ལྔ་ལ་
D287.069.0282b05.01དགའ་བར་བྱེད་དོ། །ཕྱི་ནས་ནི་ལྷའི་འཇིག་རྟེན་དེ་དག་ལས་འཆི་འཕོ་བར་འགྱུར་རོ། །ཤི་འཕོས་ནས་ཀྱང་ཇི་ལྟར་ལས་ཀྱི་ཉེ་བར་འགྲོ་བར་འགྱུར་བའི་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོ་རྣམས་སུ་སྐྱེ་བར་འགྱུར་རོ། །གལ་ཏེ་མི་རྣམས་དང་སྐལ་བ་འཐུན་པར་གྱུར་པ་མི་རྣམས་ཀྱི་ནང་དུ་སྐྱེས་པར་
D287.069.0282b06.01གྱུར་ན། དེ་རྟག་ཏུ་ཡང་མཆོག་ཏུ་སྐྱིད་པར་འགྱུར་བ་དང་མཆོག་ཏུ་དགེ་ལེགས་དང་ལྡན་པ་དང་ལོངས་སྤྱོད་མཆོག་དང་ལྡན་པ་དང་ཤིན་ཏུ་གཟུགས་བཟང་བ་དང་། སྐྱེ་བོ་རྣམས་ཐམས་ཅད་བྱམས་པར་ཡང་ལས་དེའི་རྒྱུ་འཐུན་པས་འགྱུར་རོ། །གཞན་ཡང་དགེ་སློང་ལས་ཀྱི་འབྲས་བུ་རྣམ་
D287.069.0282b07.01